२०७८ मंसिर ११ , शनिवार

शेयर बजारमा दिनदिनै पहिरो, बैंकको ब्याजदरको प्रत्यक्ष प्रभाव, परिसूचक ७७.३३ अंकले घट्यो

सुनाखरी न्युज/ काठमाडौं ।

नेप्सेमा मङ्गलवार पनि गिरावटको क्रमले निरन्तरता पाएको छ। आज नेप्से परिसूचक ७७.३३ अंकले घटेर २५१०.७३ बिन्दुमा अडिएको छ। आज ३ अर्ब ७७ करोड ७३ लाखको कारोबार भएको छ।

आजको कारोबारमा पनि ७ कम्पनीका लगानीकर्ताले भने कमाएका छन्। तर, १७८ कम्पनीका लगानीकर्ता भने आजको कारोबारबाट निराश बन्नु परेको छ। दुई वटा कम्पनीको मूल्यमा भने परिवर्तन आएको छैन।

वाणिज्य बैंकहरुले अस्वाभाविक रूपमा निक्षेपमा बढाएको ब्याजदरको प्रभाव देखिएको हो। वाणिज्य बैंकहरुले कात्तिक १ गतेदेखि लागू हुने गरेर निक्षेपको ब्याजदर बढाएपछि शेयर बजारमा लगातार गिरावट आएको हो ।

दसैँ बिदा पछिको दोस्रो कारोबारमा सोमबार पनि अत्यासलाग्दो गिरावट आएको थियो । सोमबार ६९.५१ अङ्कको गिरावट सहित नेप्से परिसूचक २५८७।४५ बिन्दुमा अडेको थियो । जसबाट आज तल झरेको हो। दसैँ बिदा पछि खुलेको शेयर बजारले आइतबार आशाको सञ्चार गरे पनि सोमबार बजार खुल्नासाथ गिरावट देखिएको थियो ।