सुनाखरी न्युज/ काठमाडौं ।

नेपालमा ब्याट्रीको प्रयोग तथा आयात बढ्दै गएको समयमा चीनका ब्याट्री निर्माता कम्पनीका प्रतिनिधि र नेपालभरका ब्याट्री आयातकर्ता तथा व्यवसायीबीच प्रत्यक्ष भेटघाट तथा छलफल हुने भएको छ।चीनबाट नेपालमा ब्याट्री तथा विद्युतीय सामग्रीको आयात बढिरहेको अवस्थामा नेपाली बजारको वास्तविक आवश्यकता, उपभोक्ताको माग, उत्पादनको गुणस्तर, मूल्य तथा आपूर्ति व्यवस्थापनबारे प्रत्यक्ष रूपमा बुझ्ने उद्देश्यले उक्त भेटघाट आयोजना गर्न लागिएको हो।

ललितपुरस्थित एन्जल ट्रेड सेन्टर को कार्यालयमा चीनबाट आएका ब्याट्री निर्माता कम्पनीका प्रतिनिधिहरूले नेपालमा ब्याट्री आयात तथा वितरण गर्दै आएका व्यवसायीहरूसँग प्रत्यक्ष भेटघाट तथा छलफल गर्ने कार्यक्रम तय भएको छ। २३ अगस्टदेखि २६ अगस्ट २०२६ सम्म सञ्चालन हुने उक्त भेटघाटमा नेपालका विभिन्न जिल्लाबाट ब्याट्री आयात, थोक बिक्री, वितरण तथा विद्युतीय ऊर्जा क्षेत्रमा आबद्ध व्यवसायीहरू सहभागी हुने अपेक्षा गरिएको छ।

नेपाली बजारको आवश्यकता निर्मातासम्म पुर्‍याउने प्रयास
हाल नेपालमा विभिन्न प्रकारका ब्याट्रीको माग बढिरहेको छ। विद्युतीय सवारीसाधन, सौर्य ऊर्जा, इन्भर्टर, ऊर्जा भण्डारण प्रणाली, दूरसञ्चार, औद्योगिक उपकरण तथा अन्य विद्युतीय सामग्रीमा ब्याट्रीको प्रयोग विस्तार भइरहेको छ। यस्तो अवस्थामा नेपाली बजारमा आवश्यक पर्ने ब्याट्रीको प्रकार, क्षमता, गुणस्तर, मूल्य तथा प्रयोगको क्षेत्रबारे निर्माता कम्पनीलाई प्रत्यक्ष जानकारी गराउनु महत्वपूर्ण हुने व्यवसायीहरूको भनाइ छ।

कार्यक्रममा सहभागी नेपाली आयातकर्ता तथा व्यवसायीले आफ्ना वास्तविक आवश्यकता, बजारमा देखिएका समस्या, ग्राहकको माग तथा हाल प्रयोग भइरहेका ब्याट्रीका विषयमा चिनियाँ निर्माता कम्पनीका प्रतिनिधिसँग प्रत्यक्ष छलफल गर्नेछन्। यसबाट “नेपालमा के चाहिन्छरु” भन्ने कुरा चीनका निर्माता कम्पनीले प्रत्यक्ष रूपमा बुझ्न सक्ने र “कस्तो उत्पादन नेपालका लागि उपयुक्त हुन्छरु” भन्ने विषयमा नेपाली व्यवसायीले निर्मातासँग प्रत्यक्ष जानकारी लिन सक्ने अपेक्षा गरिएको छ।

बजार अध्ययनपछि उत्पादनमा सुधार तथा नयाँ उत्पादनको सम्भावना
कार्यक्रमको अर्को महत्वपूर्ण उद्देश्य नेपालमा रहेको ब्याट्री बजारको अध्ययन गर्नु रहेको छ। नेपाली आयातकर्ता तथा व्यवसायीसँगको छलफलबाट कुन प्रकारका ब्याट्रीको माग बढी छ, कुन क्षमताका उत्पादन आवश्यक छन्, मूल्यको अवस्था कस्तो छ, गुणस्तरसम्बन्धी समस्या के–के छन् र भविष्यमा कुन प्रकारका ब्याट्रीको माग बढ्न सक्छ भन्ने विषयमा जानकारी सङ्कलन गरिने बताइएको छ।

यसबाट प्राप्त बजार जानकारीका आधारमा निर्माता कम्पनीले नेपाली बजारलाई लक्षित गरी उत्पादनको गुणस्तर, क्षमता, मूल्य, डिजाइन तथा आवश्यकताअनुसारको उत्पादन विकास गर्न सक्ने सम्भावना रहनेछ।विशेषगरी लिथियम ब्याट्री, सौर्य ब्याट्री, विद्युतीय सवारीका ब्याट्री, ब्याट्री सेल तथा ब्याट्री व्यवस्थापन प्रणालीलगायत क्षेत्रमा बजारअनुसारका उत्पादन विकासका विषयमा छलफल हुने अपेक्षा गरिएको छ।

