२०७७ चैत्र २९ , आइतवार

कर्तव्यबाट बिमुख नभई सेवा प्रवाहमा कटिवद्ध हुनु : गण्डकी प्रदेश प्रहरी प्रमुख अर्याल

सुनाखरी न्युज/ काठमाडौं – गण्डकी प्रदेश प्रहरी प्रमुख प्रहरी नायव महानिरीक्षक घनश्याम अर्यालले यहि पुस(०५ गते जिल्ला प्रहरी कार्यालय तनहुँ र गोरखाको स्थलगत निरीक्षण गर्नुभई कार्यरत प्रहरी कर्मचारीहरुलाई व्यावसायीक प्रहरी सेवा प्रवाहका विषयमा निर्देशन समेत गर्नुभएको छ ।

 

गण्डकी प्रदेश प्रहरी कार्यालय मातहतका प्रहरी कार्यलयहरुबाट सम्पादन हुने विभिन्न प्रहरी सेवा, अपराध नियन्त्रण एवं अनुसन्धान साथै जिल्लाको वर्तमान शान्ति सुरक्षाको अवस्था, समस्या तथा चुनौती लगायत कोरोना भाईरस नियन्त्रणका लागि प्रहरीले गरेका विभिन्न गतिविधिहरु समेतको निरीक्षण गरि प्रहरी सेवा प्रवाहलाई थप चुष्तदुरुष्त एवं समय सान्दर्भिक बनाउन प्रहरी नायव महानिरीक्षक अर्यालले उक्त निरिक्षण कार्यक्रम सम्पन्न गर्नु भएको हो । निरीक्षण पश्चात कार्यरत प्रहरी कर्मचारीहरुलाई निर्देशन सम्बोधन गर्नुहुँदै प्रहरी नायव महानिरीक्षक आर्यालले जस्तोसुकै विषम परिस्थितिमा पनि विचलति नभई समाजमा शान्ति सुरक्षा तथा अमचयनको खातिर अहोरात्र तल्लिन रहनु नै नेपाल प्रहरी संगठनको गौरवमय इतिहास रहेकाले कुनैपनी प्रहरी कर्मचारी आफ्नो कर्तव्यबाट बिमुख नभई नागरिक मैत्री प्रहरी सेवा प्रवाह गर्न कटिवद्ध हुनुपर्नेमा जोड दिनुभयो ।

 

साथै संगठनले अंगिकार गरेका नीति तथा कार्ययोजना एवं प्राथमिकताहरुलाई दृढताका साथ कार्यान्वयन गरि नतिजामुलक प्रहरी सेवा प्रवाह गर्न र गराउन समेत उहाँले निर्देशन गर्नुभएको छ । निरीक्षणका क्रममा जिल्ला प्रहरी कार्यालय तनहुँका प्रमुख प्रहरी उपरीक्षक अरुण पौडेल र जिल्ला प्रहरी कार्यालय गोरखाका प्रमुख प्रहरी उपरीक्षक सुरेन्द्र बहादुर गुरुङले प्रहरी नायव महानिरीक्षक अर्याल समक्ष जिल्लाको समग्र शान्ति सुरक्षाको अवस्था, प्रहरी परिचालन, कोरोना भाईरसन नियन्त्रणका लागि भईरहेका विविध गतिविधिहरु लगायतका विषयमा जानकारी समेत गराउनु भएको थियो ।