सुनाखरी न्युज/ काठमाडौं ।

नेपाली कम्युनिष्ट पार्टी ( नेकपा )  का संयोजक पुष्पकमल दाहाल ‘प्रचण्ड’ ले विशिष्ट व्यक्तिहरूलाई विनाकारण पक्राउ गर्ने क्रम जारी रहे सरकारले धेरै ठूलो मूल्य चुकाउनुपर्ने बताएका छन् ।सोमबार सिंहदरबारस्थित संसद् भवन परिसरमा सञ्चारकर्मीहरूसँग कुरा गर्दै उनले बिनाकारण विशिष्ट व्यक्तिहरूलाई पक्राउ गर्ने दुःसाहस गरिरहे सरकारले धेरै ठूलो मूल्य चुकाउनुपर्ने बताएका हुन्।

यस्ता घटना नदोहोर्‍याउन उनले सरकारको ध्यानाकर्षण गराए । सुरक्षा थ्रेट भनिएको विषय सामान्य मानिसले पनि बुझ्ने खालको बहानाबाजी मात्र भएको उनको भनाइ थियो । यदि साँच्चिकै सुरक्षा थ्रेट थियो भने पक्राउ गर्नुको साटो घरमै सुरक्षाकर्मी बढाइदिनुपर्ने प्रचण्डले बताए । ‘त्यो सुरक्षा थ्रेट भन्ने बहानाबाजी हो ।

त्यो लाटोले पनि बुझ्छ बहानाबाजी हो भन्ने,’ प्रचण्डले भने, ‘सुरक्षा थ्रेट हो सुरक्षाकर्मी बढाइदिन पर्‍यो नि ।’संयुक्त राष्ट्रसङ्घको ८१ औँ महासभामा प्रधानमन्त्री बालेन्द्र साहले गरेको सम्बोधन मुलुकले भोगिरहेको समस्याका हिसाबले स्वाभाविक रहेको प्रतिक्रिया उनले दिए।