सुनाखरी न्युज/  काठमाडौं ।

शुद्धीकरण तथा आतंकवादी क्रियाकलापमा वित्तीय लगानी निवारण निर्देशन संशोधन हुने भएको छ । भूमि व्यवस्थापन तथा अभिलेख विभागले मंगलबार जारी गरेको निर्देशनमा प्रधानमन्त्री तथा मन्त्रिपरिषद्को कार्यालयको चासोपछि बिहीबार नै संशोधन हुने भएको हो ।

विभागले घरजग्गा कारोबारमा बैंक स्टेटमेन्ट र ग्राहक विवरण (केवाईसी)  अनिवार्य गर्दै निर्देशन जारी गरेको थियो । उक्त निर्देशनमा प्रधानमन्त्री कार्यलयको चसोपछि बुधबार र बिहीबारको सचिव स्तरीय छलफलबाट संशोधन हुने पक्का भएको हो ।

प्रधानमन्त्री कार्यलयका सचिव फणिन्द्र गौतम, भूमि व्यवस्था, सहकारी तथा गरिबी निवारण मन्त्रालयका सचिव केदारनाथ शर्मा र विभागका महानिर्देशक शिवप्रसाद रेग्मीबीच बुधबार र बिहीबार  भएको छलफलले संशोधन गर्ने निर्णय गरेको छ ।

मन्त्रालयका सचिव शर्माका अनुसार विभागले जारी गर्ने निर्देशन घरजग्गा कारोबारमा केवाईसी अनिवार्य गरिएको विषयलाई संशोधन गरिने भएको छ ।