विशेष

एनसेलमा अख्तियारले छानबिन शुरु, सुनकाण्डमा जस्तै उच्च सरकारी अधिकारीहरु नै छानविनको घेरामा

 
 
सुनाखरी न्युज/
काठमाडौं-
टेलिकम सेवा प्रदायक कम्पनी एनसेलविरुद्ध अख्तियार दुरुपयोग अनुसन्धान आयोगले छानबिन सुरु गरेको छ । विभिन्न वहानामा सेवाग्राहीलाई ठगेको भन्दै उजुरी परेपछि अख्तियारले छानबिन थालेको हो । लाभकर विवादमा अदालतबाट आफ्नो पक्षमा फैसला गराएको, डाटा प्याकमा ठगेको भन्दै सेवाग्राहीबाट उजुरी परेको हो ।
 
 
 
 
 
 
 
अख्तियारका स्रोतका अनुसार एनसेलले विभिन्न सेवा तथा सुविधाको नाममा लाखौँ नेपाली नागरिकलाई ठगी गरेको किटानी गर्दै उजुरी पर्न थालेपछि अनुसन्धान थालिएको हो । एनसेलको सापटीसेवामा २० रुपैयाँ सापटी उपलब्ध गराई रिचार्जपछि सापटी २० रुपैयाँ र अर्को २ रुपैयाँ ५० पैसा गरेर कुल २२ रुपैयाँ ५० पैसा काटेर उपभोक्ता एवं सेवा कर्ताहरूलाई ठगी रहेको भन्दै अख्तियारमा उजुरी परेको थियो । हाल एनसेलले ४० रुपया सापटी दिँदै सोही शुल्क २ रुपैयाँ ५० पैसा लिदैँ आएको छ ।
 
सापटीको नाममा एनसेल काट्ने २ रुपयाँ ५० पैसाले दैनिक लाखौँ ग्राहकबाट करोडौँ उपभोक्तालाई वैधानिक रूपमा ठगी गरिरहेको दाबी उजुरीकर्ताको छ । सापटी भन्दै अनावश्यक पैसा कटाउनु जघन्य आर्थिक अपराध र भ्रष्टाचार भन्दै उजुरी परेपछि छानबिन गर्न अख्तियारले विशेष चासो राखेर पनि छानबिन थालेको हो ।
 
 
 
अख्तियारमा परेको उजुरीमा एनसेलले सञ्चालन गरेको विभिन्न इन्टरनेट डाटा प्याक सेवामा पनि ठगी गरिरहेको बताइएको छ । एनसेलको दैनिक, त्रिदैनिक, साप्ताहिक, मासिक लगायतका डाटा अफरहरू दिदैँ ठगी गरिरहेको उपभोक्ताको गुनासो छ ।
उच्च सुनकाण्डमा जस्तै उच्च सरकारी अधिकारीहरु नै छानविनको घेरामा परेको स्रोतले बतायो । 
 
 
‘डाटाहरूको नाममा पनि लाखौँ ग्राहकहरूबाट करोडौँ रुपैयाँ ठगिरहेको छ । ऐनसेलको ३० दिने अनलिमिटेड डाटा प्याक भनी ७ सय ८९ रुपैयाँ शुल्क काट्ने गरेको छ, तर अनलिमिटेड भनिए पनि एनसेलले एक जिबी (एक हजार एमबी) कायम रहँदासम्म राम्रोसँग चल्ने तर हजार एमबी सकिएपछि इन्टरनेटको गतिमा ८० देखि ८५ प्रतिशत कमी आउने गरेको छ,’ अख्तियारमा परेको उजुरीमा भनिएको छ, ‘कुनै पनि भिडियोहरू नखुल्ने, नचल्ने आदि भएका छन् ।
 
