सुनाखरी न्युज/ काठमाडौं ।

सिभान्स फुड प्रडक्ट प्रालिद्वारा उत्पादित‘पार्की आइसक्रिम’ले शिवरात्रीको अवसर पारेर पाहुना बाबाहरुलाई निःशुल्क आइसक्रिम वितरण गरेको छ । कम्पनीले पशुपति क्षेत्रमा गई एकलाख मुल्य बराबरको आइसक्रिम निःशुल्क वितरण गरेको हो ।विभिन्न अवसरहरुमा निःशुल्क आइसक्रिम वितरण गर्दै आएको पार्की आइसक्रिमले केही दिन अघिमात्र राष्ट्रिय आइसक्रिम दिवसको अवसर पारेर एक लाख रुपैयाँ बराबरीकै आइसक्रिम वितरण गरेको थियो ।

गएको कृष्ण जन्म अष्टमीको अवसर पारेर पनि पार्की आइसक्रिमले कोटेश्वरको महादेब मन्दिर परिसरमा खटिएका स्वयंम् सेवकलाई निःशुल्क आइसक्रिम वितरण गर्नुका साथै पार्की ब्राण्डको प्रिन्टेड टिसर्ट वितरण गरेको थियो ।विशेषगरी भारतबाट आएका पाहुना बाबाहरुलाई लक्षित गरेर शिवरात्रीको दिन पशुपति परिसरमा गई एक लाख बराबरको निःशुल्क आइसक्रिम वितरण गरेको प्रबन्ध निर्देशक मुरारी कुमावतले जानकारी दिए ।

‘हिन्दु धर्ममा आस्था राख्नेहरुको यस महानपर्वको अवसरमा भारतबाट आएका पाहुना बाबाहरुलाई निःशुल्क आइसक्रिम वितरण गरेर खुशी बाँडेका हौं ।’ प्रबन्धक निर्देशक कुमावतले भने– ‘यो पर्व र खुशीयालीको दिनमा आइक्रिम वितरण गरेर पाहुना बाबाहरुलाई केहीखुशी वाँडेका छौं । गर्मी मौसममा चिसो र स्वदेशी स्वादले पक्कै पनि बाबाहरुलाई आनन्द महशुस भएको हुनु पर्छ ।’यसलाई आइसक्रिमका उपभोक्ता बढाउने सानो अभियान र प्रयास भएको पनि उनले बताए ।

बाबाहरुले आइसक्रिमको स्वादिलो भएको र प्रगतिको लागि शुभकामना दिए ।आइसक्रिमको क्षेत्रमा २५ बर्षको अनुभव पछि उत्पादन सुरु गरिएको पार्की ब्राण्डको आइसक्रिम स्वाद, सन्तुष्टि र स्वास्थ्यलाई विशेष ध्यान दिएर उत्पादन गरिदै आएको छ ।पार्की आइसक्रिम हाल चकलेट, भेनिला, स्ट्रेबरी, मिन्ट, फ्रुट, बटर स्कचलगायतका ४० प्रकारका स्वादहरुमा उपलब्ध छन् । काठमाडौं उपत्यकामा लगायत आसपासका प्रमुख शहरहरु गरी पार्की आइसक्रिमलाई ८०० बढी स्थानबाट विक्रीवितरण गरिदै आएको छ । पार्की आइसक्रिम सबैभन्दा बढी रुचाइएको ब्राण्डमा पर्दछ ।ग्राहकले अत्याधिक रुचाएर लाखौं आइसक्रिम पारखीको मन जित्न सफलभएकोमा प्रबन्ध निर्देशक कुमावतले खुशी व्यक्त गरे ।

अत्याधुनिक प्रविधियुक्त मेशिनद्वारा उत्पादनहुने पार्की आइसक्रिम अन्तराष्ट्रिय गुणस्तरको भएकै कारण लाखौं उपभोक्ताको मन जित्न सफल भएको उनले यस अवसरमा दाबी गरे ।‘आइसक्रिम खाद्यसँग सम्बन्धित उद्योग भएकाले उपभोक्ताको स्वास्थ्यलाई विशेष ध्यान दिंदै पार्की आइसक्रिम उत्पादन र भण्डारण गरिदै आएको छ ।’ उनले भने–‘पार्कीले स्वाद र सन्तुष्टिसँगै स्वास्थ्यलाई विशेष ध्यान दिएको छ । त्यहीभएर पनि उत्पादनको छोटो अवधिमै धेरै पुराना उद्योगहरुद्वारा उत्पादित आइसक्रिम भन्दा पार्की आइसक्रिमले राम्रो बजार लिनपनि सफल भएको हो ।’

कम्पनीले मूख्यतयाःखाद्यन्नसँग सम्बन्धित उत्पादन तथा सेवा प्रदान गर्ने उद्देश्य राखेको छ । आगामी दिनमा त्यही उद्देश्य पुरा गर्न सेवा विस्तारमा जोड दिने तयारी थालेको छ ।उद्योगले आगामी दिनमा दालमोठ, भुजिया लगायत अन्य खाद्य उत्पादनहरु पनि बजारमा ल्याउने तयारीमा जुटेको प्रबन्ध निर्देशक कुमावतले जानकारी दिए ।उद्योगले अहिले २० भन्दा बढीलाई प्रत्यक्ष र सयौंलाई अप्रत्यक्ष रोजगारी दिन सफल भएको छ ।