शेयर बजार

सेयर लगानीकर्ता अप्ठ्यारोमा, साँवा र ब्याज भुक्तानीकै चिन्ता

Posted: 2018-07-11 10:37:24

 
सुनाखरी न्युज/
काठमाडौं-
सेयर लगानीकर्तालाई सेयर धितो राखेर बैंक तथा वित्तीय संस्थाबाट लिएको ऋणको साँवा र ब्याज तिर्ने दबाब परेको छ।
 
वित्तीय संस्थाले चालु आर्थिक वर्षको असार मसान्तभित्र साँवा र ब्याज तिर्न दबाब दिएपछि लगानीकर्ताले सेयर बिक्री गरेरै भए पनि भुक्तानी गर्दा सेयर बजार ओरालो लाग्न पुगेको हो।
 
बैंक तथा वित्तीय संस्थाबाट सेयर धितोमा ऋण लिनेले चालु आर्थिक वर्ष्भित्रमा बुझाउनुपर्ने साँवा ब्याज बुधबार (आज) सम्म बुझाउन सक्ने सेयर लगानीकर्ता संघका महासचिव जगन्नाथ पुडासैनीले नागरिकलाई बताए ।
बैंक तथा वित्तीय संस्थाहरु आर्थिक वर्षको अन्त्यमा भएको नाफा–घाटाको हिसाब–किताब गर्ने अन्तिम तयारीमा जुटेका छन् । अर्थिक वर्ष समाप्त हुनुअघि नै ब्याज भुक्तानी गर्नुपर्ने बाध्यता सेयर लगानीकर्तालाई छ।
 
असारको अन्त्यमा सेयर बिक्रीको चाप बढेको स्टक ब्रोकर बताउँछन् । लगानीकर्ताहरु सेयर बिक्री गरेर ब्याज बुझाउने तयारीमा जुटेको एक विश्लेषकले बताए । उनले भने, ‘बैंक तथा वित्तीय संस्थाले ऋण लगानी गर्नेभन्दा पनि ऋण उठाउने समय भएकाले लगानीकर्ता सेयर खरिद गर्ने्तिरभन्दा पनि बिक्री गर्ने्तिर लागेको देखिन्छन् ।’ बैंकले ब्याज भुक्तानी गर्न दबाब दिएका कारण सेयर बजारमा गिरावट आएको उनको भनाइ छ।
 
नेप्से ओरालो लाग्नुको एउटा कारण असार मसान्तको प्रभावलाई लिने गरिएको छ । नेपाल स्टक एक्सचेन्ज (नेप्से) परिसूचक निरन्तर ओरालो लाग्नुले पनि ब्याजको दबाब सेयर लगानीकर्ता परेको स्पष्ट संकेत गर्छ ।
वाणिज्य बैंक तथा वित्तीय संस्थाहरुले १५–१६ प्रतिशत ब्याजदरमा सेयर धितोमा ऋण दिएका छन् । बैंकले मुद्दती खातामै ११ प्रतिशत ब्याज दिन थालेपछि कर्जाको ब्याज बढेको हो।
 
एकातिर ऋणको ब्याज बढ्नु अर्को्तिर मार्जिन कललाई घटाएका कारण सेयर बजार निरन्तर ओरालो लागेको ब्रोकरको भनाइ छ।लगानीयोग्य पुँजी भएको बेला बोलाएर ऋण लिन ताकेता गर्ने बैंक तथा वित्तीय संस्था अहिले लगानीकर्ता ऋण माग्न गए नयाँ आर्थिक वर्षमा मात्रै आउनु होला भन्दै फर्काउाछन् । यस्तो अवस्थाले पनि सेयर बजारमा भारी गिरावट आएको हो।
 
