सुनाखरी न्युज/ काठमाडौं ।
राष्ट्रिय स्वतन्त्र पार्टी  ( रास्वपा )  बागमती प्रदेश अधिवेशन मकवानपुरको हेटौँडामा सुरु भएको छ । रास्वपा बागमती प्रदेश समितिका सभापति डा अच्युतम लामिछानेको अध्यक्षतामा सुरु भएको अधिवेशनको पार्टीका महासचिव कविन्द्र बुर्लाकोटीले उद्घाटन गर्नुभयो ।

उद्घाटन कार्यक्रममा रास्वपा संसदीय दलका उपनेता गणेश पराजुली, प्रतिनिधिसभाका सदस्यहरू जगदीश खरेल, खगेन्द्र सुनार, डा तोसिमा कार्कीलगायत पार्टीका केन्द्रीय नेताहरूको सहभागिता रहेको छ ।

अधिवेशनले प्रदेश समितिको नयाँ नेतृत्व चयन गर्नेछ । अधिवेशनमा बागमती प्रदेशका १३ वटै जिल्लाबाट एक हजार ४०० प्रतिनिधिको सहभागिता रहेको जनाइएको छ । (रासस)