सुनाखरी न्युज /  काठमाडौं ।

अमेरिकी सेनामा कार्यरत रहेका एक नेपालीको गोली लागेर मृत्यु भएको छ । अमेरिकामा बसोबास गर्दै आएका वरिष्ठ समाजसेवी हेम थापा र मायाँ थापाका कान्छा छोरा २४ वर्षिय सुशील थापाको दुई दिनअघि निधन भएको हो ।

उनी हालैमात्र अमेरिकाकी सेनामा पदोन्नति भएका थिए । थप तालिमका क्रममा दुर्घटनाबस चलेको गोली उनको टाउकोमा लागेको बताइएको छ । परिवारले अहिलेसम्म शव प्राप्त गर्न सकेको छैन ।

हाल घटनाबारे अमेरिकी निकायले आवश्यक कानुनी प्रक्रिया अघि बढाइरहेको छ, जसका कारण परिवारले अझै शव बुझ्न पाएको छैन।