
सुनाखरी न्युज/ काठमाडौं ।
कालीमाटी फलफूल तथा तरकारी बजार विकास समितिले आज ( ३ मंसिर) का लागि तरकारी, फलफूल तथा अन्य कृषि उपजको थोक मूल्य सार्वजनिक गरेको छ। समितिले सार्वजनिक गरेको मूल्यसूचीअनुसार भिण्डी प्रतिकिलो १३० रुपैयाँ, मटरकोसा १२० रुपैयाँ, पालुङ्गो साग १२० रुपैयाँ र ब्रोकाउली १२० रुपैयाँ तोकिएको छ। तने बोडी प्रतिकिलो १०० रुपैयाँ र मकै बोडी ५० रुपैयाँ छ।काठमाडौं । कालीमाटी फलफूल तथा तरकारी बजार विकास समितिले आज ( ३ मंसिर ) का लागि तरकारी, फलफूल तथा अन्य कृषि उपजको थोक मूल्य सार्वजनिक गरेको छ।
समितिले सार्वजनिक गरेको मूल्यसूचीअनुसार भिण्डी प्रतिकिलो १३० रुपैयाँ, मटरकोसा १२० रुपैयाँ, पालुङ्गो साग १२० रुपैयाँ र ब्रोकाउली १२० रुपैयाँ तोकिएको छ। तने बोडी प्रतिकिलो १०० रुपैयाँ र मकै बोडी ५० रुपैयाँ छ। तरकारीतर्फ गोलभेँडा ठूलो नेपाली र भारतीय दुवै ७० रुपैयाँ प्रतिकिलो छ। सानो लोकल गोलभेँडा २० रुपैयाँ, टनेल र तराईको ५० रुपैयाँ छ। रातो आलु लाम्चो र गोलो दुवै ५० रुपैयाँ, भारतीय रातो आलु ३५ रुपैयाँ र सेतो आलु ३२ रुपैयाँ प्रतिकिलो छ।
सुकेको भारतीय प्याज प्रतिकिलो ९५ रुपैयाँ, लोकल गाजर ९० रुपैयाँ र तराईको गाजर ६० रुपैयाँ छ। लोकल बन्दा ३० रुपैयाँ, स्थानीय काउली ३५ रुपैयाँ र तराईको काउली २० रुपैयाँ प्रतिकिलो छ। मूला, भन्टा र फर्सीको मूल्य पनि फरक–फरक छ। रातो मूला र हाइब्रिड सेतो मूला प्रतिकिलो ३० रुपैयाँ, लाम्चो भन्टा ३० रुपैयाँ र डल्लो भन्टा ५० रुपैयाँ छ। पाकेको फर्सी ७० रुपैयाँ तथा हरियो लाम्चो र डल्लो फर्सी ३० रुपैयाँ प्रतिकिलो छ।
सागसब्जी र च्याउको मूल्य
घिउ सिमी लोकल प्रतिकिलो ९० रुपैयाँ, हाइब्रिड ८० रुपैयाँ र राजमा घिउ सिमी १२० रुपैयाँ छ। टाटे सिमी ८० रुपैयाँ, तिते करेला ९० रुपैयाँ, लौका ७० रुपैयाँ, चिचिण्डो ४० रुपैयाँ, घिरौँला र झिगुनी ७० रुपैयाँ प्रतिकिलो छ। रायो साग ८० रुपैयाँ, पालुङ्गो साग १२० रुपैयाँ, चम्सुर र मेथी साग १५० रुपैयाँ तथा तोरीको साग ७० रुपैयाँ प्रतिकिलो छ। हरियो प्याज प्रतिकिलो २०० रुपैयाँ र बकुला १०० रुपैयाँ छ।
च्याउमध्ये कन्य च्याउ प्रतिकिलो २६० रुपैयाँ, डल्ले च्याउ ४०० रुपैयाँ, राजा च्याउ ३०० रुपैयाँ र सिताके च्याउ १ हजार रुपैयाँ छ। कुरिलो प्रतिकिलो ८०० रुपैयाँ तोकिएको छ। ब्रोकाउली १२० रुपैयाँ, चुकुन्दर ९० रुपैयाँ, सजीवन २५० रुपैयाँ, रातो बन्दा १८० रुपैयाँ, सेलरी ५०० रुपैयाँ, पार्सले २ हजार ८०० रुपैयाँ, पुदिना ७०० रुपैयाँ र गान्टे मूला १५० रुपैयाँ प्रतिकिलो छ।
फलफूलको मूल्य
फलफूलतर्फ फुजी र जुम्लाको स्याउ प्रतिकिलो ३५० रुपैयाँ, मुस्ताङको स्याउ २५० रुपैयाँ छ। नेपाली र मालभोग केरा दर्जनको १५० रुपैयाँ, कागती प्रतिकिलो ३०० रुपैयाँ र अनार ४०० रुपैयाँ छ। नेपाली र भारतीय सुन्तला प्रतिकिलो १०० रुपैयाँ, मौसम २०० रुपैयाँ, जुनार २०० रुपैयाँ, भुइँकटहर प्रतिगोटा २०० रुपैयाँ तथा हरियो तरबुजा प्रतिकिलो ८० रुपैयाँ छ।
लोकल काँक्रो प्रतिकिलो ८० रुपैयाँ, हाइब्रिड काँक्रो ४० रुपैयाँ र लोकल क्रस ७० रुपैयाँ छ। निबुवा ६० रुपैयाँ, चाइनिज नासपाती ३०० रुपैयाँ, नेपाली मेवा ६० रुपैयाँ र भारतीय मेवा १०० रुपैयाँ प्रतिकिलो छ। अम्बा प्रतिकिलो २५० रुपैयाँ, लप्सी ८० रुपैयाँ, स्ट्रबेरी ५०० रुपैयाँ, किबी ३०० रुपैयाँ, सरिफा २५० रुपैयाँ, आभोकाडो ३०० रुपैयाँ र अमला ८० रुपैयाँ छ।
मसला, अन्य कृषि उपज तथा माछाको मूल्य
अदुवा प्रतिकिलो ९० रुपैयाँ, सुकेको खुर्सानी ५५० रुपैयाँ, हरियो लाम्चो खुर्सानी ७० रुपैयाँ, बुलेट खुर्सानी ९० रुपैयाँ, माछे खुर्सानी १०० रुपैयाँ र अकबरे खुर्सानी २०० रुपैयाँ छ। भेडे खुर्सानी १०० रुपैयाँ, हरियो लसुन २०० रुपैयाँ र हरियो धनियाँ १०० रुपैयाँ प्रतिकिलो छ। चाइनिज र नेपाली सुकेको लसुन प्रतिकिलो २६० रुपैयाँ तथा सुकेको र हरियो छ्यापी २०० रुपैयाँ छ। सुकेको माछा प्रतिकिलो १ हजार रुपैयाँ, ताजा रहु माछा ३७० रुपैयाँ, बचुवा ३३० रुपैयाँ र छडी माछा ३५० रुपैयाँ प्रतिकिलो तोकिएको समितिको मूल्यसूचीमा उल्लेख छ।