सुनाखरी न्युज/ काठमाडौँ । दिनानुदिन तापक्रम बढिरहेको छ। यस्तो मौसममा स्वास्थ्यको ख्याल गर्नु निकै जरुरी हुन्छ। केही यस्ता ‘सुपर फुड’ छन्, जसको सेवनले शीतल अनुभूति हुन्छ। शरीरलाई ऊर्जा प्राप्त हुन्छ। स्वस्थ रहन मद्दत मिल्छ।

गर्मी मौसममा खरबुजा, अंगुर, काँक्रो जस्ता अन्य फलफूल सेवन गर्नुहोस्। यसबाट हाइड्रेटेड रहन सहयोग मिल्छ। खरबुजामा ९१ प्रतिशत पानी हुन्छ । यसले शरीरमा पानीको आवश्यकता पूरा गर्न मद्दत गर्छ। यसका साथै एन्टिअक्सिडेन्ट गुणले भरिपूर्ण खरबुजाले तपाईंलाई ‘कुलिङ इफेक्ट’ पनि दिन्छ। यसले रोग प्रतिरोधात्मक क्षमतालाई बलियो बनाउँछ। काँक्रो खानाले कब्जियत हटाउन मद्दत गर्छ। ​गर्मीमा मौसमी तरकारी पकाएर वा सलादका रूपमा खानु पर्छ। सकेसम्म सलाद धेरै खानु पर्छ। यसले पेटलाई चिसो राख्छ र हाइड्रेटेड राख्न मद्दत गर्छ।

गर्मीमा नरिवलको पानी पिउनुपर्छ। यसमा इलेक्ट्रोलाइट्स हुन्छ, यसले हाइड्रेटेड राख्न मद्दत गर्छ। पेटलाई पनि चिसो राख्छ, नरिवलको पानीमा चिसो प्रभाव हुन्छ। जसले तपाईलाई गर्मी स्ट्रोकबाट बचाउँछ। बिहान वा दिउँसो दही सेवन गर्नुपर्छ। दही ‘प्रोबायोटिक्स’को राम्रो स्रोत हो, जसले पेटलाई स्वस्थ राख्न मद्दत गर्छ । यसले पेटलाई चिसो र शान्त राख्न पनि मद्दत गर्छ। लस्सी र मोहीको रूपमा पनि दही सेवन गर्न सकिन्छ। गर्मीमा खानामा पुदिनाको अचार अवश्य समावेश गर्नुहोस् । यसले पेटलाई चिसो राख्न मद्दत गर्छ । मसालेदार खाना खाएपछि पेटमा जलन भए पनि पुदिनाको अचारले पेटलाई शान्त राख्न मद्दत गर्छ।