खेलकुद

विश्वकप उपाधिका लागि फ्रान्स र क्रोएशिया भिड्ने, इंग्ल्याण्डको यात्रासकियो

Posted: 2018-07-12 07:06:26

 
सुनाखरी न्युज/
काठमाडौं-
विश्वकप फुटबल २०१८ को उपाधिका लागि फ्रान्स र क्रोएशिया भिड्ने भएका छन् । बुधबार राती भएको दोस्रो सेमिफाइनलमा इंग्ल्याण्डलाई हराउँदै क्रोएशियाले पहिलो पटक विश्वकपको फाइनलमा स्थान पक्का गरेको हो । क्रोएशिया विश्वकपमा सहभागी भएको यो पाँचौ पटक हो । फ्रान्ससँगको उपाधि भेट पक्का गर्न क्रोएशियाले इंग्ल्याण्डलाई २–१ गोलले स्तब्ध पार्यो । हारसँगै सन् १९६६ पछि पहिलो पटक फाइनल पुग्ने इंग्ल्याण्डको सपना साकार हुन सकेन । खेल सुरु भएको ५ मिनेटमै ग्यारेथ साउथगेटको टोलीका लागि केरियन  ट्रिपरले गोल गर्दै इंग्ल्याण्डलाई जीतको लोभ देखाएका थिए । उनले २० यार्डबाट गरेको फ्रिकिक प्रहार गोलमा परिणत भएको थियो । तर ६८ औँ मिनेटमा क्रोएशियाका लागि पेरिस्कले बराबरी गोल गरेपछि इंग्ल्याण्डको फाइनल यात्रा कठिन बन्यो । निर्धा्रित ९० मिनेटको समयमा थप गोल नभएपछि खेल अतिरिक्त समयमा धकेलियो । थप गरिएको समयको १०९ औँ मिनेटमा इटालियन क्लब युभेन्टसका स्ट्राइकर मारियो मान्जुकीले क्रोएशियाका लागि निर्णायक गोल गर्दै टोलीलाई फाइनलसम्म डोर्याउन सफल भए ।  ह्यारी केन, जेसी लिंगार्डजस्ता भरपर्दा खेलाडिको प्रहारले जाली चुम्न नसक्दा इंग्ल्याण्डले इतिहास कोर्ने मौका गुमायो ।  इंग्ल्याण्डले अब तेस्रो स्थानका लागि बेल्जियमसँग खेल्नेछ । बेल्जियम सेमिफाइनलमा फ्रान्ससँग पराजित भएको थियो ।  फ्रान्स र क्रोएशियाबीचको फाइनल खेल आइतबार हुनेछ । 
 



More News



बाबर हायातले छक्का हानेर आयोजकको गाडीको सिसा फुटाइदिए

Posted: 2018-12-14 14:45:36

सुनखरी न्युज/ काठमाडौ - विराटनगरका लागि हङकङका खेलाडी बाबर हायातले प्रहार गरेको छक्काको बल लागेर आयोजक इपिएलका प्रवन्ध निर्देशक आमिर अख्तरको गाडीको सिसा फुटेको छ। चितवनले दिएको १९७ रनको बिशाल लक्ष्य ...


आइजीपी रनिङ्ग ट्रफी फुटवल प्रतियोगिता सम्पन्न

Posted: 2018-12-14 09:47:23

सुनाखरी न्युज/ काभ्रेपलाञ्चोक - नेपाल प्रहरी स्कुल साँगामा संचालित २६औँ अन्तर माध्यामिक विद्यालय आइजीपी रनिङ्ग ट्रफी फुटवल प्रतियोगिता सम्पन्न भएको छ। कार्यक्रममा प्रहरी महानिरीक्षक सर्वेन्द्र खनालले बिहीबार ...


पाँचौं सेन्ट जेभियर्स मिनी म्याराथन २०१८ सम्पन्न, नेपाल प्रहरीका निराजन गुरूङ प्रथम

Posted: 2018-12-09 14:40:13

सुनाखरी न्युज/ काठमाडौ - प्रहरी महानिरीक्षक सर्वेन्द्र खनालको प्रमुख आतिथ्यमा ‘Run for child education’ भन्ने नाराका साथ काठमाडौं महानगरपालिका(२८ माइतीघरस्थित सेन्ट जेभियर्स कलेजद्वारा आयोजित पाँचौ ...


२६ औं अन्तर विद्यालय आइजीपी फुटबल रनिङ ट्रफि २०७५ को उदघाटन

Posted: 2018-12-06 11:33:56

सुनाखरी न्युज/ काभ्रेपलाञ्चोक - नेपाल प्रहरी स्कुल साँगा काभ्रेपलाञ्चोकको आयोजनामा सोही विद्यालयमा संचालन हुने २६औं अन्तर(विद्यालय आइजीपी फुटबल रनिङ ट्रफि २०७५ को प्रहरी अतिरिक्त महानिरीक्षक ठूले राईले बुधबार ...


प्रथम टोखा मेयर कप वादो काई कराते च्याम्पिन्सिप २०१८ को आयोजना

Posted: 2018-12-04 09:12:35

सुनिल पाठक/ काठमाडौं - वादो काई कराते संघ गोङ्गबु डोजोले यही मङ्सिर २८ र २९ गते मेयर कप वादो काई कराते च्याम्पियनसिप २०१८ को आयोजना गर्ने भएको छ । २ दिने मेयर कप कराते च्याम्पियनसिप आफ्नै गोङ्गबु बानियाटरमा ...


Advertisements