सुनाखरी न्युज/ काठमाडौं ।

एपोलो हाइड्रोपावर लिमिटेडले फागुन ११ गतेदेखि आयोजना प्रभावित क्षेत्रका स्थानिय बासिन्दाहरुका लागि निष्काशन तथा बिक्री खुला गरेको आईपीओमा आवेदन दिने म्याद थप भएको छ। कम्पनीको आईपीओमा अब चैत १० गतेसम्म आवेदन दिन सकिनेछ।

कम्पनीले प्रतिकित्ता १०० रुपैयाँका दरले कुल १४ लाख १० हजार कित्ता आईपीओ निष्काशन गर्न अनुमति पाएको छ। यसमध्ये पहिलो चरणमा ४ लाख ७० हजार कित्ता आईपीओ आयोजना प्रभावित क्षेत्रका स्थानीय बासिन्दाका लागि छुट्याइएको छ।

उक्त आईपीओमध्ये २ लाख ३५ हजार कित्ता उच्च प्रभावित क्षेत्र अर्थात् ओखलढुङ्गा जिल्लाको खिजिदेम्बा गाउँपालिका वडा नम्बर ७ र ८ का स्थानीय बासिन्दाका लागि खुला गरिएको छ। त्यसैगरी १ लाख ४१ हजार कित्ता मध्यम प्रभावित क्षेत्र सोलुखुम्बु जिल्लाको लिखुपिके गाउँपालिका वडा नम्बर २ तथा रामेछाप जिल्लाको उमाकुण्ड गाउँपालिका वडा नम्बर ३ का बासिन्दाले आवेदन दिन सक्नेछन्।