समाचार

छोरी जन्माएको भन्दै घर निकाला

Posted: 2018-07-19 11:18:22

सुनाखरी न्युज/ सुनसरी - सुनसरी जिल्लाको दुहबी नगरपालिका ६ कि राधा साह छोरी जन्मिएकोमा दुई वर्षदेखि घरेलु हिंसाबाट पीडित भएकी छिन । सुनसरीको इटहरीमा पत्रकार सम्मेलन गरेर साहले आफू छोरी जन्माएकै कारण घरबाट निकाला भएको र अपहेलित समेत भएको बताउनुभयो । उहाँले छोरी जन्मिएका कारण श्रीमान् र घरपरिवार बाट अपहेलित हुँदै अहिले माइतमा बस्न बाध्य भएको बताउनुभयो । साहले २०७२ सालमा २० वर्षको उमेरमा रामधुनी नगरपालिका ३, प्रिपाहका २४ वर्षीय गोपाल साह सँग विवाह गर्नुभएको थियो । विवाहपछि छोरी जन्मिएको भन्दै श्रीमान्ले कुटपिट गर्ने गरेको र घरबाट निकालेको पीडित साहले पत्रकार सम्मेलनमा बताउनुभयो । दुई वर्षदेखि दुहबीमा रहेकी आमाको घरमा बस्दै आएको बताउनुहँदै साहले घर फिर्ता आएर रु १० लाख लिएर आउनुपर्ने माग श्रीमान्ले गरेको बताउनुभयो । 
 
 
आफू पीडित भएर पनि सम्बन्धित निकायले न्याय र चासो नदिएका कारण बाध्य भएर पत्रकार सम्मेलन गर्नुपरेको पीडित साहले बताउनुभयो । दुई वर्षकी छोरीसहित पत्रकार सम्मेलनमा उपस्थित भएकी साहले आफू अन्यायमा परेको भन्दै दुहबी नगरपालिकाको न्यायिक समितिमा निवेदन दिए पनि सुनुवाइ नभएको गुनासो गर्नुभयो । आफू छोरी जन्माएकै कारण श्रीमान् र घरपरिवार बाट अलग भएकोमा उहाँले दुःख व्यक्त गर्नुभयो । उहाँले श्रीमान्सहित ससुरा ललित साह तथा सासु छिनादेवी साहले घरबाट निकालेको र घरमा फिर्ता आए रु १० लाख ल्याउन पटक पटक दबाब दिएको बताउनुभयो । पीडित साहले श्रीमान्कै घरमा बस्न पाउनुपर्ने माग समेत गरेकी छिन । 



More News



तीन महिनामा ४८ अर्बको इन्धन आयात

Posted: 2018-10-26 07:04:14

सुनाखरी न्युज/ काठमाडौं – नेपाल आयल निगमले चालु आर्थिक वर्ष ०७५-७६ को पहिलो तीन महिनामा करिब ४८ अर्ब रुपैयाँको पेट्रोलियम पदार्थ आयात गरेको छ। उक्त अवधिमा निगमले चार लाख ९६ हजार आठ सय ६५ किलोलिटर पेट्रोल, डिजेल, मट्टीतेल, खाना पकाउने ग्यास र हवाई इन्धन आयात गरेको हो।...


’कहीँ नभएको जात्रा हाँडीगाउँमा !’

Posted: 2018-10-25 21:08:06

सुनाखरी न्युज/ काठमाडौं – ʻकहीँ नभएको जात्रा हाँडीगाउँमा’ यो उखान नेपाली समाजमा चर्चित छ । तर धेरैलाई हाँडीगाउँको जात्राबारे थाहा नहुन सक्छ । प्रत्येक वर्ष दशैंको कोजाग्रत पूर्णिमाको भोलिपल्ट काठमाडौंको हाँडीगाउँमा मनाइने जात्रा बिहीवार (आज) मनाइएको छ । ब्रह्मा, विष्णु र महेश्वर भगवानको पूजाआराधना गरी बिहीवार तीनवटा रथलाई हाँडीगाउँ परिक्रमा गराई यो जात्रा मनाइएको हो ।...


काठमाडौंका विभिन्न स्थानबाट अवैध रुपमा जुवातास खेल्ने २७ जना पक्राउ

Posted: 2018-10-25 12:20:21

सुनाखरी न्युज/ काठमाडौं - काठमाडौंका विभिन्न स्थानबाट अवैध रुपमा जुवातास खेलिरहेको अवस्थामा २७ जनालाई प्रहरीले पक्राउ गरेको छ ।काठमाडौं तार्केश्वर नगरपालिका ९ मनमैजुस्थित शंकर तिमिल्सिनाले संचालन गरेको लेखापढी ...


प्रविधिको प्रयोग गरि केटी पठाएर भिडियो खिची फिरौती रकम माग गर्ने पक्राउ

Posted: 2018-10-25 11:23:13

सुनाखरी न्युज/ काठमाडौं - सुन्दर युवती प्रयोग गरी अश्लील हर्कत गराउने र त्यसको भिडियो बनाएर धम्क्याउँदै रकम असुलीको धन्दा चलाउन लागि परेका एक जोडीलाई महानगरीय अपराध महाशाखाले पक्राउ गरेको छ । कुपन्डोल क्षेत्रमा ...


भारतीय कम्युनिस्ट नेता सिताराम यचुरी आइपुगे काठमाडौं

Posted: 2018-10-25 11:08:31

सुनाखरी न्युज/ काठमाडौं - भारतीय कम्युनिस्ट पार्टी (भाकपा)का नेता सीताराम यचुरी काठमाडौं आइपुगेका छन । सत्तारुढ नेपाली कम्युनिस्ट पार्टी (नेकपा)को निमन्त्रणामा यचुरी बिहीबार बिहान काठमाडौं आइपुगेका हुन । यचुरीलाई ...


Advertisements