२०७९ मंसिर १४ , बुधवार

नेप्सेमा मंगलबार पनि वहार, एकै दिन ६३ अंकले बढ्यो परिसूचक

सुनाखरी न्युज/ काठमाडौं – नेपाल स्टक एक्सचेञ्ज (नेप्से)मा साताको कारोबारका दोस्रो दिन आज मंगलबार उच्च अंकको बृद्धि भएको छ । आज नेप्से ६३.१ अंकले बढेर दुई हजार ६ सय ७९ दशमलब ९५ विन्दुमा पुगेको हो । सोमबार नेप्से ३२.०३ अंकले बढेर दुई हजार ६ सय १६ दशमलब ९४ विन्दुमा पुगेको थियो ।

 

त्यस्तै, कोरोबार रकममा सामान्य गिरावट भएको छ । आज ४ अर्ब ३२ करोड २ लाख बराबरको कारोबार भएको छ । सोमबार ४ अर्ब ५३ करोड ३० लाख बराबरको कारोबार भएको थियो । नेप्सेका अनुसार आज पाँच कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीहरुमा श्री इन्भेष्टमेन्ट फाइनान्स, सप्तकोशी विकास बैंक, मध्यभोटेकोशी जलविद्युत कम्पनी, नेपाल एसबिआई बैंक र सिन्धु विकास बैंक रहेका छन् । यी कम्पनीको शेयरमूल्य आज सर्किट लेभलमा बढेका छन् ।

 

त्यस्तै, आज धेरैजसो डिबेञ्चरको शेयरमूल्यमा सर्वाधिक गिरावट आएको छ । आज यस्तै, कारोबारको आधारमा आज सबैभन्दा बढी कारोबार नेपाल बङ्गलादेश बैंकको छ । यस कम्पनीको आज १४ करोड ७७ लाख भन्दा बढीको कारोबार भएको छ ।