सुनाखरी न्युज/ काठमाडौं । काठमाडौं-समुदायमा आधारित वन सहजकर्ता सञ्जाल नेपाल (कफ्सन नेपाल) को पाँचौं राष्ट्रिय महाधिबेशनले विना श्रेष्ठको अध्यक्षतामा नयाँ नेतृत्व चयन गरेको छ ।

महाधिवेशनले छिन्डुम मेनक्पा भोटे उपाध्यक्ष, श्यामकृष्ण श्रेष्ठ महासचिव, डिल्ली गिरी उपमहासचिव, सुदिल गोपाल आचार्य कोषाध्यक्ष रहेको १७ सदस्यीय कार्य समिति तथा कमल गौतमको संयोजकत्वमा ३ सदस्यीय अनुगमन समित गठन गरेको छ । महाधिवेशनले वन क्षेत्रका सवालको सन्दर्भमा प्रतिवद्धतापत्र जारी गरेको अध्यक्ष श्रेष्ठले जानकारी दिइन् ।

यहि २०७९ आश्विन १(२ काठमाडौंमा सम्पन्न भएको छ । सञ्जालकि अध्यक्ष अप्शरा चापागाईको अध्यक्षतामा भएको महाधिवेशनमा राष्ट्रिय सभा सदस्य डा. बिमला राई पौड्याल प्रमुख अतिथि थिइन् । महाधिवेशनमा विभिन्न सरकारी गैरसरकारी निकाय संघसंस्थाका प्रतिनीधीहरुको सहित सञ्जालकका देशभरका महाधिवेशन प्रतिनिधीको सहभागिता थियो । त्यस अबसरमा देशभर विभिन्न क्षेत्रमा रहेर वन क्षेत्रमा सहजिकरण गर्दै हालको स्थानिय तह निर्वाचन २०७९ मा निर्वाचित भएका जनप्रतिनिधीहरु सञ्जालका १३ जना सदस्य तथा पदधिकारीहरुलाई सम्मान पनि गरिएको थियो ।

वन क्षेत्र र स्थानिय समुदायविचको अन्तर सम्वन्धका सवाल तथा सञ्जालको भावि कार्य दिशाको बारेमा समेत महाधिवेशनमा कार्यपत्र प्रस्तुत भएका थिए ।