सुनाखरी न्युज/ काठमाडौं।

मिडिया उद्यमी कैलास सिरोहियाको रिटमा सर्वोच्च अदालतले कारण देखाऊ आदेश जारी गरेको छ । नागरिकतासम्बन्धी विवादमा सिरोहियाले गृह मन्त्रालयलाई विपक्षी बनाएर दायर गरेको रिटमा न्यायाधीश टेक प्रसाद ढुंगानाको एकल इजलासले कारण देखाऊ आदेश जारी गरेको हो ।

अदालतले निवेदकको माग बमोजिम आदेश दिनु नपर्ने भए १५ दिनभित्र महान्यायाधिवक्ताको कार्यालयमार्फत लिखित जवाफ पेस गर्न मन्त्रालयलाई आदेश दिएको छ । यस्तै अन्तरिम आदेशबारे छलफल प्रयोजनका लागि वैशाख २८ गते पेशी तोकिएको छ ।