२०७८ बैशाख ३१ , शुक्रवार

म बहुमतमै छु, प्रदेशसभा सचिवालयले नै जालसाजी गर्‍यो : शंकर पोखरेल

shankar_pokharel

सुनाखरी न्युज/ काठमाडौं – लुम्बिनी प्रदेशका मुख्यमन्त्री शंकर पोखरेलले प्रदेश सभा सदस्यहरूको बहुमत आफूसँगै रहेको दाबी गरेका छन्। सोमबार बिहान आज फेसबुकमा लामो स्टाटस लेख्दै उनले आफ्नो धारणा राखेका हुन्।

 

प्रदेश सभामा अविश्वास प्रस्ताव सामना गर्न नसकेपछि पोखरेलले पदबाट आइतबार बिहान राजीनामा दिएका थिए। तर, आफूसँग बहुमत रहेको दाबी गर्दै पोखरेलले प्रदेश सभा सदस्यहरूको हस्ताक्षरसहित विवरण बुझाएपछि प्रदेश प्रमुख धर्मनाथ यादवले पद तथा गोपनीयताको सपथग्रहण गराएका थिए। पोखरेलले सपथ लिँदा-नलिँदै नेकपा ९एमाले० मा रहेकी भनिएकी सांसद् विमला कुमारी खत्रीले माओवादी केन्द्र रोजेकी थिइन्। अन्य केही सांसदले एमाले त्यागेको तथा माओवादी-कांग्रेस गठबन्धनलाई सघाउने बताइसकेका छन्।

 

बिहान राजीनामा र साँझ पुनस् मुख्यमन्त्री पदको सपथ लिएपछि प्रदेश सभामा बहुमत नपुग्ने पक्कापक्की भएपछि पोखरेलले यसबारे फेसबुकमा लेखेका हुन्। ुलुम्बिनी प्रदेशको यथार्थु शीर्षक दिएर उनले आफूले प्रदेशको बहुमत प्राप्त दल एमाले रहेको बखतमा मुख्यमन्त्रीमा दाबी गरेको उल्लेख गरेका छन्। ​विमला कुमारी खत्रीले माओवादी रोजेपनि सर्वोच्च अदालतले फाल्गुन २३ गते गरेको फैसलापछि उनी एमालेकै तर्फबाट प्रदेश सभा दलमा सहभागी हुँदै आएकी, उक्त विवरण त्यतिबेला नै प्रदेशसभामा दर्ता भइसकेको र अहिले आएर माओवादी केन्द्र रोजेको प्रचार गर्नु कानुन विपरीत कार्य भएको पोखरेलले जिकिर गरेका छन्। यस प्रकृयामा प्रदेशसभा सचिवालयकै जालसाजीपूर्ण सहभागिता देखिएको उनको दाबी छ।

 

पार्टी छाडेका भनिएका लगायत अन्य सांसदहरूले समेत दलको बैठकमै उपस्थित रहेर सरकारमा दाबी गर्ने निर्णयमा सहमती जनाएका पोखरेलले उल्लेख गरेका छन्। साथै, सूर्य चिह्नबाट चुनाव लडेका उनीहरूको समर्थन कानुनी रूपमा समेत अन्य दललाई हुन नसक्ने उनको दाबी छ।

 

पोखरेलको फेसबुक स्टाटस :

