समाचार

नेदरल्याण्डस्मा हुने एक दिवसीय खेल लगत्तै क्रिकेटर शक्ति गौचनद्वारा संन्यासको घोषणा

Posted: 2018-07-18 14:24:49

सुनाखरी न्युज/ काठमाडौँ - नेपाली राष्ट्रिय टीमका स्पीनर शक्ति गौचनले क्रिकेट खेलबाट सन्यासको घोषणा गरेका छन । उनले नेदरल्याण्डस्मा हुने एक दिवसीय खेल लगत्तै क्रिकेट खेलबाट सन्सास लिने घोषणा गरेका हुन्। नेपाली टीमले साउन १३ मा बेलायतको लर्डसमा एमसीसी र नेदरल्याण्ड्ससँग टि ट्वान्टी क्रिकेट खेल्ने छ। त्यसपछि नेपाली टीम लगत्तै नेदरल्याण्ड्समा जानेछ। नेदरल्याण्ड्समा साउन १६ र १८ गते एक दिवसीय खेल हुने छ। सोही एक दिवसीय खेलपछि शक्ति क्रिकेट खेल्ने छैनन्। तर उनले नेपाल फर्किएर एक पटक नेपाली समर्थकको सम्मानका लागि खेल्ने सोच बनाएका छन्। युरोप जानु अघि आयोजना गरिएको पत्रकार सम्मेलनमा उनले यो समय नै आफ्ना लागि सबैभन्दा उत्तम समय भएको बताए। ‘सन्दीप लामिछाने जस्ता खेलाडि आइसकेको अवस्थामा यो नै मेरो लागि सन्यासको उत्तम समय हो,’ गौचनले भने। 
 
 
नेपाली टिममा को - को
पारस खड्का (कप्तान), अनिलकुमार साह, बसन्त रेग्मी, दीपेन्द्रसिंह ऐरी, ज्ञानेन्द्र मल्ल, करण केसी, ललित भण्डारी, ललित राजवंशी, आरिफ शेख, रोहितकुमार पौडेल, सन्दीप लामिछाने, शक्तिप्रसाद गौचन, शरद भेषवाकर, सोमपाल कामी, सुवास खकुरेल 
 
वैकल्पिक खेलाडी : विनोद भण्डारी, प्रदीप ऐरी, सुनील धमला र सुसन भारी
 
 
शक्ति गौचन नेपाली राष्ट्रिय क्रिकेट टिमबाट निरन्तर लामो समय खेल्ने खेलाडी हुन । सन् २००२ मा राष्ट्रिय टोलीमा डेब्यु गरेका ३४ वर्षीय उनी नेपालका सबैभन्दा फिट खेलाडीमा पर्छन । राष्ट्रिय टिमबाट १६ वर्ष खेल्दा उनी चोटबाट टाढै रहे। टिमका सिनियर क्रिकेटर रहेका उनी सामान्य बिरामी पर्नुबाहेक अस्पताल भर्ना हुनुपरेको छैन। उनी हाल न्यु होराइजन स्कुलका प्रशिक्षक हुन्। ३ सय ६५ दिनमा ३ सय दिन मेरो हातमा ब्याट र बल नै हुन्छ। ब्याट र बल हातमा भएपछि म ग्राउन्डमै हुन्छु उनी सुनाउँछन । खेल भएको बेला मात्र प्रशिक्षण लिने अरु बेला वास्ता नगर्ने अनि घरमा सुतेर मनोरन्जन गर्नाले फिटनेसमा समस्या आउने उनले अनुभव सुनाए ।
 
 
नेपाली टिमबाट खेल्दा अहिले सम्म चोटको समस्या भोग्नु परेको छैन। तर बाल्यकालमा भारतमा रहँदा औंलामा चोट लागेको थियो त्यो चोटले डेढ वर्ष क्रिकेटबाट टाढा हुनुपरेको भन्दै उनी सुनाउँछन् त्यो बेला ब्याटिङ गरे पनि बलिङ गर्न मिल्दैन थियो।
 



