सुनाखरी न्युज/ काठमाडौं ।

अभिनेता आर्यन सिग्देलको नयाँ म्युजिकल फिल्म ‘बानी’ को टिजर सार्वजनिक भएको छ। सार्वजनिक टिजरमा आर्यन फरक अवतारमा देखिएका छन्। फिल्ममा आर्यनसँगै करुणा श्रेष्ठको पनि अभिनय छ। टिजरमा नेपालको एक युवा र सिक्कीमकी एक युवती बिचको बियोगान्त कथा देख्न सकिन्छ।

बानीमा नेपालको एक युवा र सिक्कीमकी एक युवती बिचको बियोगान्त कथा देख्न सकिन्छ। भिडिओमा नेपालको युवा आर्यन हुन् भने उनको सिक्कीमकी युवती करुना श्रेष्ठसँग प्रेम बस्छ। प्रेम पछि आउने उताडचडावलाई रोचक ढंगबाट प्रस्तुत गरिएको छ। बानीका यसअघि दुईपोस्टर सार्वजनिक भइसकेका छन् । दुई पोस्टरमा आर्यनलाई एंग्रि ब्वाई र लभर ब्वाई दुईवटै क्यारेक्टरमा प्रस्तुत गरिएको छ। फिल्ममा दिनेश क्षेत्रीको शब्द, संगीत र स्वर रहेको छ। भिडिओ कन्सेप्ट नै दिनेशको हो।

भिडिओमा सम्वाद पनि दिनेशसँगै केशव भट्टराईले लेखेका छन्। भिडिओमा आर्यन र करुनासँगै सबिन कट्टेल र सुस्मिता श्रेष्ठको पनि अभिनय देख्न पाइनेछ। उत्सव दाहालको छायांकन रहेको भिडिओलाई बिकाश दाहालले सम्पादन गरिरहेका छन्। भिडिओको निर्देशन भने सुब्रत आचार्यले गरेका हुन्। यस फिल्म यहि पुस १० गते रिलिज हुने तयारीमा छ।