घुमफिर-पर्यटन

यतिको ७२ सिट क्षमताको एटीआर ७२ - ५०० पोखरा- काठमाडौं उडान शुरू

Posted: 2018-10-04 08:38:53

सुनाखरी न्युज/ काठमाडौं - बढ्दो विमान सेवाको माग र पर्यटकीय सिजन शुरू भएसँगै निजी क्षेत्रको हवाई कम्पनी यति एयरलाइन्सले ठूलो आकारका जहाजबाट काठमाडौं–पोखरा–काठमाडौं उडान थाल्ने बताएको छ । यतिले पछिल्लो पटक ल्याएको ७२ सिट क्षमताको एटीआर ७२–५०० जहाजबाट बुधबारदेखि काठमाडौं–पोखरा–काठमाडौं रुटमा उडानको तालिका बनाएको छ । यतिका सञ्चार अधिकृत भीमराज राईका अनुसार बुधवारदेखि दैनिक २ वटा उडान एटीआर ७२–५०० बाट गर्ने तालिका बनाएको छ । यात्रुको माग अनुसार उडान थप्न सकिने बताए । एटीआर बाहेक यतिले ३० सिट क्षमताको जेटस्ट्रिम ४१ जहाजबाट पनि अरु उडान गर्ने बताए । एटीआर बाहेक यतिले यतिबेला काठमाडौं–पोखरा–काठमाडौं रुटमा दैनिक १२ वटासम्म उडान तालिका बनेपनि १० वटासम्म उडान नियमित रुपमा भइरहेको उनले बताए । ७२ सिट भएपनि पोखरा विमानस्थलको धावनमार्ग कम भएकाले पूर्ण क्षमतामा भने यात्रु बोक्न सक्ने छैन । बढीमा ६० जना यात्रु एउटा उडानबाट आउजाउ गर्ने गरी हालका लागि उडान थाल्ने राईले बताए । ‘शुरूवात ६० जना यात्रु बोकेर गर्ने हो,’ उनले भने । राईका अनुसार यतिले हालका लागि एटीआर ७२ को दैनिक २ उडान पोखराका लागि राखेको छ । हरेक दिन बिहान साढे ७ र ९ बजे उडान गर्ने तालिका तय गरेको उनले बताए । 
 
 
पोखरा विमानस्थलका प्रमुख भोलाप्रसाद गुरागाइले पनि यतिले ठूलो आकारको जहाजबाट उडान शुरू गर्न थालेको बताए । ‘एकैपटक धेरै यात्रु बोक्ने हुँदा आउजाउमा सहज हुनेछ,’ उनले भने, ‘ठूलो जहाजबाट उडान हुँदा हवाई टिकटको अभाव कम हुनेछ । अहिले सिजनका बेला पोखरा–काठमाडौं रुटमा यात्रुले चाहेको बेला हवाइ टिकट पाउन सक्दैनन् । पोखरा विमानस्थलको धावनमार्ग १ हजार ४ सय ४७ मिटर छ । धावनमार्ग छोटो हुनाले एटीआर ७२ ले पूरा यात्रु क्षमतामा यात्रु बोक्न सक्दैन । मौसम चिसो भएको बेला बढी भार बोक्न सक्छ । तातो हुँदा कम भार बोक्न सक्ने हो । गर्मीमा भन्दा जाडो महिनामा एटीआर ७२ ले धेरै यात्रु बोक्न सक्नेछ, उनले भने, जहाजको यात्रु बोक्ने क्षमता तापक्रमले फरक पार्दछ । अहिले उडान भइरहेको जहाजले पनि सोही अनुसार यात्रु बोक्दै आएको बताए । 



More News



संरक्षित क्षेत्रमा जाने स्वदेशी तथा विदेशी पर्यटकका लागी शूल्कबृद्धि गरेकोमा टानको आपत्ति

Posted: 2018-10-16 12:33:39

सुनाखरी न्युज/ काठमाडौं - सरकारले अन्नपूर्ण, मनास्लु र गौरीशंकर संरक्षित क्षेत्रमा जाने स्वदेशी तथा विदेशी पर्यटकबाट लिने प्रवेश शूल्क बढाएको छ । स्वदेशी पर्यटकका लागि यसअघि निशुल्क प्रवेश दिँदै आएपनि सरकारले संरक्षित क्षेत्रमा जान शूल्कबृद्धि गरेको हो । संरक्षित क्षेत्रमा जान स्वदेशी पर्यटकले १ सय ...


गुर्जा हिमालको हिमआँधीमा परेका नौ जनाको शव भेटियो (परिचयसहित अपडेट)

Posted: 2018-10-14 11:47:47

सुनाखरी न्युज/ म्याग्दी - धवलागिरि गाउँपालिका–१ स्थित गुर्जा हिमालको आधार शिविरमा हिमआँधीमा परेर बेपत्ता भएका नौ जनाको शव चार दिनपछि आइतबार बिहान भेटिएको छ ।हेलिकप्टरबाट आधार शिविरमा पुगेका सुरक्षाकर्मी ...


गुर्जा हिमाल चढ्न गएका ८ जनाको मृत्यु, एकजना वेपत्ता

Posted: 2018-10-13 10:00:46

सुनाखरी न्युज/ म्याग्दी - म्याग्दीको धौलागिरि गाउँपालिका १ मा पर्ने गुर्जा हिमाल आरोहणमा गएका ८ जनाको मृत्यु भएको छ । अर्का एकजना वेपत्ता छन् । काठमाडौंको प्रोजेक्ट वे नामक ट्रेकिङ एजेन्सीबाट पाँच जना कोरियन नागरिक र चार जना नेपाली भरियाहरु गुर्जा हिमाल चढ्न गएका थिए । उनीहरु हिम पहिरो र आँधीमा परेका थिए । जिल्ला प्रहरी कार्यालय म्याग्दीका डिएसपी बीरबहादुर बुढामगरका अनुसार घटनास्थल विकट भएकाले उद्धार र खोजी कार्य प्रभावित भएको छ ।...


अब साझाका टिकट अनलाइनबाटै काट्न सकिने

Posted: 2018-10-11 10:15:19

सुनाखरी न्युज/ काठमाडौं - साझा यातायात र अनलाइनबाट बस टिकट काट्ने सुविधा प्रदान गर्दै आएको बससेवा डटकमबीच अनलाइन टिकटिङ सम्झौता भएको छ। सम्झौतासँगै अबदेखि यात्रुहरूले साझा यातायातका टिकट ...


सुविधा सम्पन्न काठमाडौँ - सुनौली हुँदै लुुम्बिनी सम्म पर्यटकीय बस सेवा सञ्चालन

Posted: 2018-10-08 11:02:17

सुनाखरी न्युज/ काठमाडौं - ट्राभल नेपाल बस सर्भिसेज प्रालिले पहिलोपटक काठमाडौँदेखि मुलुकको प्रमुख पर्यटकीय गन्तव्य लुम्बिनीसम्म पर्यटकीय बस सञ्चालनमा ल्याएको छ । यसअघि काठमाडौँ–पोखरा बस सञ्चालन गरेको ट्राभल ...


Advertisements