२०७८ श्रावण २१ , बिहिवार

ज्योति विकास बैंक र नेपाल एशोसियेसन अफ टूर एण्ड ट्राभल एजेन्ट्स बीच सम्झौता

Picture (1)

सुनाखरी न्युज/ काठमाडौँ – ज्योति विकास बैंक र नेपाल एशोसियसन अफ टूर एण्ड ट्राभल एजेन्ट्स NATTA बीच सहकार्यको लागि सम्झौता भएको छ। NATTA को वार्षिक साधारण सभाको अवसरमा सो संस्थामा आबद्ध व्यवसायी र त्यस्ता संस्थामा कार्यरत कर्मचारीहरु लाई विभिन्न बैंकिङ्ग सेवा प्रदान गराउने सम्बन्धमा दुई पक्ष बीच सम्झौता भएको हो।

 

सम्झौतापत्रमा ज्योति विकास बैंकका तर्फ बाट बैंकका नायव प्रमुख कार्यकारी अधिकृत पारसराज कंडेल र नेपाल एशोसियेसन अफ टूर एण्ड ट्राभल एजेन्ट्सका तर्फ बाट NATTA अध्यक्ष अच्युत गुरागाईले सम्झौतापत्रमा हस्ताक्षर गर्नु भएको थियो। सम्झौता अनुसार बैंकले NATTA मा आबद्ध व्यवसायीहरु तथा त्यस्ता संस्थामा कार्यरत कर्मचारीहरु लाई विशेष छुटमा प्रोफेसनल लोन, कर्जा सेवाहरु र सहज वित्तिय सेवाहरु प्रदान गर्नेछ। साथै ज्योति विकास बैंकले NATTA अन्तर्गतका व्यवसायीहरु लाई डिजिटल बैंकिंग सेवाहरु प्रदान गर्ने र सहजै सुचारु गरि व्यवसायमा लागू गर्न पनि सहयोग गर्ने छ।

 

व्यवसायीहरुले डिजिटल भुक्तानीका सेवा आफ्नो व्यवसायमा भित्र्याई आफ्नो ग्राहकहरू लाई थप सुविधा उपलब्ध गराउन सक्नेछन्।यसका साथै बैंकले आधुनिक बैंकिङ्ग,वित्तिय साक्षरता,उद्यमशीलता विकासका निमित्त नेपाल एशोसियसन अफ टूर एण्ड ट्राभल एजेन्ट्स संगको सहकार्यमा विभिन्न कार्यक्रमहरु संचालनमा ल्याउने भएको छ। ज्योति विकास बैंकले हाल १०५ शाखा कार्यालय, १ एक्सटेन्सन काउन्टर तथा ६२ वटा ATM मार्फत सेवा उपलव्ध गराउँदै आईरहेको छ।