विशेष

कतै तपाँइँकोपनि दुईथरी ब्यालेन्स सीट त छैन ? शंकास्पद करदाताको यसरी गर्दैछ सरकारले अनुसन्धान !

 
सुनाखरी न्युज/
काठमाडौं-
 
नेपाल राष्ट्र बैंकको संयोजनमा कर कार्यालय र वित्तीय संस्थाबीच सूचना आदान प्रदान गर्ने ःवचालित संयन्त्र बनाउने योजना अर्थमन्त्री खतिवडाले अघि सारेका छन् । यसरी सूचना आदान(प्रदान गर्दा कम आकारको वासलातलाई बढाएर ठूलो बनाएर ऋण दिइने जोखिम न्यूनीकरण हुने र कर कार्यालयमा कमजोर वासलात देखाएर राजःव छली गर्ने प्रवृत्ति एकैपटक अन्त्य गर्ने गरी खतिवडाले अस्त्र चलाएका हुन्।
केही साताअगाडि पोस्ट बजेट डिस्कसन’ कार्यक्रममा नेपाल उद्योग वाणिज्य महासंघमा आवद्ध एक व्यवसायीले भने, ’कर कार्यालय र बैंकबीच सूचना आदान-प्रदान गर्ने व्यवस्थाले व्यवसायीलाई अफ्ठ्यारोमा पार्छ। यो व्यवःथा हुन भएन।’
 
ड्यासमा बसेका राजःव सचिव शिशिरकुमार ढुंगानाले जवाफ फर्काए, व्यावसायिक प्रतिष्ठानले दुईथरी वित्तीय विवरण बनाउनै पाइँदैन। यदि कसैले त्यसको गरेको रहेछ भने अब सरकारले छाड्दैन। तपाईंहरु पनि तयार रहनुस्।
 
आफू नेपाल राष्ट्र बैंकको गभर्नर हुँदा ’फ्लोर’ गरेको वित्तीय सूचना आदान(प्रदान प्रणाली ःथापित गर्न अर्थमन्त्री डा युवराज खतिवडाले आगामी आर्थिक वर्षको बजेट वक्तव्यमार्फत अघि बढाएर खतिवडाले बजेटमार्फत भनेका छन्, ’वित्तीय पारदर्शिताका लागि व्यवसायीहरुले कर प्रशासनमा पेश गरेको वित्तीय विवरण र बैंक तथा वित्तीय संःथामा पेश गरेको वित्तीय विवरणको सूचना आदान(प्रदान गर्ने ःवचालित प्रणालीको विकास गरिनेछ।’
 
कर कार्यालयमा नोक्सानको र बैंक तथा वित्तीय संःथामा नाफाको गरी दुई किसिमका वासलात बुझाएर राजःव छली भइरहेको आशंकामा अर्थमन्त्री खतिवडाले यो हतियार चलाएका हुन्। खतिवडाको यो ’एक्सन’ले सबै व्यवसायीलाई झःकाएको छ। व्यवसायीहरुले प्रत्यक्षरअप्रत्यक्ष रुपमा यो नीति कार्यान्वयन गराउन नहुने पक्षमा लबिङ थालेका छन्।
राजस्व प्रशासन र नेपाल राष्ट्र बैंकको उच्च नेतृत्वबीच यसलाई कसरी कार्यान्वयन गर्ने भन्ने विषयमा अनौपचारिक छलफल भइरहेको छ।
 
दुवै निकायका उच्च अधिकारीहरु संलग्न छलफलमा केन्द्रीय बैंकले राजःवलाई सूचना दिने कि राजःवले केन्द्रीय बैंकलाई सूचना उपलब्ध गराउने भन्ने टुंगो समेत लागेको छैन। ’बजेटमा आएको यो विषय कसरी कार्यान्वयन गर्न सकिन्छ भनेर हामीले हेरिरहेका छौँ, छलफल पनि भइरहेको छ,’ एक अधिकारीले भने, ’कसरी सूचना दिने र कुन कुन किसिमका सूचना दिने भन्ने नै अझै यकिन भइसकेको छैन।’
 
आन्तरिक राजस्व विभागका अधिकारीहरुले सबै करदाताको विवरण लिने भन्दा पनि शंकाःपद करदाताबाट यसको परीक्षण अघि बढाउने योजना अघि बढाएको छ। करदाताले कर कार्यालयमा दिएको विवरणमा शंका लागेमा त्यसलाई विभागसमक्ष पठाउने र विभागले केन्द्रीय बैंकबाट थप वित्तीय विवरण मगाएर अनुसन्धान गर्ने गरी कार्यान्वयनको तयारी थालिएको स्रोतको दावी छ।
 
सम्पत्ति शुद्धिकरणको शंका निवारण हुन्छ?
सूचना आदान(प्रदान हुँदा गलत हिसाबबाट पैसा आर्जन गरी बैंक तथा वित्तीय संःथामा राख्ने व्यक्ति तथा संःथामाथि अनुसन्धान गर्न सजिलो हुने विश्वास अर्थ मन्त्रालयका अधिकारीहरुको छ।
 