आपूर्ति शृङ्खलालाई थप व्यवस्थित बनाउने लक्ष्य
ब्याट्री व्यवसायमा उत्पादनको मूल्यसँगै विश्वसनीय आपूर्ति, गुणस्तरको निरन्तरता, समयमै ढुवानी तथा दीर्घकालीन आपूर्तिकर्तासँगको सम्बन्ध पनि महत्वपूर्ण हुन्छ। त्यसैले चीनका निर्माता र नेपाली आयातकर्ताबीच प्रत्यक्ष सम्बन्ध स्थापना भएपछि भविष्यमा नियमित आपूर्ति, थोक खरिद, उत्पादनको अनुकूलन तथा दीर्घकालीन व्यावसायिक साझेदारीको सम्भावना बढ्ने अपेक्षा गरिएको छ। एन्जल ट्रेड सेन्टरका तर्फबाट यस्तो प्रत्यक्ष भेटघाटले नेपाली व्यवसायीलाई चीनका निर्माता कम्पनीसँग सम्बन्ध स्थापित गर्न तथा आफ्नो आवश्यकता प्रत्यक्ष रूपमा राख्न सहज हुने बताइएको छ।

ब्याट्री व्यवस्थापनको विषय पनि महत्वपूर्ण
नेपालमा ब्याट्रीको प्रयोग बढ्दै जाँदा आयात र बिक्रीसँगै प्रयोग भइसकेका ब्याट्रीको व्यवस्थापन पनि महत्वपूर्ण विषय बन्दै गएको छ। हालै नेपालमा विद्युतीय सवारीका ब्याट्रीको पहिचान तथा ट्र्याकिङ प्रणाली, प्रयोगपछि ब्याट्री सङ्कलन, पुनःप्रयोग तथा पुनर्चक्रणका लागि स्पष्ट व्यवस्था आवश्यक रहेको विषयमा सरोकारवालाहरूले जोड दिएका छन्। त्यसैले भविष्यको ब्याट्री व्यवसायलाई केवल आयात र बिक्रीमा सीमित नराखी उत्पादन, आपूर्ति, प्रयोग, सङ्कलन, पुनःप्रयोग र पुनर्चक्रणसम्मको सम्पूर्ण चक्र का रूपमा विकास गर्नुपर्ने आवश्यकता देखिएको छ। यस विषयमा पनि चीनका निर्माता, नेपाली आयातकर्ता तथा सम्बन्धित व्यवसायीबीच अनुभव आदानप्रदान तथा सम्भावित सहकार्यबारे छलफल गर्न सकिनेछ।

चीन–नेपाल ब्याट्री व्यापारमा नयाँ सहकार्यको सम्भावना
चीन विश्वव्यापी ब्याट्री तथा स्वच्छ ऊर्जा प्रविधिको महत्वपूर्ण उत्पादन केन्द्रका रूपमा विकसित हुँदै आएको छ। नेपालमा पनि विद्युतीय सवारी, सौर्य ऊर्जा तथा ऊर्जा भण्डारण प्रणालीको प्रयोग विस्तार भइरहेका कारण आगामी दिनमा ब्याट्रीको बजार अझ विस्तार हुने सम्भावना छ। त्यसकारण चीनका निर्माता र नेपाली व्यवसायीबीच प्रत्यक्ष व्यापारिक सम्बन्ध, बजार अध्ययन र दीर्घकालीन आपूर्ति साझेदारी निर्माण गर्ने प्रयासले नेपालको ब्याट्री बजारमा नयाँ अवसर सिर्जना गर्न सक्ने व्यवसायीहरूको अपेक्षा छ।

यसै सन्दर्भमा एन्जल ट्रेड सेन्टरले चीनका निर्माता र नेपालका ब्याट्री आयातकर्ता तथा व्यवसायीबीच समन्वय गर्ने, बजारको आवश्यकता निर्मातासम्म पुर्‍याउने र भविष्यमा उपयुक्त उत्पादन तथा आपूर्ति शृङ्खला निर्माणमा सहजीकरण गर्ने उद्देश्यले कार्यक्रम आयोजना गरेको जनाएको छ।

निर्माताबाट बजारसम्म, बजारबाट पुनःनिर्माणसम्म
नेपालमा ब्याट्रीको बढ्दो मागलाई ध्यानमा राख्दै आगामी दिनमा “नेपालको आवश्यकता बुझ्ने निर्माता र निर्माताको क्षमता बुझ्ने नेपाली व्यवसायी” बीचको प्रत्यक्ष सम्बन्ध महत्वपूर्ण हुने देखिन्छ। यस प्रकारको भेटघाटले तत्कालीन व्यापारिक कारोबारभन्दा बाहिर गएर दीर्घकालीन आपूर्ति, बजारअनुकूल उत्पादन, प्रविधि आदानप्रदान र नेपालमा ब्याट्री क्षेत्रको व्यवस्थित विकास का लागि आधार तयार गर्न सक्ने अपेक्षा गरिएको छ।