सुनाखरी न्युज/ काठमाडौं ।बुधबार दिउँसो १ बजेका लागि बोलाइएको प्रतिनिधिसभा बैठक स्थगित भएको छ । संघीय संसद्का महासचिव भरतराज गौतमले सूचना जारी गर्दै बुधबारका लागि बोलाइएको प्रतिनिधिसभा बैठक आगामी चैत ५ गतेसम्मका लागि सारिएको जानकारी दिएका छन् ।

बुधबारको बैठक विशेष कारणले सारिएको सूचनामा उल्लेख छ । राष्ट्रपति र उपराष्ट्रपति चुनावपछि बस्नेगरी प्रतिनिधिसभाको बैठक सारिएको छ । यही फागुन २५ गते राष्ट्रपति र चैत ३ गते उपराष्ट्रपति चुनाव हुँदैछ ।

बुधबारको बैठकमा सभामुख देवराज घिमिरेले राष्ट्रपति कार्यालयबाट प्राप्त कार्यभार तोकिएकोसम्बन्धी पत्रको व्यहोरा जानकारी गराउने लगायतका विभिन्न कार्यसूची रहेका थिए ।