सुनाखरी न्युज/ काठमाडौं
काठमाडौंका विभिन्न स्थानमा भएका सुकुम्बासी बस्ती शुक्रबार खाली गराइएको छ।

बल्खु, बंशीघाट, शंखमुल, गोंगबु लगायतका क्षेत्रमा नदी किनार तथा सडक अतिक्रमण गरी बनाइएको घर टहरा डोजर चलाएर भत्काइएको थियो।

तीमध्ये तीन स्थानमा मात्रै ७४४ घर टहरा भत्काइएको छ।

बल्खुमा ४०१ घर, टहरा र छाप्रो हटाइएको छ।

बंशीघाटमा १९३ वटा घर टहरा भत्काइएको छ भने शंखमुलमा १५० वटा घर भत्काइएको छ।

शंखमुलमा डोजर चलेका सबै पक्की घर छन्।

बस्ती खाली भएपछि ३२३ परिवार सम्पर्कमा आएको अधिकारसम्पन्न बागमती सभ्यता एकीकृत विकास समितिले जनाएको छ।

सुकुम्बासीहरुको स्क्रिनिङको व्यवस्था त्रिपुरेश्वरस्थित दशरथ रंगशालामा गरिएको छ।

शुक्रबार त्यहाँ ३२३ परिवारका १ हजार ४१४ जना सम्पर्कमा आएको समितिले जनाएको छ।