सुनाखरी न्युज/ काठमाडौं ।

ग्यास बिक्री डिपो बन्द छन् । सीमित खुलेका डिपोहरुमा उपभोक्ताहरुको लामो लाइन देखिन्छ ।आज बिहान यस्तै लामो लाइन बालाजु उद्योगिक क्षेत्रमा देखियो  । काठमाडौंका उपभोक्ताहरूले लामो लाइन र घण्टौं पर्खाइ सामना गर्नुपर्ने अवस्था छ। ग्यास पाउनेहरुको संख्या सीमित छ।

कतिपय उपभोक्ताले बिहानै डिपोमा पुगेर पनि ग्यास पाउन नसकेको जानकारी दिएका छन्। यसले दैनिक खाना पकाउने काममा असर पुर्याएको छ।

लामो लाइन र आपूर्ति समस्या सरकारले तत्काल समाधान गर्नु पर्ने अवस्था सिर्जना गरेको छ। नेपालमा भारत हुँदै ग्यास र तेल आयात हुने गर्दछ । तर भारतमै आपूर्ति प्रभावित हुँदा त्यसको असर नेपालमा पनि परेको छ ।

पेट्रोलियम पदार्थको बिक्री वितरणको व्यवस्था मिलाउने नेपाल आयल निगमले समस्या समाधानको प्रयास गरे पनि सफल हुन सकिरहेको छैन ।