२०७९ मंसिर २१ , बुधवार

कोरोना अपडेट : नेपालमा थप १० हजार ३१९ जनामा कोरोना संक्रमण पुष्टि, ४ संक्रमितको मृत्यु

सुनाखरी न्युज/ काठमाडौं – पछिल्लो २४ घण्टामा पीसीआर र एन्टिजेन विधिमार्फत् २१ हजार २०१ नमूनाको परीक्षण गर्दा १० हजार ३१९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।

 

 

मन्त्रालयका अनुसार गत २४ घण्टामा १६ हजार ६५४ नमूनाको पीसीआर र चार हजार ५४७ नमूनाको एन्टिजेन परीक्षण गरिएको थियो। पीसीआर परीक्षणबाट आठ हजार ५४ र एन्टिजेन परीक्षणबाट दुई हजार २६५ जनामा संक्रमण पुष्टि भएको हो। उक्त २४ घण्टामा देशभर गरी चार जना कोरोना संक्रमितको मृत्यु भएको छ।

 

 

यससँगै कोरोना संक्रमणबाट हालसम्म मृत्यु हुनेको संख्या ११ हजार ६५९ पुगेको स्वास्थ्य तथा जनसंख्या मन्त्रालयले जानकारी दिएको छ।यस्तै, पछिल्लो २४ घण्टामा दुई हजार ५४० जना कोरोना संक्रमणमुक्त भएका छन्।