२०७८ बैशाख ८ , बुधवार

तिहारको पूर्वसन्ध्यामा दक्षिणकालीका व्यवसायीबीच सेलरोटी बनाउने प्रतिस्पर्धा

सुनाखरी न्युज/ काठमाडौं – दक्षिणकाली मन्दिरको परिचय बोकेको सेलरोटीको मौलीकता र बजारीकरण गर्ने उदेश्यले सोमबार त्यहाँस्थित ब्यवसायीहरुबीच सेलरोटी पकाउने र पस्कने कलाको प्रतिस्पर्धा आयोजना गरिएको छ । शुभ दिपावाली नजिकै जाँदा तिहारमा पकाइने मुख्य परिकार मध्येको एक सेलरोटी र दक्षिणकाली मन्दिरको धार्मिक पर्यटन प्रवर्दन गर्ने उदेश्यले मन्दिर क्षेत्रमा रहेका करिब ५ दर्जन ब्यवसायीहरुले प्रतियोगितामा सहभागिता जनाएका थिए ।

 

ललितपुर सातदोबाटो स्थित आइएचएम कलेज र आइएम विथ सेफको संयोजन तथा दक्षिणकाली नरपालिका र पर्यटन बोर्डको सयुक्त सहकार्यमा नेपाली सेफ र कलरीनरी जगतका एक दर्जन भन्दा बढि संघसस्थाको सयुक्त आयोजनामा सेलरोटीको स्वाद  (Taste of Nepalese Food- The Next Destination  Series)  अन्तरगर्तको पहिलो कार्यक्रम सम्पन्ह भएको हो । नेपाली मौलीक खानालाई स्थानीय स्तरबाटै चिनाउने र त्यसको मौलीकता तथा बजार प्रवर्दन गर्ने उदेश्यले कर्मा मिडियाको ब्यवस्थापनमा कार्यक्रम आयोजना गरिएको हो । प्रतियोगितामा सहभागि ब्यवसाहीलाई ३ समुहमा बिभाजन गरि सेफहरुको ३ ओटा निर्णायक मण्डलीले तयारी, मौलीकता, स्वाद र बजारीकरणको सम्भावना लगायतको मापदण्डलाई आधार बनाएर उत्ृष्ट ३ ब्यवसायीको छनौट गरेका थिए । प्रतियोगितामा मायादिदीको खाजाकी सञ्चालक माया ब्लोन प्रथम, जयकाली खानाका सञ्चालक सारदा तामाङ्ग दित्तिय र बालकृष्ण श्रेष्ठले तृतिय स्थान हासिल गर्न सफल भए । उनिहरुलाई दक्षिणकाली नगरपालिकाका मेयर मोहन बस्नेतले क्रमश नगद १०, ७ र ५ हजार तथा प्रशंसापत्रले सम्मानित गर्नुभयो ।

 

समापन कार्यक्रममा बोल्दै मेयर बस्नेतले दक्षिणकाली क्षृेत्रको पहिचान अब सेलरोटीले चिनाउने बिश्वास ब्यक्त गर्नुभयो । नगरपालिकाले देशका उद्योगी ब्यवसायीहरुलाई यस क्षेत्रको पर्यटन प्रवर्दन र उद्योगमा लगानी गर्न बिशेष निति लिएको बताउनु्भयो । होटल एसोसिएसन अफ नेपाल हानका उपाध्यक्ष बिनायक शाहले कोभिडका कारण पर्यटन बर्ष नै स्थगित गर्नु परेको अवस्थामा यस किसिमका कार्यक्रममा ब्यवसायीमा हौसला बढ्ने र गुठस्तर बढ्दै जादा त्यसको खपत पनि बढ्ने बताउनु्भयो । बिश्वमा हरेक देशले आफ्नो राष्ट्रिय ध्वजाबाहकमा आफ्नै मौलीक खाना, मेनुमा समावेश गर्ने गरेको स्मरण गर्दै नेपाल एयरलाइन्सले सेलरोटी जस्तो मौलीक र नेपालको चिनारी बोकेको खानालाई समेट्न सके बजारीकरण बढ्ने बताउनुभया । नेपालका पहिलो एक्जुकेटिभ सेफ गोबिन्द नरसिंह केशीले ९सेलरोटीको स्वाद ० मार्फत मौलीक खानाको बिश्व बजारीकरणमा जुटेका सबैलाई एउटै शुत्रमा बाधेको बतायउनुभयो ।

 

कार्यक्रम मुलक आयोजक कमिटिका संयोजक एवम् आइएचएम कलेजका निर्देशक सुराच प्रसाईले नेपाली मौलीक खानाको प्रवर्दशनमा यस किसिमको बृहत सहभागिताले खानाको मौलीकता प्रवर्दनमा एकता, सहकार्य र सम्मानको नया अध्याय सुरु गरेको बताउनुभयो । कार्यक्रममा कोभिडबाट भोकभाकै परेका अति बिपन्न र असाहयहरुलाई खाना खुवाउने अभियानमा सक्रिय सेफ टेकनाथ नेपाल र सेफ शिबहरी घिमिरे तथा मौलीक खानाको प्रचार र होम स्टे ब्यवस्थापनमा बिशेष योगदान पुर्याएबापत सेफ मोहन गजुरेललाई सम्मान गरिएको थियो ।नेपाल सेफ एसोसिएसन९क्यान०,रेस्टुरेन्ट एसोसिएसन अफ नेपाल९रेबान०, ग्लोबल सेफ फेडेरेसनलगायत संस्थाले पनि कार्यक्रमलाई साथ दिएका थिए।