सुनाखरी न्युज/ काठमाडौं ।

स्थानीय बजारमा बुधबार ( चैत २५ )  सुनको मूल्य उल्लेखनीय रूपमा बढेको छ।

नेपाल सुनचाँदी व्यवसायी महासंघका अनुसार आज सुन प्रतितोला ७२ सय रुपैयाँले वृद्धि भएको हो।

नयाँ मूल्यअनुसार अब उपभोक्ताले एक तोला सुन खरिद गर्न २ लाख ९९ हजार रुपैयाँ तिर्नुपर्ने भएको छ। अघिल्लो दिन सुन प्रतितोला २ लाख ९१ हजार ८०० रुपैयाँमा कारोबार भएको थियो।

त्यसैगरी, चाँदीको मूल्य पनि बढेको छ। आज चाँदी प्रतितोला २०५ रुपैयाँले वृद्धि भई ५ हजार २५ रुपैयाँ पुगेको छ।

हिजो चाँदीको मूल्य ४ हजार ८२० रुपैयाँ रहेको थियो।