शेयर बजार

शेयर बजारमा भइरहेको गिरावटबारे सरकारको ध्यानाकर्षण,

Posted: 2018-03-27 15:27:38

 
 
 
काठमाडौं - शेयर बजारमा निरन्तर आइरहेको गिरावटका विषयमा संसदमा कुरा उठेको छ ।
 
राष्ट्रिय सभाको मंगलवार बसेको बैठकमा प्रतिपक्षी दल नेपाली कांग्रेसका सांसद राधेश्याम अधिकारीले शेयर बजारमा भइरहेको गिरावटबारे सरकारको ध्यानाकर्षण गराएका हुन् ।
 
‘शेयर बजारमा धनीहरूले मात्र होइन, साना लगानीकर्ताले पनि किन्छन्, अर्थमन्त्रीका भाषणले भइरहेको भन्ने कुरा आएको छ,’ अधिकारीले संसदमा भने, ‘शेयरको लगानी अनुत्पादक मानिने हो भने शेयर बजार नचाहिने हो भने सरकारले भनोस् ।’
 
अर्थमन्त्रीको अभिव्यक्तिका कारण शेयर लगानीकर्ताको विजोक भइरहेको भन्दै उनले सरकारको ध्यानाकर्षण गराए । अर्थमन्त्री खतिवडा राष्ट्रिय सभाका सदस्य हुन् ।
 
सांसद अधिकारीले उखु किसानले ९ अर्ब रुपैयाँको भुक्तानी चिनी मिलबाट नपाएको विषयमा पनि सरकारको ध्यानाकर्षण गराए ।
 
‘किसानहरूले आफूले लगाएको बालीको मोल प्राप्त गर्न सक्दैनन् भने किसानहरूलाई कृषिमा कसरी आकर्षण गर्न सकिन्छ ?’ उनले प्रश्न गरे ।
 
राष्ट्रियसभा बैठकमा एमालेका शेरबहादुर कुवँर, माओवादीका रामनारायण बिडारी लगायतले युरोपेली युनियन ईयूले निर्वाचन पर्यवेक्षणका नाममा दिएको निर्देशनप्रति आपत्ति जनाएका थिए ।



More News



बजारमा सेयरको मूल्य घटेको घट्यै

Posted: 2018-12-09 14:32:58

सुनाखरी न्युज/ काठमाडौँ- चालु आर्थिक वर्षको पाँच महिनामा सेयरधनीको सम्पत्ति करिब १ खर्ब रुपैयाँले घटेको छ । गत साउनदेखि मंसिर २० सम्म सेयर मूल्यमा आएको गिरावटका आधारमा यस्तो विश्लेषण गरिएको हो । उक्त अवधिमा सेयर बजारको आकार कुल बजार पुँजीकरण करिब १ खर्ब रुपैयाँले घटेको छ । यसको अर्थ लगानीकर्ताको सम्पत्ति घटेको भन्ने हो ।...


सान्जेनको सर्वसाधारण र आयोजना प्रभावितका लागि सह निस्काशन कर्ता सम्झौता

Posted: 2018-12-07 10:51:17

सुनाखरी न्युज/ काठमाडौ - सान्जेन जलविद्युत् कम्पनी लिमिटेडको सर्वसाधारण र आयोजना प्रभावित रसुवा जिल्लाका स्थानीय बासिन्दाका लागि शेयर बिक्री गर्न सह–निष्काशन तथा बिक्री प्रबन्धक नियुक्ति गर्ने सम्झौता भएको छ । विहीबार ...


चौतारी लघुवित्तको आइपिओ बिक्री खुल्ला

Posted: 2018-12-05 12:41:46

सुनाखरी न्युज/ काठमाडौ - चौतारी लघुवित्त वित्तीय संस्थाको साधारण सेयर (आइपिओ) बिक्री खुल्ला भएको छ। संस्थाको ६ लाख कित्ता साधारण सेयर आजबाट बिक्री खुल्ला भएको हो।संस्थाले ६ लाख कित्तामध्ये ९ हजार ३ सय ...


नबिल बैंकले ३४ प्रतिशत लाभांश दिने

Posted: 2018-12-04 11:16:26

सुनाखरी न्युज/ काठमाडौ - नबिल बैंकको सञ्चालक समितिको बैठकले लगानीकर्ता लाई ३० प्रतिशत लाभांश दिने निर्णय गरेको छ । बैंकले २२ प्रतिशत नगद र १२ प्रतिशत बोनस शेयर दिने निर्णय गरेको हो । सञ्चालक समितिले गरेको उक्त निर्णय ...


जोशी हाइड्रोपावरको आईपीओ आजदेखि खुल्ला

Posted: 2018-12-02 09:40:43

सुनाखरी न्युज/ काठमाडौ - जोशी हाइड्रोपावर डेभलपमेन्ट कम्पनी लिमिटेडले आइतबार देखि प्रारम्भिक सार्वजनिक निष्कासन (आइपीओ) आवेदन खुला भएको छ । हाइड्रोपावरले १६ करोड ९० लाख ४७ हजार बराबरका १६ लाख ९० हजार ४ सय ...


Advertisements