लुम्विनी प्रदेशको यथार्थ
लुम्विनीमा नेकपा एमाले प्रदेश सभा दल वहुमत प्राप्त दलको अवस्थामा रहेका वखत मुख्यमन्त्रीमा दावी गरिएको हो । दलको वैठकले सर्वसम्मत रुपमा मुख्यमन्त्रीमा दावी गर्ने निर्णय गरेको हो । नियुक्ति पनि त्यसै आधारमा भएको हो । नियुक्ति पछिको विवादको निरुपण प्रकृया अनुरुप नै हुनेछ ।
विमला कुमारी खत्री फाल्गुन २३ को फैसला पछि एमालेको प्रदेशसभा दलमा सहभागी हुदै आउनु भएको हो । उक्त विवरण त्यतिवेला नै प्रदेशसभामा दर्ता भइसकेको छ । अहिले आएर माओवादी केन्द्र रोजेको प्रचार गर्नु कानुन विपरित कार्य हो । यस प्रकृयामा प्रदेशसभा सचिवालयको जालसाजीपूर्ण सहभागिता देखिनु झनै दुःखद छ।
चर्चामा ल्याइएका अन्य सांसदहरु समेत दलको वैठकमा उपस्थित रहेर सरकारमा दावी गर्ने निर्णयमा सहमती जनाउनु भएको हो । सूर्य चिन्हवाट चुनाव लडेका उहाँहरुको समर्थन कानुनी रुपमा समेत अन्यदललाई हुन सक्तैन । यस्तो कुरा संविधान निर्माणमा नेतृत्व गर्ने शेरवहादुरजी, पुष्पकमल दाहालजी र उपेन्द्र यादवजीलाई नहुनु आश्चर्यको कुरा हो ।
अविश्वास प्रस्ताव दर्ता पछि जनता समाजवादीका चारजना सदस्यहरुलाई अल्पमतरहेका दलका सदस्यको सिफारिसका आधारमा कार्वाहीको षडयन्त्रपूर्ण नाटक मंचनपछि नेकपा९एमाले० वहुमत प्राप्त दल बनेको हो । वहुमत प्राप्त दललाई सरकार संचालनको सम्वैधानिक दायित्व रहन्छ ।
जनता समाजवादीका चारजना सांसदले अविश्वास प्रस्तावमा हस्ताक्षर गरेको कुरा अस्विकार गरिसक्नु भएको छ । पुरानो र अर्कै सन्दर्भमा गरिएको हस्ताक्षर प्रयोग गरिएको दावी उहाँहरुको छ ।
संविधानले एउटा चुनाव चिन्ह लिएर चुनाव जिल्नेहरुलाई अर्को दल परिवर्तको अधिकार दिएको छैन । चुनाव चिन्ह सूर्य लिएकाहरु हाम्रा पक्षमा भनेर देखाउने र त्यसका पक्षमा राष्ट्रिय पार्टीका नेताले वक्तव्य जारीगर्ने कुरा लज्जास्पद विषय हो ।
जनता समाजवादीका वहुमत सदस्यले कार्वाहीका विरुद्धमा सर्वोच्चमा रिट दायर गर्नु भएको छ । सो रिटको पक्षमा फैसला हुनासाथ लुम्विनी सरकार सुदृढ पोजिसनमा हुनेछ । नियुक्ति पछिको सपथ रोक्न प्रदेश प्रमुखको कार्यालयमा भएको अनुचित धर्ना सोही मनस्थितीको उपज हो ।
सूर्यचिन्ह लिएर उमेद्वार भइ सांसद भएकाहरुलाई अर्को दलले आफ्नो पक्षको भनेर दावी गर्नेकुरा संविधान विरोधी र अराजनीतिक कुरा हो ।यसप्रकरणमा के कस्ता हथकण्डा प्रयोग भए समयक्रममा खुल्दै जानेछन् ।
वहुमत प्राप्त दललाई सरकार गठन गर्ने अधिकार सदैव रहन्छ र रहीरहने छ । संवैधानिक रुपमा उत्पन्न विवादको निरुपण भएर वहुमत गुमेको अवस्थामा सरकारमा रही रहने कुरा सम्भव छैन । तर अहिलेको अवस्था त्यो होइन ।
जुन साथीहरुले अराजनीतिक हर्ष ट्रेडिङको खेल खेलिरहनु भएको छ उहाँहरुले लुम्विनी सरकार विरुद्ध प्रपोगण्डा संचालन गर्नु स्वभाविक हो ।
जहासम्म प्रदेश सरकारको कामको कुरा छ सात प्रदेशमा लुम्विनी प्रदेश अगाडी नै छ र आगामी दिनमा पनि रहने छ ।
विभिन्न माध्यमवाट चासो,चिन्ता र सरोकार राख्नुहुने तथा शुभेच्छा प्रकट गर्नुहुने सबैलाई धन्यवाद ।