वित्तीय संस्थाहरुले सेयर लगानीकर्तालाई ऋणको ब्याज असार समान्तसम्ममा बुझाउन ताकेता गरिरहेको लगानीकर्ता बताउँछन् । उनीहरु कम मूल्यमा सेयर बिक्री गरेरै भए पनि ब्याज तिर्न बाध्य छन् ।सेयर बजारमा गिरावट आउनुमा ब्याज भुक्तानीको कारण मात्र नभएको पुडासैनीको भनाइ छ ।‘लगानीको वातावरण लगायत लगानीका लागि चाहिने सबै परिसूचकहरु सकारात्मक भएकाले बजार घट्न पर्ने कारण छैन,’ उनले भने, ‘शान्ति, स्थायित्व र विकासका सम्भावना देखिएकाले पनि सेयर उकालो लाग्ने सम्भावना छ।’
 
नेप्सेसँगै सेयर कारोबार रकम पनि घट्दै गएको छ । कारोबार रकम घट्नुपर्ने कारण नभएको एक लगानीकर्ताले बताए । सामान्यतया असोजदेखि कम्पनीको वार्षिक साधारणसभा हुने र लाभांश पनि वितरण गर्न थाल्ने भएकाले पनि बजार घट्नुको कारण नभएको लगानीकर्ताको भनाइ छ।
 
साँवा, ब्याज बुझाउन समस्या परेका तथा छोटो समयका लागि खरिद गर्ने लगानीकर्ताले सेयर बिक्री गरिरहेको र दीर्घकालीन लगानीकर्ताले बजार घट्नुलाई अवसरको रुपमा लिएर सेयर खरिद गरिरहेको ब्रोकरहरुको भनाइ छ ।
 



More News



एनआईसी एशिया बैंकले १० प्रतिशत लाभांश दिने

Posted: 2018-11-16 17:07:22

सुनाखरी न्युज/ काठमाडौं - एनआईसी एशिया बैंक लिमिटेडले आफ्ना सेयरधनीलाई १०.५२६ प्रतिशत लाभांश दिने भएको छ । बैंकले आर्थिक वर्ष २०७४र०७५ को लागि १० प्रतिशत बोनस र कर प्रयोजनको लागि ०.५२६ प्रतिशत ...


एनएमबी बैंक लगायत अन्य दुई कम्पनीको एक करोड ३३ लाख कित्ता सेयर सूचिकृत

Posted: 2018-11-14 14:27:58

सुनाखरी न्युज/ काठमाडौं - नेपाल स्टक एक्स्चेञ्ज(नेप्से)मा विभिन्न तीन कम्पनीको कुल एक करोड ३३ लाख कित्ता सेयर सूचिकृत भएको छ । बुधबार मात्रै एनएमबी बैंक, सेन्ट्रल फाइनान्स कम्पनी र श्री इन्भेष्टमेन्ट फाइनान्स कम्पनीको ...


३ अर्ब बढीको सेयर निश्कासन प्रक्रियामा

Posted: 2018-11-14 11:36:26

सुनाखरी न्युज/ काठमाडौं - विभिन्न कम्पनीहरुले ३ अर्ब रुपैयाँ बढीको साधारण सेयर (आइपिओ) निश्कासन गर्नका लागि धितोपत्र बोर्डमा आवेदन दिएका छन्। बोर्डका अनुसार सेयर निश्कासनको पाइपलाइनमा सबैभन्दा धेरै ...


मध्य भोटेकोशीको सीमित आइपिओ आज देखी खुल्यो

Posted: 2018-11-14 10:40:34

सुनाखरी न्युज/ काठमाडौं - मध्य भोटेकोशी जलविद्युत कम्पनीको आइपीओ बिक्री खुला भएको छ । कम्पनीले पहिलो चरणमा बुधबारदेखि कर्मचारी सञ्चय कोषका सञ्चयकर्ता, संस्थापक सेयरधनी संस्थाका कर्मचारी र ऋणदाता संस्था ...


सानिमा बैंकबाट अनलाइन सेयर कारोबार गर्न सकिने

Posted: 2018-11-13 10:06:27

सुनाखरी न्युज/ काठमाडौं - सानिमा बैंकले अनलाइनबाट सेयर कारोबार गर्न सकिने सेवा ल्याएको छ। बैंकले ‘थ्री इन वन एकाउन्ट’ सेवा अन्तर्गत यो सेवा ल्याएको जानकारी दिएको छ। नेपालमै पहिलोपटक यस्तो सेवा सुरु गरेको दावी ...


Advertisements