सुनाखरी न्युज/ काठमाडौं ।

ग्लोबल टेक्नोलोजी लिडर शाओमीले फ्ल्यागशिप स्मार्टफोन शाओमी १४ नेपालमा सार्वजनिक गरेको छ । शाओमी १४ लाइका लेन्स सहितको ट्रिपल५० मेगापिक्सेल रियर क्यामेरा सिस्टमको साथमा प्रयोगकर्ताहरूले उत्कृष्ट फोटोग्राफीको अनुभव प्राप्त गर्न सक्नेछन् ।
शाओमी १४ मा६.३६ इन्चको एमोलेडएल टीपीओ डिस्प्ले, स्न्यापड्रागन ८ जेन ३ प्रोसेसर, र ९० वाटवायर वा ५० वाटवायरलेस चार्जिंगको साथमा ४६१० एमएच ब्याट्री उपलब्ध छ।एआई फेस अनलक, अन स्किृन फिङ्गर प्रिन्ट जस्ता फिचरका साथमा आइपी ६८ रेटिङ पनि यस स्मार्टफोनमा उपलब्ध छ।

डुअल सिमसपोर्ट, ५ जि कनेक्टिभिटी, र विभिन्न सेन्सरहरूले प्रयोगकर्ताको अनुभवलाई झनै रमाइलो बनाउने विश्वास कम्पनीले लिएको छ ।यस बारेमा बोल्दै शाओमी नेपालका कन्ट्री जनरल म्यानेजर मनु मनस्वीज्युले भन्नुभयो,“शक्तिशाली पर्फर्मेन्स, इमर्सिभ डिस्प्ले,ए–ग्रेड क्यामरा सिस्टम र उत्कृष्ट सेक्युरिटी फिचरका साथ शाओमी १४ प्रयोगकर्ताको लागि सर्वोत्कृष्ट विकल्प बन्ने हामीले विश्वास लिएका छौँ । हामीलाई अपार मायादिनुहुने हाम्रा नेपाली ग्राहकहरूका लागि यो नयाँ प्रविधि ल्याउन पाउँदा हामी ज्यादै खुसी छौँ ।”

लाइका क्यामरा प्रविधिको सुरुवातः
शाओमी १४ ले लाइका क्यामरा प्रविधिको साथ स्मार्टफोन फोटोग्राफीमा नयाँ स्टान्डर्डसेट गरेको छ। ठूलो १.६एपर्चरको साथ शाओमी १४ ले कम उज्यालोमा पनि उज्यालो र स्पष्ट तस्बिरहरू खिच्दछ । यस अप्टिकल लेन्सले ज्यादै राम्रो कलर रिप्रोडक्सन, कन्ट्रास्ट र रिजोलुसनका साथ क्याप्चर स्पिडलाई पनि बढाउने कम्पनीको दावि छ ।लाइकाको ७५ एमएमको टेलिफोटो लेन्स र लाइट फ्युजन ९०० इमेज सेन्सरको साथले हाइ डाइनामिक रेन्ज र उत्कृष्ट नोइज रिजेक्सन प्रदान गर्दछ ।

शक्तिशाली पर्फर्मेन्सः
शाओमी १४ स्न्यापड्रागन ८ जेन ३ प्रोसेसरद्वारा सञ्चालित छ जुन अत्याधुनिक ४ एनएमपावर– इफिसियन्ट उत्पादन प्रक्रियाबाट बनेको हो ।क्वाल्कम एड्रेनो जिपियुसँग जोडिएको यस चिपसेटले सिमलेस पर्फर्मेन्स र प्रभावकारी पावर म्यानेजमेन्ट सुनिश्चित गर्दछ जसले प्रयोगकर्ताहरूको गेमिङ अनुभव फरक बनाउँदछ ।

आकर्षक डिस्प्लेः
२६७० ह १२०० को रिजोलुसन र १.५के ६.३६ इन्चको एमोलेड प्यानलका साथ आकर्षक डिस्प्लेमा शाओमी १४ आएको छ। १ हर्जदेखि १२० हर्जसम्मको डाइनामिक रिफ्रेस रेटले फ्लुइड एनिमेसन, सहज स्क्रोलिङ रपावर इफिसियन्सी सुनिश्चित गर्दछ । साथमा डल्बी भिजन, प्रो एचडिआर डिस्प्लेले भाइब्रेन्ट र डिटेल कलर पनि उपलब्ध रहेको छ ।

शक्तिशाली ब्याट्री र फास्ट चार्जिङः
शाओमी १४ को ४६१० एमएचको ठुलोे ब्याट्री र फास्ट चार्जिङले दिनभरको प्रयोग सुनिश्चित गर्दछ । ९० वाटको फास्ट चार्जिङ भएको हुदा जम्मा३१ मिनेट (बुस्टमोड) मा नै फूलचार्ज गर्न सक्छ । साथै ५० वाटको वायरलेस हाइपर चार्ज र रिभर्स वायरलेस चार्जिङले यस डिभाइसलाई झनै उपयुक्त बनाउने कम्पनीले दाबी गरेको छ ।

साथै एआई फेस अनलक र अन स्क्रिन फिङ्गरप्रिन्ट जस्ता फिचरले शाओमी १४ लाई झनै सुरक्षित बनाउँदछ भने आइपी ६८ रेतिंग भएको हुदा शाओमी १४लाई धुलो र पानीबाट पनि बचाउँदछ । साथै शाओमी हाइपर ओएसले स्मुथ र सहज अनुभव प्रयोगकर्तालाई प्रदान गर्ने कम्पनीको भनाइ छ ।

बजार उपलब्धताः
शाओमी १४ कालो, सेतो र जेड ग्रीन कलरमा१२ जिबी + ५१२ जिबी भेरियन्टमा उपलब्ध छ ।शाओमी १४,१२ जिबी + ५१२ जिबी भेरियन्टको मूल्य रु. ९९,९९९ राखिएको छ ।यस्तै,शाओमीले शाओमी प्रायोरिटी क्लब पनि लन्च गरेको छ जसको माध्यमबाट ग्राहकहरुले शाओमी १४मा विशेष फाइदाहरू प्राप्त गर्न सक्नेछन् ।

यस क्लबका सदस्यहरूले ६–महिना विस्तारित वारेन्टी, एक पटक निःशुल्क स्क्रिन रिप्लेसमेन्ट (पहिलो ६ महिना भित्र), निःशुल्कलेबर कस्ट (पहिलो २४महिना भित्र) र प्राथमिकतामा ग्राहक सेवा पनि प्राप्त गर्नेछन् । यस प्रायोरिटी क्लबको शुरुवातले शाओमीको ग्राहक अनुभवलाई अझै निखार्ने कम्पनिले विस्वास लिएको छ ।शाओमी १४ सबै एमआई स्टोर र शाओमीका आधिकारिक अथोराइज्ड रिटेल आउटलेटहरुमा १८ चैतबाट उपलब्ध छ ।