शेयर बजार

जोशी हाइड्रोपावरले जेठ ८ गतेदेखि आइपिओ निष्काशन गर्ने, अधिकांस हाइड्रोका शेयर जोखिममा

Posted: 2018-05-13 11:58:43

 
सुनाखरी न्युज/
काठमाडौं-
 
जोशी हाइड्रोपावर कम्पनी (व्ज्म्ऋी) ले आयोजना प्रभावित क्षेत्रका स्थानीबासीका लागि जेठ ८ गतेदेखि आइपिओ जारी गर्ने भएको छ । कम्पनीले आयोजना प्रभावित क्षेत्र इलाम जिल्ला, इलाम नगरपालिका वडा नं १, ३ र ४ का वासिन्दाहरुको लागि तीन लाख ७१ हजार चार सय कित्ता प्राथमिक शेयर निष्काशन गर्ने भएको हो।
 
 इलामको पुवाखोलामा तीन मेगावाट क्षमताको जलविद्युत आयोजना सञ्चालन गरिरहेको जोशी हाइड्रोपावर डेभलपमेन्ट कम्पनीले स्थानीयलाई ३ करोड ७१ लाख ४० हजार रुपैंया बराबरको साधारण सेयर निष्काशन गर्न लागेको हो ।
 
कम्पनीको सेयर बिक्री प्रबन्धक सिद्धार्थ क्यापिटल रहेको छ । कम्पनीको आइपिओमा छिटोमा जेठ २२ र ढिलोमा असार ११ गतेसम्म आवेदन दिन सकिनेछ ।
 
लगानीकर्ताले इलाम जिल्लामा रहेको सिद्धार्थ बैंक, एक्सेल डेभलपमेन्ट बैंक र कन्काई विकास बैंकमार्फत आवदेन दिन पाउनेछन् । उक्त आइपिओमा न्युनतम ५० देखि अधिकतम १ हजार ८ सय कित्तासम्म आवेदन दिन पाउने व्यवस्था गरिएको सिद्धार्थ क्यापिटलले जनाएको छ ।
 
कम्पनीको इक्रा रेटिङ ’इक्रा एनपि आइपिओ ग्रेड ५’ रहेको छ। यस सूचकले कम्पनीको वित्तीय अवस्था सबैभन्दा कमजोर रहेको जनाउँछ।
 
 
 
पहिलो आयोजनाको रुपमा ३ मेगावाटको अपर पुवा १ आयोजना सञ्चालनमा रहेको कम्पनीले २०७१ माघ १ गतेबाट उक्त आयोजनाबाट व्यवसायिक रुपमा विद्युत उत्पादन गर्दै आएको छ ।
 
आयोजना बनाउन ५५ करोड ३५ लाख रुपैयाँ लाग्ने अनुमान गरिएको छ ।कम्पनीको जारीपुँजी ३७ करोड १४ लाख रुपैयाँ छ ।
 
कम्पनीमा संस्थापकको ५१ र ४९ प्रतिशत सर्वसाधारणको लगानी हुनेछ । स्थानीयलाई १० प्रतिशत आइपिओ बिक्री गरेपछि सर्वसाधारणलाई ३९ प्रतिशत आइपिओ निष्कासन गर्ने कम्पनीले जनाएको छ ।



More News



शेयर कारोबारको ओरालो यात्रा कायमै, लगानीकर्ता निरास

Posted: 2018-05-26 05:59:30

सुनाखरी न्युज/ काठमाडौं- शेयर कारोबारको ओरालो यात्रा कायमै रहेको छ । बजा शुधारकालागि विभिन्न पहलहरु भएपनि बजारले शुधारको गतिलिन नसकेको हो । नेपाल स्टक एक्स्चेञ्जका अनुसार यो साता स्टक एक्सचेन्जमा १८३ कम्पनीहरुको कारोबार भएको छ । जस अनुसार १९७१३ कारोबारबाट एक अर्ब ९२ करोड २७ लाख ३१ हजार रुपैयाँ बराबरका ४१ लाख ३७ हजार चार सय ३० कित्ता सेयरहरु खरिद बिक्री भएका छन् । ...


दोहोरो अंकले घट्यो नेप्से, बढ्ने आशा सेलायो

Posted: 2018-05-25 07:08:32

सुनाखरी न्युज/ काठमाडौँ — सातामा कारोबारको अन्तिम दिन नेप्से परिसूचक दोहोरो अंकले घटयो । अघिल्लो दिनको तुलनामा ०.७६ प्रतिशतले घटे पनि नेप्से परिसूचक १ हजार ३ सय १८.२२ विन्दुमा बन्द भएको छ । उक्त दिन कारोबारमा आएकामध्ये उत्पादन तथा प्रशोधन र व्यापार समूहको परिसूचक बढे । बाँकी सबै समूहको परिसूचक घटे । ...


ग्रीन डेभलपमेन्ट बैंकको साढे ६ लाख कित्ता लिलामी सेयर खुल्ला

Posted: 2018-05-24 14:03:24

सुनाखरी न्युज/ काठमाडौं- ग्रीन डेभलपमेन्ट बैंक ले जेठ १० गते बिहीबारदेखि हकप्रदमा बिक्री नभएको सेयरको लिलामी खुला गरेको छ । बैंकले चार सय प्रतिशत हकप्रदमा सबै सेयर बिक्री नभएपछि ६ लाख ५१ हजार २१३ कित्ता सेयर लिलाम बढाबढमा इच्छुक लगानीकर्तालाई आजदेखि विक्री गर्न लागेको हो । ...


सेयर बजारमा गिरावट, सोमबारको कारोबार साढे ३५ करोड

Posted: 2018-05-22 09:36:16

सुनाखरी न्युज / काठमाडौं- सोमबार दिनभरिमा १६३ वटा कम्पनीको आठ लाख सात हजार पाँच सय ३३ कित्ता सेयर तीन हजार नौ सय ८८ पटक खरिदविक्री हुँदा ३५ करोड ५४ लाख ५० हजार सात सय ९० रुपैयाँको कारोबार भएको छ । नागरिक लगानी कोषको दुई करोड तथा राष्ट्रिय बीमा कम्पनी, नेशनल लाइफ इन्स्योरेन्स, ज्योति विकास बैंक प्रोमोटर, सेञ्चुरी बैंक प्रोमोटर, स्वरोजगार लघुवित्त, राष्ट्रिय बीमा कम्पनी प्रोमोटर, गण्डकी विकास बैंक र साना किसान विकास बैंकको एक करोडमाथिको कारोबार भएको छ । नेपाल इन्भेष्टमेन्ट बैंकको ७९ करोड नजिकको सेयर कारोबार भएको छ । ...


नयाँ स्टक एक्सचेञ्ज कम्पनीको आवश्यकता छैनः साउद

Posted: 2018-05-20 21:23:00

सुनाखरी न्युज/ काठमाडौं- नेपाल स्टक स्क्सचेञ्ज(नेप्से)का महाप्रबन्धक चन्द्र सिंह साउदले नेपालमा नयाँ स्टक एक्सचेञ्ज कम्पनीको आवश्यकता नपर्ने बताएका छन् । साउदले नेपाल स्टक एक्सचेञ्जले नै सेवा सुविधाहरु विस्तार गरेपछि अर्को स्टक एक्सचेञ्जको आवश्यकता नपर्ने बताए ।...


Advertisements