२०७८ बैशाख ३१ , शुक्रवार

पशुपति दर्शनमा अर्को व्यवस्था नभएसम्मका लागि रोक, यस्तो छ निर्णय !

Pashupatinath

सुनाखरी न्युज/ काठमाडौँ —

पशुपति क्षेत्र विकास कोषले सर्वसाधारणका लागि अर्को व्यवस्था नभएसम्मका निम्ति पशुपतिनाथ दर्शनमा रोक लगाएको छ । कोरोना भाइरस फैलिन नदिन उक्त निर्णय गरेको कोषले जनाएको छ ।

‘वैशाख १० गतेबाट अर्को व्यवस्था नभएसम्मका लागि श्री पशुपतिनाथको मन्दिर, गुहेश्वरी मन्दिरलगायतका मन्दिरमा नित्य पूजाबाहेक अन्य क्रियाकलाप गर्न नपाउने गरी व्यवस्था मिलाइएकोले,’ कोषका कोषाध्यक्ष डा. मिलनकुमार थापा हस्ताक्षरित विज्ञप्तिमा छ,‘सबैको जानकारीका लागि यो सूचना प्रकाशित गरिएको छ । यसबाट भक्तजनहरूलाई पर्न गएको असुविधाप्रति पशुपति क्षेत्र विकास कोष क्षमाप्रार्थी छ ।’