‘एनसेलले व्यापार गरेर राजस्व नतिर्ने, सेवाग्राहीलाई पनि अनेक योजनामा ठग्ने काम बढेको उजुरी पटकपटक आएपछि आयोग गम्भीर बनेको हो, उजुरीकर्ता आफै एनसेलको प्रयोगकर्ता रहेको भन्दै ठगीका थुप्रै तथ्य राखेपछि छानबिन अघि बढेको हो, अहिले अत्यन्तै प्रारम्भिक छानबिनमै आयोग रहेको छ,’ एक अधिकारीले भने ।
 
 
 
स्रोतका अनुसार एनसेल पदाधिकारी भने उजुरीमाथि छानबिन नगराउन आयोगका कार्यबहाक प्रमुख आयुक्त नविन घिमिरेसँग भेटवार्ता गर्न चाहिरहेका छन् । तर, घिमिरेले ठगीको काम गर्नै पदाधिकारीसँग भेटन नै अस्वीकार गर्दै निर्ममतापूर्वक छानविन गर्ने पक्षमा उभिएको स्रोतले बतायो ।



More Specials



एनसेलमा अख्तियारले छानबिन शुरु, सुनकाण्डमा जस्तै उच्च सरकारी अधिकारीहरु नै छानविनको घेरामा

सुनाखरी न्युज/ काठमाडौं- टेलिकम सेवा प्रदायक कम्पनी एनसेलविरुद्ध अख्तियार दुरुपयोग अनुसन्धान आयोगले छानबिन सुरु गरेको छ । विभिन्न वहानामा सेवाग्राहीलाई ठगेको भन्दै उजुरी परेपछि अख्तियारले छानबिन थालेको हो । लाभकर विवादमा अदालतबाट आफ्नो पक्षमा फैसला गराएको, डाटा प्याकमा ठगेको भन्दै सेवाग्राहीबाट उजुरी परेको हो । अख्तियारका स्रोतका अनुसार एनसेलले विभिन्न सेवा तथा सुविधाको नाममा लाखौँ नेपाली नागरिकलाई ठगी गरेको किटानी गर्दै उजुरी पर्न थालेपछि अनुसन्धान थालिएको हो । एनसेलको सापटीसेवामा २० रुपैयाँ सापटी उपलब्ध गराई रिचार्जपछि सापटी...


पुँजीगत लाभकर नतिरेको एनसेलले पल्सको अवधि घटाएन, उपभोक्तामाथि निरन्तर व्रम्ह्लुट

सुनाखरी न्युज/ काठमाडौं- अर्बौं रुपैयाँ पुँजीगत लाभकर नतिरेको एनसेलले पल्सको अवधिलाई घटाउन पनि अटेर गरेको छ । नेपाल दूरसंचार प्राधिकरण उच्च स्रोतका अनुसार ऐनसेलले प्राधिकरणको निर्देशनलाई पालना गरेको छैन । प्राधिकरणले वैशाख १ देखि २० सेकेन्ड रहेको मोबाइलको पल्स अवधिलाई १० सेकेन्डमा झार्न निर्देशन दिएको थियो । पल्स अवधि - पल्स अवधि भनेको टेलिफोन सेवाको महसुल काट्न निर्धारण गरिने प्रति इकाई समय हो । सो निर्देशनलाई नेपाल टेलिकमले मात्र पालना गरेको पाइएको छ । अन्य कुनै पनि दूरसंचार कम्पनीले पल्सको अवधि नघटाएको स्रोतले आर्थिकन्युजलाई बताएको छ । प्राधिकरणको निर्देशन अनुसार कात्तिक १ देखि भने १ सेकेन्ड बनाउनु पर्ने छ ।...


