घुमफिर-पर्यटन

पर्यटनमन्त्रीका ६० दिनमा गर्ने ८१ काम, टिआइए २१ घण्टा सञ्‍चालन गरिने

Posted: 2018-03-31 15:04:41

 
सुनाखरी न्युज/
काठमाडौं-
संस्कृत पर्यटन तथा नागरिक उड्ययन मन्त्रालयले अबको ६० दिनको कार्ययोजना सार्वजनिक गरेको छ। नयाँ सरकार गठन भएको सय दिनमा पूरा गर्ने कामको तयारी स्वरूप संस्कृत पर्यटन तथा नागिरक उड्ययनमन्त्री रविन्द्र अधिकारीले १४ विषयमा ८१ कामका योजना शुक्रबार सार्वजनिक गरेका हुन्। मन्त्री अधिकारीले केही कामको थालनी भएको र केही काम अब थालिने बताए। उनले ती सबै काम सरकार गठन भएको दिन फागुन ३ को सय दिनमा पूरा गर्ने बताएका छन्। ’अबको सय दिन होइन सरकार गठन भएको सय दिनमा गरिने कार्ययोजना हामीले तय गरेका छौँ’ मन्त्री अधिकारीले भने ’यही कामको जगमा बसेर हामीले दीर्घकालीन तथा मध्यकालीन योजना निर्माण गर्नेछौँ।’ उनले ट्‍वीनअटार खरिद गने प्रकिया अबको ६० दिनमा पूरा गरिने जनाएका छन्। त्रिभुवन अन्तर्रा्ष्ट्रिय विमानस्थलमा एयर ट्राफिक कन्ट्रोलको लागि दैनिक २१ घण्टासम्म सञ्चालन गर्ने कार्ययोजना रहेको छ। दोस्रो अन्तर्रा्ष्ट्रिय विमानस्थल निर्माणको योजनाअन्तर्गत यो अवधिमा वातवरणीय प्रभाव मूल्यांकन, सम्भाव्यता अध्ययनअन्तर्गत कोरियन कम्पनीसँगको दायित्व व्यवस्थापन, निर्माणको मोडालिटी तय गर्ने योजना मन्त्री अधिकारीले अघि सारेका छन्। त्यस्तै सम्पदा संरक्षणअन्तर्गत रानीपोखरी पुनर्निर्माण अघि बढाउने र विवाद समधान गर्ने विषय समेटिएको छ। यी कार्ययोजना पूरा गर्न सबै क्षेत्रमा अधिकारीसमेत तोकिएको छ। मन्त्री अधिकारीले यी कार्य शतप्रतिशत पूरा गर्ने गरी अघि बढाइएको बताएका छन्। उनले भने: ’हामीले सकिँदैन भन्ने कुनै पनि कार्यक्रम समावेश गरेका छैनौँ, जति समावेश छ, सवै पूरा गर्छौ।’ थप भार पर्नेभन्दा भएको जनशक्तिबाट गर्न सकिने सचिव कृष्णप्रसाद देवकोटाले बताए। कामको अनुगमनसमेत सचिव स्तरमा गरिने बताइएको छ।
 



More News



टुर्स एण्ड ट्राभलले यसरी मनाउँदैछ विश्व पर्यटन दिवस

Posted: 2018-09-23 10:55:16

सुनाखरी न्युज/ काठमाडौँ - नेपाल एशोसिएशन टुर्स एण्ड ट्राभल (नाट्टा)ले ३९ औँ विश्व पर्यटन दिवस विभिन्न कार्यक्रम गरी मनाउन लागेको छ । सो क्रममा नाट्टाले शनिबार बिहान प्रमुख धार्मिक तथा पर्यटकीयस्थल स्वयम्भूमा सरसफाइ गरेको ...


चीनका विभिन्न शहरमा हवाई सेवा विस्तार गर्न माग

Posted: 2018-09-21 10:43:29

सुनाखरी न्युज/ काठमाडौँ - नेपालको पर्यटन क्षेत्रको विकासका लागि छिमेकी मुलुक चीनका विभिन्न क्षेत्रमा हवाई सेवा विस्तार गर्नुपर्ने माग गरेको छ। नेपाल एशोसिएशन टुर्स एण्ड ट्राभल (नाट्टा)का अध्यक्ष सिएन पाण्डे नेतृत्वको ...


यति एयरलाइन्सले थप्यो तेस्रो एटिआर जहाज

Posted: 2018-09-19 12:26:20

सुनाखरी न्युज/ काठमाडौं - निजी क्षेत्रको वायुसेवा प्रदायक यति एयरलाइन्सले एटिआर जहाज ल्याएको छ। आन्तरिक उडान गरिरहेको यतिले लामो धावनमार्ग भएका विमानस्थलमा उडान गर्नेगरी एटिआर७२-५०० सिरिजको जहाज ल्याएको हो । यही ...


धावनमार्गमा समस्या आएपछि विमान आकाशमै

Posted: 2018-09-19 05:17:43

काठमाडौँ- धावनमार्ग (रनवे) मा सामान्य धाँजा परेपछि त्रिभुवन अन्तर्राष्ट्रिय विमानस्थलमा केहीबेरका लागि उडान अवतरण अवरुद्ध भएको छ । रनवे अवरुद्ध हुँदा अवतरणमा रहेका आन्तरिक तथा अन्तर्राष्ट्रिय उडान ५ः४० बजेदेखि आकाशमै ‘होल्ड’ भएका छन् । रनवे सामान्य चर्किएपछि मर्मतका लागि विमान केही समयका लागि होल्डमा बस्नुपरेको विमानस्थलका महाप्रबन्धक राजकुमार क्षेत्रीले जानकारी दिनुभयो । ...


‘पाटा ट्राभल मार्ट २०१८’ मा नेपाल सहभागी

Posted: 2018-09-18 13:17:24

सुनाखरी न्युज/ काठमाडौं - सरकारले सन् २०२० लाई नेपाल भ्रमण वर्ष मनाउने निर्णय गरेअनुसार नेपाल पर्यटन बोर्डले पर्यटन प्रवद्र्धनका लागि स्वदेश तथा विदेशमा समेत प्रचारात्मक गतिविधिलाई तीव्रता दिएको छ । बोर्डले नेपाल भ्रमण ...


Advertisements