२०८० चैत्र १६ , शुक्रवार

सगरमाथा इन्स्योरेन्स र लुम्बिनी जनरल इन्स्योरेन्स विच एकिकृत कारोबार सुरु

सुनाखरी न्युज/ काठमाडौं । सगरमाथा इन्स्योरेन्स कम्पनी लि. र लुम्बिनी जनरल इन्स्योरेन्स कम्पनी लि. गाभिई कायम हुन आएको सगरमाथा लुम्बिनी इन्स्योरेन्स कम्पनी लि. (SALICO) को एकिकृत कारोवार सुरु गरेको छ ।

 

यस अवसरमा कम्पनीको प्रधान कार्यालयमा बिशेष पूजा तथा कार्यक्रमको आयोजना गरियो । त्यसैगरी, आजै बसेको सञ्चालक समितिको पहिलो बैठकले दुबै कम्पनीहरुको तर्फबाट ३÷३ जना सञ्चालक रहने गरी सञ्चालक समितिको गठनगरिएको छ ।साबिक सगरमाथाइन्स्योरेन्स कम्पनी लि. का तर्फबाट अजिथआर. गुणवर्द्धने, (संस्थापक समूह–सेलिन्को इन्स्योरेन्स पिएलसी, श्रीलँका) सिद्धार्थमणि राजभण्डारी, (संस्थापक समूह) गजेन्द्र लाल श्रेष्ठ, (सर्बसाधारण समूह) र त्यस्तै गरि साबिक लुम्बिनी जनरल इन्स्योरेन्स कम्पनी लि. का तर्फ बाट मनोहर दास मुल, (संस्थापक समूह) अरुण राजश्रेष्ठ, (संस्थापक समूह) कमल भटृराई, (सर्बसाधारण समूह)गरि ६ जनाको सञ्चालक समितिको गठन गरिएको छ ।

 

त्यसै गरी बैठकले साबिकको लुम्बिनी जनरल इन्स्योरेन्स कम्पनी लि. का अध्यक्ष मनोहर दास मुललाई कम्पनीको अध्यक्ष पदमा नियुक्त गरेको र नवनियुक्त अध्यक्ष मुलले आजै नेपाल बीमा प्राधिकरणका अध्यक्ष सूर्य प्रसाद सिलवाल समक्ष पद तथा गोपनीयताको शपथ लिनु भएको छ ।