२०७८ आश्विन १२ , मंगलबार

सहकारी संस्थाले कुल लगानीको ५० प्रतिशत उत्पादनमूलक क्षेत्रमा लगानी गर्नुपर्ने

सुनाखरी न्युज/ काठमाडौं – सरकारले सहकारी संस्थाहरुले आफ्नो कुल लगानीको ५० प्रतिशत हिस्सा कृषि क्षेत्रमा लगानी गर्नुपर्ने व्यवस्था गरेको छ । चालु आर्थिक बर्षको अध्यादेश बजेटलाई प्रतिस्थापन गर्न ल्याईएको आर्थिक विधेयकमा उक्त व्यवस्था गरिएको हो ।

 

अर्थमन्त्री जनार्दन शर्माले सहकारी संस्थाहरूले भगिनी कम्पनी खडा गरी आफ्नो ऋण लगानीको ५० प्रतिशत हिस्सा कृषि तथा उत्पादनमूलक क्षेत्रमा लगानी गर्नुपर्ने व्यवस्था गर्ने बताएका हुन् । यस्तै उनले सहकारी संस्थाहरूको अनुगमन सम्बन्धी नीति र संयन्त्र बनाइने समेत बताए ।