घुमफिर-पर्यटन

चरा ठोक्किएपछि यति एयरको जहाज आकस्मिक अवतरण

Posted: 2018-05-27 20:17:09

 
सुनाखरी न्युज/
चितवन — भरतपुरबाट काठमाडौँका लागि आइतबार अपराह्न उडेको यति एयरको जेटस्ट्रिम विमानमा चरा ठोक्किएपछि आकस्मिक अवतरण गरिएको छ । 
 
 
 
अपराह्न ४ बजेर १० मिनेटमा उडेको जहाजमा भरतपुरको रिजालचोकमाथि पुग्दा सानो भंगेरो जातको चरा इन्जिनमै ठोक्किएपछि आकस्मिक अवतरण गरिएको यति एयरका भरतपुर शाखा प्रवन्धक राजेश सिंहले जानकारी दिए । यति जहाज २२ यात्रु लिएर काठमाडौँका लागि उडेको थियो । प्रबन्धक सिंहका अनुसार क्याप्टेन रमेश श्रेष्ठले जहाज उड्ने बित्तिकै इन्जिनमा चरा छिरेको आशंका गरेपछि तत्कालै भरतपुर विमानस्थलमा आकस्मिक अवतरण गराएका थिए । समयमै अवतरण गराएका कारण ठूलो दुर्घटनाबाट जहाज जोगिएको भरतपुर विमानस्थलले जनाएको छ । यात्रुहरु सकुशल रहेका छन् ।
 
उनीहरुलाई अर्को जहाज झिकाएर काठमाडौँ पठाइएको सिंहले बताए । अर्को जहाजमा इन्जिनियर पनि आएका छन् । चरा ठोक्किएको जहाजको परीक्षण गरेपछि तत्काल उडान गर्न सकिने कि नसकिने भन्ने यकिन हुने भरतपुर विमानस्थलका प्रमुख पवनकुमार गौतमले बताए ।
 
यसअघि पनि तारा एयरको विमान भरतपुरबाट मेघौली जाँदा चरा ठोक्किएपछि जहाजमै प्वाल परेको थियो । रासस



More News



पर्यटक आकर्षित गर्न ‘लाइफ टाइम एक्सपिरियन्स’का २० वटा प्याकेज, २० लाख पर्यटक भित्र्याउन निजी क्षेत्रसँग सहकार्य गरिदैँ

Posted: 2018-08-21 11:49:38

सुनाखरी न्युज/ काठमाडौं - सरकारले सन् २० लाख पर्यटन ल्याउँन २०२० का लागि नेपाल भ्रमण वर्ष घोषणा गरेर धमाधम पर्यटकीय गतिविधि अगाडि बढाउन थालेको छ । बार्षिक २० लाख पर्यटक भित्र्याउने लक्ष्यसहित सरकारले ...


न्यारोबडी जहाज थपेर पाकिस्तानमा पनि उडान गर्ने नेपाल एयरलाइन्सको योजना

Posted: 2018-08-20 12:44:14

सुनाखरी न्युज/ काठमाडौं - नेपाल एयरलाइन्सले एयरवसका २ न्यारोबडी जहाज ल्याएर दक्षिण एसियाली मुलुकमा उडान विस्तार गर्ने योजना ल्याएको छ।अन्तर्रा्ष्ट्रिय उडानमा एयरबसका ए३२० सिरिजका २ जहाज ल्याएर पाकिस्तान, ...


सात विमानस्थल नाफामा

Posted: 2018-08-20 10:18:46

सुनाखरी न्युज/ काठमाडौं - नेपाल नागरिक उड्डयन प्राधिकरण (क्यान) ले आव २०७५/७६ का लागि कूल रु ४५ अर्ब १७ करोड ५६ लाख ९५ हजार ५५३ बजेट विनियोजन गरेको छ । क्यानले आज पत्रकार सम्मेलन गरी सार्वजनिक ...


जुलाई महिनामा नेपाल आउने पर्यटक ७३ प्रतिशतले बढे

Posted: 2018-08-19 10:49:01

सुनाखरी न्युज/ काठमाडौं - सन् २०१८ को जुलाईमा नेपाल आउने पर्यटकको सङ्ख्यामा उल्लेख्य वृद्धि भएको छ । जुलाईमा ७३ हजार २८५ बाह्य पर्यटकले नेपाल भ्रमण गरेका छन् । नेपाल पर्यटन बोर्डका अनुसार गत वर्षको सोही महीनाको तुलनामा पर्यटक आगमन ७३.५ प्रतिशतले वृद्धि भएको छ । ...


हवाई यात्रुको बीमामा ६ गुणा वृद्धि

Posted: 2018-08-17 11:22:59

सुनाखरी न्युज/ काठमाडौं - नेपालबाट अन्तर्रा्ष्ट्रिय उडान गर्ने हवाई यात्रुको बीमा रकममा करीब छ गुणाले वृद्धि हुने भएको छ । प्रतिनिधिसभाको बुधबारको बैठकले अन्तर्रा्ष्ट्रिय हवाई परिवहन विषयक नियम एकीकरण गर्ने सम्बन्धमा ...


Advertisements