अहिले पनि सम्पत्ति शुद्धिकरण र राजःव अनुसन्धान विभागले मागेको अवःथामा केन्द्रीय बैंकमार्फत व्यक्तिगत तथा संःथागत विवरण उपलब्ध गराइँदै आएकोमा स्वचालित सूचना प्रणालीले कारबाही प्रक्रिया थप सहज बनाउने विश्वास अर्थका अधिकारीहरुले गरेका छन्।
 
’बजेटमार्फत यो विषय सार्वजनिक भएपछिका व्यवसायीका अभिव्यक्तिले पनि यसको कार्यान्वयन आवश्यक छ भन्ने देखाएको छ। सबै व्यवसायीले गलत काम नगरे पनि केहीको कारोबारमा समःया छ,’ विभागका एक अधिकारीले भने, ’कार्यान्वयन हुनुपर्छ। यो जरुरी पनि छ। तर कसरी गर्ने भन्नेमा ठूलो समस्या अझै छ।’
 
सम्पत्ति शुद्धिकरणका मुद्दामा केही व्यक्ति र संस्थाहरुकै संलग्नता सार्वजनिक भइरहेकाले कर संकलनका अतिरिक्त थप वित्तीय अपराध नियन्त्रणमा पनि यसले सहज गर्ने सरकारी अधिकारीहरुको दावी छ। बैंक तथा वित्तीय संःथासम्बन्धि ऐनको दफा ५३ मा बैंक तथा वित्तीय संस्थाले शंकास्पद कारोबारको जानकारी सम्पत्ति शुद्धिकरण तथा आतंकवादी क्रियाकलापमा वित्तीय लगानी निवारण गर्न बनेका कानुनअनुसारका निकायमा दिनुपर्ने व्यवःथा छ।
 
करदाताको गोप्यता कायम गर्नुपर्ने कानुनी व्यवःथा भएपनि अनुसन्धानका लागि विवरण संकलन गर्न सकिने प्रावधानमा टेकेर सूचना आदान(प्रदानसम्बन्धी व्यवःथा कार्यान्वयनको तयारी गरिएको आन्तरिक राजःव विभागका एक अधिकारीले जानकारी दिए।
 
’गलत मनसायका व्यवसायीलाई गाह्रो हुन्छ’
नेपाल उद्योग वाणिज्य महासंघका एक पूर्व अध्यक्षले असल नियतले व्यवसाय गरिरहेकालाई यसले केही फरक नपर्ने भन्दै दुईथरी वासलात बनाउनेहरुलाई गाह्रो हुने बताए।
 
’कतिले गलत मनसायले दुईथरी वासलात बनाएका छन्, कतिले बैंकको रिक्वायरमेन्ट पूरा गर्न पनि त्यःतो विवरण बनाएका छन्,’ ती व्यवसायीले भने, ’घाटाको वासलातमा बैंकले कि धेरै ब्याज लिन्छ, कि ऋण नै दिँदैन। ऋण लिन पनि दुईथरी बनाउनुपर्ने बाध्यता स–साना व्यवसायीलाई धेरै छ।’
 
सानो आकारको व्यवसाय धितोमा ठूलो ऋण नपाइने भएकाले पनि व्यवसायीले दुईथरी विवरण पेश गर्ने गरेको महासंघका ती पूर्व अध्यक्षले बताए।यद्यपि दुईथरी वासलात बनाउनु अनुचित भएको उनको तर्क छ । 



More Specials



वर्तमान सत्ता हिंसात्मक र घृणात्मक प्रवृत्तिप्रति नरम अनि स्वतन्त्रता र सत्याग्रहीहरुप्रति क्रूर बन्दै गएको छ 

कृष्ण पहाडी/ काठमाडौँ — कुनै एक विख्यात विद्वानसँग सुन्दर स्त्रीले विवाह प्रस्ताव राखिन् । विद्वानले कारण जान्न खोजे । ‘मेरो कोखबाट तपाईँजस्तो विद्वान र मजस्तो सुन्दर सन्तान जन्मिनेछ,’ सुन्दरीको यस्तो तर्क सुनेर विद्वानले अर्को सम्भावना औंल्याए । तर मेरोजस्तो रूप र तपाईको जस्तो विचार भएको सन्तान जन्मियो भने के गर्ने ? सन्दर्भ दुइटा कम्युनिष्ट पार्टीहरू एमाले र माओवादी केन्द्रको एकतापश्चात बनेको नेपाल कम्युनिष्ट पार्टी (नेकपा) को मूल चरित्रको हो । एकता पश्चात कसै–कसैले ठानेका थिए, एकीकृत पार्टी एमालेजस्तो लोकतान्त्रिक र माओवादीको जस्तो ऊर्जाले भरिभराउ हुनेछ ।...


