समाचार

कैलाली, काठमाडौं, मोरङ, रोल्पा र भोजपुरमा भएका छुट्टाछुट्टै सवारी दुर्घटनामा परी ७ जनाको मृत्यु

Posted: 2018-10-12 13:14:36

सुनाखरी न्युज/ काठमाडौं -   काठमाडौं, कैलाली, मोरङ, रोल्पा र भोजपुरमा भएका छुट्टाछुट्टै सवारी दुर्घटनामा परी ७ जनाको मृत्यु भएको छ । काठमाडौं महानगरपालिका ८ स्थित सडकमा बा.३ ख ५२२५ नम्बरको बसको ठक्करबाट गम्भीर घाइते भएकी हाल नाम, थर, वतन नखुलेकी ५० वर्षीया महिला पैदलयात्रीको केएमसी अस्पताल सिनामंगलमा उपचारको क्रममा बिहीबार मृत्यु भएको हो । बस नियन्त्रणमा लिई फरार चालकको प्रहरीले खोजी गरिरहेको छ । 
 
कैलाली गोदावरी नगरपालिका १ वनखेतस्थित सडकमा ना. ५ ख ८०४९ नम्बरको बस र से. ५ ख ७५३६ नम्बरको मोटरसाइकल एक आपसमा ठक्कर खाई दुर्घटना हुँदा गम्भीर घाइते भएका मोटरसाइकल चालक सोही नगरपालिका(६ बस्ने २८ वर्षीय हेमन्त साउद र मोटरइकलमा सवार सोही ठाउँ बस्ने २६ बर्षीय विक्रम खड्कालाई पदमा अस्पताल अत्तरिया हुँदै थप उपचारको लागि भारतको बरेली लैजाने क्रममा बिहीबार बाटोमै मृत्यु भएको हो । बस सहित चालकलाई प्रहरीले नियन्त्रणमा लिएको छ । 
 
मोरङ बेलबारी नगरपालिका ४ स्थित सडकमा ना. ५ ख १९२० नम्बरको ट्रकले को १२. प ९६८२ नम्बरको मोटरसाइकललाई ठक्कर दिँदा गम्भीर घाइते भएका मोटरसाइकल चालक सोही नगरपालिका ११ बस्ने ४५ वर्षीय मनकुमार राई र मोटरसाइकलमा सवार सोही ठाउँ बस्ने ५० वर्षीय वर्ण राईको धरान घोपा अस्पतालमा उपचारको क्रममा बिहीबार मृत्यु भएको हो ।  दुवै सवारी साधन र ट्रक चालक प्रहरीले नियन्त्रणमा लिएको छ ।
 
यसैगरी मोरङ कानेपोखरी गाउँपालिका ७ स्थित सडकमा ना. ५ ख २१४१ नम्बरको यात्रुबाहक बसले ठक्कर दिँदा गम्भीर घाईते भएका पैदलयात्री सोही गाउँपालिका(७ बस्ने ५० बर्षीय बिष्णु भेटवालको न्युरो अस्पताल विराटनगरमा उपचारको क्रममा बिहीबार मृत्यु भएको हो । बस र चालकलाई प्रहरीले नियन्त्रणमा लिएको छ ।
 
रोल्पा लुंग्री गाउँपालिका १ स्थित सडकमा ना.५ त ५५८२ नम्बरको ट्याक्टरले ठक्कर दिँदा सोही गाउँपालिका(१ सिउदर बस्ने सुके बिष्टको १४ बर्षीय छोरा मन्जित बिष्टको बिहीबार घटनास्थलमै मृत्यु भएको हो । ट्याक्टर र चालकलाई प्रहरीले नियन्त्रणमा लिएको छ ।
 
भोजपुर ट्याम्के मैयुम गाउँपालिका ९ स्थित सडकमा को.२ त ४६१८ नम्बरको ट्याक्टरको ट्रलीमा सवार खोटाङ खोटेहाङ गाँउपालिका २ बस्ने ३२ वर्षीया निङल्हामु शेर्पाको ट्याक्टरबाट ओर्लने क्रममा ढुङगामा ठोक्किन गई शुक्रबार मृत्यु भएको हो । ट्याक्टर सहित चालकलाई प्रहरीले नियन्त्रणमा लिएको छ । दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।



More News



आगलागीमा परि दाङमा एकैघरका तीन जनाको मृत्यु

Posted: 2018-12-14 10:46:14

सुनाखरी न्युज/ दाङ - दाङमा आगलागीमा परि एकै घरका तीनजनाको मृत्यु भएको छ । खरले छाएको घरमा आगलागी हुँदा बंगलाचुली गाउँपालिका वडा नं. ८ गुराँसे निवासी नबराज पुनका एक छोरा र दुई छोरीको मृत्यु भएको जिल्ला प्रहरी ...


अवैध लागूऔषध सहित पक्राउ

Posted: 2018-12-13 14:20:22

सुनाखरी न्युज/ काठमाडौ - काठमाडौं नागार्जुन नगरपालिका ६ रामकोट सल्लाघारी बस्ने रामकुमार तामाङलाई ५ किलो अवैध लागूऔषध गाँजा सहित बुधबार दिउसो प्रहरीले पक्राउ गरेको छ । उनले लुकाई छिपाई विक्रि वितरणको ...


सवारी चालक अनुमतिपत्र बनाईदिन्छु भनि ठगी गर्ने पक्राउ

Posted: 2018-12-13 10:38:48

सुनाखरी न्युज/ कास्की - सवारी चालक अनुमतिपत्र बनाईदिन्छु भनि रकम ठगी गरेको अभियोगमा पर्वत मोदी गाउँपालिका २ देउपुरका २२ वर्षीय सरोज चपाईलाई बुधबार प्रहरीले पक्राउ गरेको छ । यातायत व्यावस्था कार्यालयको फेसबुक पेज तथा ग्रुप बनाई सजिलै लाईसेन्स फर्म भर्ने र ट्रायल दिने तथा लाईसेन्स निकाल्न ...


आज विवाह पञ्चमी, जानकी मन्दिरमा भव्य मेला

Posted: 2018-12-12 13:34:48

सुनाखरी न्युज/ काठमाडौ - मार्गशीर्ष शुक्ल पञ्चमीका दिन मनाइने विवाह पञ्चमी पर्व आज श्रीरामचन्द्र र सीताको पूजा आराधना गरी देशभर मनाइँदैछ । त्रेतायुगमा मार्ग शीर्ष शुक्ल पञ्चमीका दिन सीता र रामको विवाह भएको ...


४ वर्षीया बालिकालाई जबरजस्ती करणी गरेको अभियोगमा पक्राउ

Posted: 2018-12-12 13:05:51

सुनाखरी न्युज/ धनकुटा - चौबिसे गाउँपालिका ५ हमेलावस्ने ४ वर्षीया बालिकालाई मंङसिर २४ गते बेलुकी जबरजस्ती करणी गरेको अभियोगमा सोही ठाउँ बस्ने ४१ वर्षीय धन बहादुर तामाङलाई मंगलबार दिउसो प्रहरीले पक्राउ गरेको छ । ...


Advertisements