सुनाखरी न्युज/ काठमाडौं ।

चिनियाँ अटोमोबाइल निर्माता चांगानको प्रिमियम सब–ब्रान्ड नेभोको नयाँ विद्युतीय गाडी ‘नेभो क्यू०५’ नेपाली बजारमा बिक्री सुरु भएको छ । नेपालका लागि चांगानको आधिकारिक बिक्रेता एमएडब्लू वृद्धिले ‘दीपल नेभो क्यू०५’ सार्वजनिक गरेको हो ।

एक कार्यक्रमकाबीच  आइतबार गाडी सार्वजनिक गरिएको हो । सार्वजनिक कार्यक्रममा एमएडब्लू वृद्धिका अध्यक्ष विष्णु अग्रवालले नेभो क्यू ०५ सँगै एमएडब्लू नेपालको सबैभन्दा ठूलो अटोमोबाइल सेगमेन्टमा प्रवेश गर्न लागेको बताए । चीनमा लगातार ४ महिनासम्म नम्बर १ बन्न सफल यो गाडीले नेपालमा पनि प्रविधि, आराम र विलासिताको नयाँ मापदण्ड खडा गर्नेमा विश्वास व्यक्त गरे ।

उनले गाडी बेच्नु मात्रै आफुहरूको लक्ष्य नभई ग्राहकको अनुहारमा मुस्कान देख्नु आफुहरूको पहिलो प्राथमिकता भएको बताए ।