कतै तपाँइँकोपनि दुईथरी ब्यालेन्स सीट त छैन ? शंकास्पद करदाताको यसरी गर्दैछ सरकारले अनुसन्धान !

सुनाखरी न्युज/ काठमाडौं- नेपाल राष्ट्र बैंकको संयोजनमा कर कार्यालय र वित्तीय संस्थाबीच सूचना आदान प्रदान गर्ने ःवचालित संयन्त्र बनाउने योजना अर्थमन्त्री खतिवडाले अघि सारेका छन् । यसरी सूचना आदान(प्रदान गर्दा कम आकारको वासलातलाई बढाएर ठूलो बनाएर ऋण दिइने जोखिम न्यूनीकरण हुने र कर कार्यालयमा कमजोर वासलात देखाएर राजःव छली गर्ने प्रवृत्ति एकैपटक अन्त्य गर्ने गरी खतिवडाले अस्त्र चलाएका हुन्। केही साताअगाडि पोस्ट बजेट डिस्कसन’ कार्यक्रममा नेपाल उद्योग वाणिज्य महासंघमा आवद्ध एक व्यवसायीले भने, ’कर कार्यालय र बैंकबीच सूचना आदान-प्रदान गर्ने व्यवस्थाले व्यवसायीलाई अफ्ठ्यारोमा पार्छ। यो व्यवःथा हुन भएन।’...


कुमारी बैंकको नबिकेको साढे ११ लाख कित्ता हकप्रद लिलामीमा, बैंकले चुक्ता पूँजी कसरी पुर्याउला?

सुनाखरी न्युज/ काठमाडौं- कुमारी बैंकले नबिकेको ११ लाख ४१ हजार कित्ता हकप्रद शेयर बोलकबोलमार्फत लिलाम गर्ने भएको छ।बैंकले असार २२ गतेदेखि २९ गतेसम्म शिलबन्दी बोलपत्र आह्वान गरेको छ। बैंकले वैशाख २८ देखि जेठ ३१ गतेसम्म चुक्ता पूँजीको २० प्रतिशत अर्थात एक करोड १९ लाख कित्ता हकप्रद शेयर निष्कासन गरेको थियो। जसमा संस्थापक तर्फ ५ लाख एक हजार र सर्वसाधारण तर्फ ६ लाख ३९ हजार कित्ता हकप्रद बिक्री भएको थिएन। यो लिलामीपछि बैंकको चुक्ता पूँजी ७ अर्ब १६ करोड रुपैयाँ पुग्नेछ। नेपाल राष्ट्र बैंकले तोकेको ८ अर्ब रुपैयाँ पुर्याउन अझै ८४ करोड रुपैयाँ आवश्यक पर्नेछ।...


दक्षिण एसियामा धेरै कर लाग्ने मुलुक नेपाल ! यसो भन्छन डा. महत

सुनाखरी न्युज/ काठमाडौँ- निर्वाचन घोषणापत्रमार्फत बायुपंखी घोषणाहरु गरियो। १० वर्षमा नै मुलुकलाई विकसित मुलुक बनाउने घोषणा भए। घोषणापत्र र नीति तथा कार्यक्रममार्फत दुई वर्षमा २० लाख पर्यटक ल्याउने, ५ वर्षमा राष्ट्रिय आय दोब्बर गर्ने, कृषि उत्पादन दोब्बर गर्ने र १० वर्षमा मध्यम आय भएका मुलुकमा पुग्ने ’हाइ साउन्डिङ’ घोषणाहरु भएका थिए। तर बजेट बनाउँदा सिमितता भित्र बस्नुपर्छ। चुनावको घोषणापत्र बनाउन जति सजिलो छ बजेट बनाउन त्यति सजिलो हुँदैन। कतिपय पुराना कार्यक्रमलाई निरन्तरता दिनुपर्छ।...


एनसेलमा अख्तियारले छानबिन शुरु, सुनकाण्डमा जस्तै उच्च सरकारी अधिकारीहरु नै छानविनको घेरामा

सुनाखरी न्युज/ काठमाडौं- टेलिकम सेवा प्रदायक कम्पनी एनसेलविरुद्ध अख्तियार दुरुपयोग अनुसन्धान आयोगले छानबिन सुरु गरेको छ । विभिन्न वहानामा सेवाग्राहीलाई ठगेको भन्दै उजुरी परेपछि अख्तियारले छानबिन थालेको हो । लाभकर विवादमा अदालतबाट आफ्नो पक्षमा फैसला गराएको, डाटा प्याकमा ठगेको भन्दै सेवाग्राहीबाट उजुरी परेको हो । अख्तियारका स्रोतका अनुसार एनसेलले विभिन्न सेवा तथा सुविधाको नाममा लाखौँ नेपाली नागरिकलाई ठगी गरेको किटानी गर्दै उजुरी पर्न थालेपछि अनुसन्धान थालिएको हो । एनसेलको सापटीसेवामा २० रुपैयाँ सापटी उपलब्ध गराई रिचार्जपछि सापटी...


Advertisements