एनसेलको सप्तरंगी विज्ञापनको लोभमा कतै तपाइँपनि झुक्किइरहनु भएको छ छैन

सुनाखरी न्युज/ काठमाडौं- एनसेलको सप्तरंगी विज्ञापनको लोभमा कतै तपाइँपनि झुक्किइरहनुभएको छ छैन ? एनसेलले टेलिभिजन, रेडियोलगायतका सञ्चार माध्यममा सम्प्रेषण गर्ने सप्तरंगी विज्ञापन र ती विज्ञापनमा प्रस्तुत गरिने विभिन्न सुविधाले हर कोही ग्राहकको मन लोभ्याउँछ । एनसेलका केही अफरहरु त यस्ता पनि छन् जो रात–रातभर आफ्ना प्रेमी–प्रेमिकासँग फोनमा बिताउनेहरुका लागि लक्ष्यित छन् । बोनस प्याक दिएर एनसेलले मध्यरातमा गफ गर्न हौस्याउँछ । ‘३ रुपैँयामा १०० वटा मेसेज होस या विदेशमा भएका आफन्तसँग कुरा गर्न । फरक फरक अफरहरु एनसेलले बजारमा र्पुयाएको छ । त्यस्ता केही अफरहरु सुन्दा राम्रा र सस्ता लाग्छन् । तर वास्तविकतामा एनसेलले दाबी गरेजस्तो कुनै पनि अफर सस्तो भने छैन । ...


एनसेलको पुँजी वृद्धि सम्वन्धी छानविन प्रतिवेदन नै गायव

सुनिल पाठक /सुनाखरी न्युज/ काठमाडौं — विना अनुमतिपुँजी वृद्धिगरेको टेलिफोनसेवा प्रदायक कम्पनि एनसेलको पुँजी वृद्धि सम्वन्धी छानविन प्रतिवेदन गायव भएको पाइएको छ । औद्योगिक प्रवद्र्धन बोर्डले एनसेलको पुँजी वृद्धिको अनुमति दिनुपूर्व सरकारले छानबिन गर्ने निर्णय गरेको भएपनि त्यसपछिको डकुमेण्ट गायम गरिएको हो । छानबिन तथा अध्ययनका लागि बोर्डको बैठकले तत्कालिन उद्योग सचिव सूर्यप्रसाद सिलवालको अध्यक्षतामा एक समिति गठन गरेको थियो । समितिमा नेपाल दूरसञ्चार प्राधिकरणका अध्यक्ष दिगम्बर झा, उद्योग विभागका महानिर्देशक महेश्वर न्यौपाने, राष्ट्र बैंकका प्रतिनिधि, उद्योग र कानुन मन्त्रालयका उपसचिवलाई सदस्य तोकिएको बोर्डका अध्यक्षसमेत रहेका थिए । ...


एनसेलले सरकारी अनुमति विनै गरेको पुँजी वृद्धि सम्वन्धी छानबिन प्रतिवेदन गायव

सुनिल पाठक /सुनाखरी न्युज/ काठमाडौं — विना अनुमतिपुँजी वृद्धिगरेको टेलिफोनसेवा प्रदायक कम्पनि एनसेलको पुँजी वृद्धि सम्वन्धी छानविन प्रतिवेदन गायव भएको पाइएको छ । औद्योगिक प्रवद्र्धन बोर्डले एनसेलको पुँजी वृद्धिको अनुमति दिनुपूर्व सरकारले छानबिन गर्ने निर्णय गरेको भएपनि त्यसपछिको डकुमेण्ट गायम गरिएको हो । छानबिन तथा अध्ययनका लागि बोर्डको बैठकले तत्कालिन उद्योग सचिव सूर्यप्रसाद सिलवालको अध्यक्षतामा एक समिति गठन गरेको थियो । समितिमा नेपाल दूरसञ्चार प्राधिकरणका अध्यक्ष दिगम्बर झा, उद्योग विभागका महानिर्देशक महेश्वर न्यौपाने, राष्ट्र बैंकका प्रतिनिधि, उद्योग र कानुन मन्त्रालयका उपसचिवलाई सदस्य तोकिएको बोर्डका अध्यक्षसमेत रहेका थिए । ...


Advertisements