समाचार

शुक्रबारबाट खाद्य संस्थानले दशैँका लागि खसीबोका बेच्ने

Posted: 2018-10-11 15:45:20

सुनाखरी न्युज/ काठमाडौं -  नेपाल खाद्य संस्थानले शुक्रबारदेखि दशैँका लागि खसी, बोका र च्याङग्रा विक्रीवितरण सूरु गर्ने भएको छ । नेपाल खाद्य संस्थान, बागमती अञ्चल कार्यालयले थापाथलीस्थित कार्यालय परिसरबाट शुक्रबारदेखि दसैंका लागि खसी, बोका र च्याङग्रा विक्रीवितरण गर्ने जानकारी गराएको हो । संस्थानका लागि बागमती अञ्चल कार्यालय प्रमुख सुरेन्द्रराज विष्टले बिक्रीका लागि बिहिबार बिहान सम्म ९० वटा खसी, बोका र ५ सय ५० वटा च्याङग्रा काठमाडौं आईपुगेको जानकारी दिए । शुक्रबारसम्म मुस्ताङबाट १ हजार वटा च्याङग्रा काठमाडौं ल्याउने संस्थानको योजना छ ।
 
 
त्यस्तै हेटौडाबाट ९ सय १० वटा खसी, बोका काठमाडौं ल्याउने योजना रहेको बताइएको छ । शुक्रबार विहान ८ बजेबाट खसी, बोका र च्याङ्ग्रा विक्री वितरण हुनेछन् ।बजार भाउलाई हेरेर सुपथ मूल्यमा खसी, बोका र च्याङग्राको मूल्य निर्धारण गर्ने पनि संस्थानले जनाएको छ । संस्थानका बागमती अञ्चल कार्यालयका प्रमुख विष्टले बजारको भन्दा सस्तो मूल्यमा मासुको विक्री वितरण हुने बताए ।बिहिबार बेलुकासम्म संस्थानले मासुको मूल्य निर्धारण हुने पनि स्पष्ट पारेको छ । संस्थानले हरेक वर्ष थापाथलीस्थित बागमती अञ्चल कार्यालय परिसरबाट दसैंका लागि सुपथ मूल्यमा खसी, बोका र च्याङग्रा विक्री वितरण गर्दै आएको छ । यस वर्ष बाटो अप्ठयारो भएका कारण मुस्ताङबाट च्याङग्रा ल्याउँन कठिनाई भईरहेको संस्थानको भनाई छ ।



More News



भ्रष्टाचारविरुद्धको अन्तराष्ट्रिय दिवस मनाउँदै

Posted: 2018-12-09 10:40:19

सुनाखरी न्युज/ काठमाडौ - भ्रष्टाचारविरुद्धको अन्तर्रा्ष्ट्रिय दिवस आज नेपालमा पनि विभिन्न कार्यक्रम गरी मनाइँदै छ । संयुक्त राष्ट्रसंघले सन् २००३ डिसेम्बर ९ तारिखमा भ्रष्टाचारविरुद्धको अन्तर्रा्ष्ट्रिय महासन्धि पारित गरेको थियो । नेपालले सन् २०११ मा महासन्धीलाई अनुमोदन गरेको थियो । दिवसको अवसरमा अख्तियार दुरुपयोग अनुसन्धान आयोगले कार्यालय परिसरमा विशेष कार्यक्रम आयोजना गरेको छ ।...


जनकपुरमा रामजानकी विवाह पञ्चमी महोत्सव शुरु

Posted: 2018-12-07 13:59:15

सुनाखरी न्युज/ काठमाडौ - रामजानकी विवाह पञ्चमी महोत्सव आज देखि जनकपुरमा शुरु भएको छ । राजर्षि जनक,जानकी र याज्ञवल्क्यको पुण्यभूमि प्राचीन मिथिलाको राजधानी जनकपुरधाममा बर्सेनी मार्ग महिनाको शुक्ल पक्ष ...


१२ वर्षीया बालिकालाई जबरजस्ती करणी गरेको अभियोगमा पक्राउ

Posted: 2018-12-06 14:22:13

सुनाखरी न्युज/ ललितपुर - ललितपुर महानगरपालिका २८ हरिसिद्धि बस्ने उदयपुरकी १२ वर्षीया बालिकालाई जबरजस्ती करणी गरेको अभियोगमा सातदोबाटो बस्ने दोलखाका २१ वर्षीय राजेन्द्र नेपाली र सोही ठाउँ बस्ने २७ वर्षीय ...


दिवंगत पितृको नाममा बत्ती बालि बालाचतुर्दशी पर्व मानाईदै

Posted: 2018-12-05 12:29:22

सुनाखरी न्युज/ काठमाडौ - पशुपतिनाथ मन्दिरलगायत देशभरका शिवमन्दिरमा बालाचतुर्दशीको अघिल्लो रात आज दिवंगत पितृका नाममा दीपदान गरिँदैछ । आज दीपदान गरी बिहीबार बिहानै पितृको सम्झनामा ...


सुनाखरी न्युजको प्रधान सम्पादकमा शिव दुवाडी

Posted: 2018-12-03 11:46:24

काठमाडौं - सुनाखरी न्युज डट कमको प्रधान सम्पादकमा शिव दुवाडी नियुक्त भएका छन् । सुनाखरी न्युज प्रा. लि. ले आइतबार आयोजित एक समारोहबीच दुवाडीलाई प्रधान सम्पादक नियुक्त गरेको हो । २०५९ सालदेखि निरन्तररुपमा आर्थिक पत्रकारितामा संलग्न दुवाडीले...


Advertisements