२०७७ असार २२ , सोमवार

बुहारीको हत्या गर्ने सासूससुरा र नन्दहरु सार्वजनिक

सुरक्षा–अपराध

hatya

सुनाखरी न्युज/हेटौंडा – बुहारीको हत्या गरेको आरोपमा प्रहरीले परिवारकै चार जनालाई पक्राउ गरेको छ । असार २ गते हेटौंडामा मृत भेटिएकी सुस्मिता क्षेत्री थापाको हत्या आरोपमा प्रहरीले चार जनालाई पक्राउ गरी सार्वजनिक गरेको हो । प्रहरीले मृतक सुस्मिताका ससुरा प्रकाश, सासू, तुलसा, नन्दहरु दुर्गा र सीतालाई पत्रकार सम्मेलन गरी सार्वजनिक गरेको हो ।

 

६ महिनाअघि दुर्घटनामा मारिएका सुस्मिताका पति रुपेन्द्र कार्यरत संस्थाबाट तलब, भत्ता तथा बीमासमेत गरी प्राप्त हुने ३८ लाख २८ हजार तथा पतिको दुर्घटनापछि क्षतिपूर्तिवापत सुस्मिताले प्राप्त गरेको पाँचलाखमा विवाद, ससुराले गरेको बलात्कार प्रयासको घटना बाहिरिने डर लगायतले उनको हत्या भएको अनुसन्धानबाट खुलेको जिल्ला प्रहरी कार्यालय मकवानपुरका प्रहरी उपरीक्षक सुशीलसिंह राठौरले पत्रकार सम्मेलनमा जानकारी दिनुभयो ।

 

सुस्मितालाई ससुराले काठको लौरो र नन्द सीताले लोहोराले हानेर हत्या गरेको प्रहरीले दाबी गरेको छ । पक्राउ परेकी सासू र घटनाको समयमा काठमाडौँमा भएकी जेठी नन्दको पनि हत्यामा संलग्नता रहेको तथा घटनाको थप अनुसन्धान भइरहेको प्रहरीले जनाएको छ ।

Share this news: