सुनाखरी न्युज/ काठमाडौं ।
आगामी आर्थिक बर्षको बजेटमा समेटिएको अब्यवहारिक कर नीतिको विरोधमा देशभरका सुनचाँदी ब्यवसायी आन्दोलनका छन् । नेपाल सुनचाँदी ब्यवसायी महासंघ र नेपाल सुनचाँदी ब्यवसायी रत्न तथा आभुषण महासंघले संयुक्त रुपमा गत असार १३ गते देखि अनिश्चितकालिन बन्द सँगै आन्दालनका कार्यक्रम घोषणा गरेका हुन् ।

आन्द्योलनलाई थप सशक्त र प्रभावकारी वनाउन शनिबार दुवै महासंघको संयुक्त बैठक बस्यो । बैठकले एक साता लामो आन्दोलनको नयाँ तालिका सहितको कार्यक्रम सार्वजनिक गरेको छ ।

नेपाल सुनचाँदी ब्यवसायी महासंघका कार्यवाहक अध्यक्ष दियेशरत्न शाक्यले आन्द्योलनलाई थप सशक्त वनाउनका लागि नयाँ तालिका वनाइएको बताउनुभयो ।

रत्न तथा आभुषण महासंघका अध्यक्ष किसन सुनारले माग पुरा नभएसम्म आन्दोलन जवारी रहने बताउनुभयो ।

 

महासंघहरुले आन्दोलन सँगै सरकारसँग वार्ता र छलफललाई पनि निरन्तरता दिएका छन् ।

 

यसैक्रममा हिजो शुक्रबार अर्थमन्त्रालयमा दुवै महासंघका संयुक्त पदाधिकारीहरु, नेपाल राष्ट्र बैंक, भन्सार विभाग, आन्तरिक राजस्व् विभागव लगायतका सरकारी निकायका प्रतिनिधहिरुवीच समस्या समाधानका बिषयमा गंभिर छलफल भएको थियो ।