२०७८ श्रावण २१ , बिहिवार

खेलकुद, शैक्षिक सामाग्री तथा नगद वितरण

5

सुनाखरी न्युज/ पोखरा – लायन्स क्लव अफ पोखरा सिमलचौतारीले पोखरा महानगरपालिका वडा नं. २३ चापाकोट आधारभूत विद्यालयलाई शनिवार खेलकुद, शैक्षिक तथा जेहेन्दार विद्यार्थीलाई नगद पुरस्कार वितरण गरेको छ ।

 

लायन्स क्लव क्लस्टर ५ का क्लस्टर चिफ पुरुषोत्तम पराजुलीको प्रमुख आतिथ्यतामा सम्पन्न उक्त कार्यक्रममा प्रमुख अतिथिको मन्तव्य राख्दै पराजुलीले क्लवले दलित, विपन्न र न्यून आयभएका बालबालिकाको लागि गरिएको सहयोगल बालबालिकाको पठनपाठनमा प्रोत्साहन मिल्ने र खेलकुदले स्वस्थ शरीर निर्माणमा सहयोग पु¥याउने बताउनुभयो । क्लवको वर्तमान थिम अन्तर्गत रही सामाजिक उत्तरदायित्वमा क्लवले गरेको कार्य प्रसंसनीय रहेको बताउनुभयो ।

 

विद्यालय व्यवस्थापन समितिका अध्यक्ष गोपाल पराजुलीले क्लवको सहयोगप्रति धन्यवाद दिंदै विद्यालय सबैको साझा सम्पत्ति भएको र विद्यार्थी माथिको शैक्षिक लगानी पुण्य कार्य भएको बताउनुभयो । विद्यालयका प्रधानाध्यापक इन्द्र प्रसाद पौडेल, क्लवका चार्टर प्रेसिडेण्ट नरेश बरालले क्लवलाई धन्यवाद सहित विद्यालयलाई निरन्तर सहयोग रहने बताउनुभयो । कार्यक्रममा क्यारेमबोर्ड, चेस, फुटबल, डोरी, कपी, कलम, पेन्सिल, चार्ट लगायत जेहेन्दार विद्यार्थीलाई नगद रु.२ हजार वितरण गरिएको थियो ।

 

क्लवका अध्यक्ष दामोदर बरालको अध्यक्षतामा सम्पन्न उक्त कार्यक्रमको संचालन सचिव पदम बस्ताकोटीले गर्नुभएको थियो भने क्लवका प्रथम उपाध्यक्ष परमेश्वर बरालले स्वागत मन्तव्य राख्नुभएको थियो ।