सुनाखरी न्युज/ काठमाडौं ।

उमेरले २१ वर्ष। तर चीन–नेपाल आयात तथा व्यापार क्षेत्रमा हासिल गरेको व्यावहारिक अनुभवले युवा उद्यमी श्रीजन गौतमको व्यावसायिक यात्रा उनको उमेरभन्दा निकै परिपक्व देखिन्छ। चितवनलाई मुख्य कार्यालय बनाएर  Srizan International Pvt. Ltd सञ्चालन गरिरहेका गौतमले चीनबाट नेपाली व्यवसायी तथा उद्यमीका लागि विभिन्न प्रकारका उत्पादनको   sourcing, supplier coordination  तथा आयात प्रक्रियामा सहजीकरण गर्दै आएका छन्।

काठमाडौंमा शाखा कार्यालयसमेत विस्तार गरेका उनी छोटो समयमै चीन–नेपाल व्यापार क्षेत्रमा आफ्नो छुट्टै पहिचान बनाउन सफल युवा उद्यमीका रूपमा अगाडि बढिरहेका छन्। गौतमका अनुसार हालसम्म ५०० भन्दा बढी नेपाली उद्योगी तथा व्यवसायीलाई चीनबाट उत्पादन सोर्सिङ तथा आयातसम्बन्धी सेवा उपलब्ध गराइसकिएको छ। विभिन्न प्रकृतिका व्यवसायका लागि आवश्यक उत्पादन खोज्ने, चिनियाँ  supplier तथा manufacturerसँग समन्वय गर्ने र नेपालसम्म सामान ल्याउने प्रक्रियामा सहजीकरण गर्ने काममा उनको कम्पनी सक्रिय छ।

चीनमा उपलब्ध उत्पादन तथा आपूर्तिकर्ताको खोजीदेखि मूल्य, गुणस्तर र आपूर्ति प्रक्रियासम्म व्यवसायीलाई आवश्यक सहजीकरण गर्दै आएको गौतम बताउँछन्। उनका अनुसार नेपालका साना तथा मझौला व्यवसायीले चीनबाट सामान आयात गर्दा भोग्नुपर्ने  supplier  खोजी, संवाद, उत्पादन छनोट तथा आयात प्रक्रियाका जटिलतालाई सहज बनाउने उद्देश्यले कम्पनीले सेवा प्रदान गर्दै आएको हो। कम उमेरमै पाँच सयभन्दा बढी नेपाली व्यवसायीसँग काम गर्ने अवसर पाएका गौतम चीन–नेपाल व्यापारलाई थप व्यवस्थित, सहज र व्यवसायीमैत्री बनाउने लक्ष्यसहित आफ्नो सेवा विस्तार गर्ने तयारीमा छन्।