२०७७ चैत्र ३१ , मंगलबार

नेहा कक्कड गर्भवती भएकै हुन् ?

सुनाखरी न्युज/ काठमाडौं।

गायिका नेहा कक्कडले केही दिनअघि इन्स्टाग्राममा एउटा फोटो शेयर गरिन् । यो फोटोमा केही महिनाअघि विवाह गरेकी उनको पेट बढेको देखिएको थियो । पति रोहनप्रित सिंहको अंगालोमा रहेकी नेशाको पेट बढेको देखिएपछि सबैले नेहा गर्भवती भएको ठाने । कैयौं भारतीयदेखि नेपाली मिडियामा समेत नेहा गर्भवती भएको भन्दै समाचार आए । तर, खासमा नेहा गर्भवती भएको कुरा सत्य होइन ।

नेहा स्वयंले आज यो कुराको खुलासा गरेकी हुन् । जुन फोटोलाई लिएर नेहा गर्भवती भएको दावी गरिएको थियो त्यो फोटो खासमा नेहाको म्युजिक भिडियोको लागि खिचिएको थियो । यो म्युजिक भिडियोमा नेहा आफ्ना पति रोहनप्रितसँगै देखिँदैछिन् । नेहाले आज म्युजिक भिडियोको पोस्टर शेयर गर्दै फोटोको वास्तविकताको खुलासा गरेकी हुन् । उनले अघिल्लो फोटोका क्याप्सनमा लेखेको ‘खयाल रख्या कर’ खासमा उनको म्युजिक भिडियोको नाम हो ।