More News



नेपाल टस जितेर फिल्डिङमा, क्यानडालाई ब्याटिङको निम्तो

Posted: 2018-02-14 13:11:38

सुनाखरी न्युज- आईसीसी विश्व क्रिकेट लिग ’डिभिजन टू’अन्तर्गत क्यानडासँगको निकै नै महत्वपूर्ण खेलमा नेपालले टस जितेर पहिले फिल्डिङ गर्ने भएको छ । कप्तान पारस खड्काले टस जितेर क्यानडालाई ब्याटिङको निम्तो दिएका हुन् । प्रतियोगिताको शीर्ष २ मा रहँदै विश्वकप छनोट खेल्न नेपाललाई यो खेल जित्नै पर्ने दबाब छ । जितले नेपाललाई विश्वकप छनोटमा पुर्‍याउने छ । क्यानडा र नेपाल दुवैले समान ६ अंक जोडेका छन् । नेट रनरेटमा क्यानडा अघि छ । नेपालले यसअघि जितेका ३ वटै खेलमा टस जितेर पहिले फिल्डिङ गरेको थियो ।...


केन्याको ’हर्ट ब्रेकिङ’ क्षण, जसले अन्तिम बल ’मिसफिल्ड’ गर्दा नेपालले जित्यो

Posted: 2018-02-13 11:15:12

सुनाखरी न्युज- आइसिसी विश्व क्रिकेट लिग डिभिजन(२ को आफ्नो चौथो खेलमा नेपालले केन्यामाथि ३ विकेटको रोमाञ्चक जित हात पार्‍यो। अन्तिम बलमा जितका लागि २ रन चाहिएको स्थितिमा नेपालले २ रन नै बटुल्दा खेल रोमाञ्चक बन्यो। नामिबियाको वान्डरर्स मैदानमा केन्याले दिएको १ सय ७८ रनको लक्ष्य नेपालले अन्तिम बलमा ७ विकेटको क्षतिमा पार गरेको थियो। स्ट्राइकमा रहेका सोमपाल कामीले डिएम ओडिम्बोको बललाई लेग साइडमा प्रहार गरेका थिए। ...


पशुपतिमा नागा बाबाहरुको रौनक, सन्ता मग्नेदेखि वावाकारुप हेर्नेसममका लाइन

Posted: 2018-02-12 16:09:35

सुनाखरी न्युज- मंगलबार हिन्दुहरुले महाशिवरात्री पर्व मनाउँदैछन् । भगवान शिवको पूजा गरी मनाइने यो पर्वको मुख्य विशेषता भनेको काठमाडौंको पशुपतिनाथ नागा बाबाहरु आउनु हो । फागुन कृष्ण एकादशी अर्थात् विजया एकादशीका दिनदेखि नागा बाबा पशुपति मन्दिरभित्र छिर्न पाउँछन् । फागुन कृष्ण औँशीका दिनपछि भने मन्दिरभित्र नागा बाबा बस्न पाउँदैनन् । नागा बाबा पशुपति मन्दिर छिर्नुअघि कपडा लगाएर छिर्नुपर्ने र निस्कँदा पनि कपडा लगाएरै बाहिरिनुपर्ने नियम रहेको छ ।...


यी हुन् भावी मुख्यमन्त्री -प्रदेश हाँक्ने ७ नेता, सबै प्रदेशमा सरकार गठनको गृहकार्य अघि बढिरहेको

Posted: 2018-02-11 21:01:55

सुनाखरी न्युज- सातवटै प्रदेशमा मुख्यमन्त्री को बन्ने भन्ने लगभग टुंगो लागेको छ । सबै प्रदेशमा सरकार गठनको गृहकार्य पनि अघि बढिरहेको छ । बहुमत प्राप्त दलको संसदीय दलको नेतालाई प्रदेश प्रमुखले मुख्यमन्त्री छान्ने संवैधानिक व्यवस्था छ । कुनै पनि दलको बहुमत नरहेको अवस्थामा बहुमत जुटाउन सक्ने प्रदेश सांसद मुख्यमन्त्री बन्नेछन् । दुई नम्बरबाहे सबै प्रदेशमा एमाले–माओवादी गठबन्धनको सरकार बन्दैछ ।...


तीन स्वदेशी एयरलाइन्स अन्तर्रा्ष्ट्रिय उडानको तयारीमा

Posted: 2018-02-10 15:00:21

सुनाखरी न्युज- नेपालबाट विश्वका विभिन्न देशमा हवाई सेवा दिनको लागि तीन वटा स्वदेशी एयरलायन्सले तयारी थालेका छन्। यसअघि नै अन्तर्रा्ष्ट्रिय उडानको लाइसेन्स तथा एयर अपरेटर सर्टि्फिकेट पाएर गुमाएका दुई र एउटा आन्तरिक उडान गरिररहेको कम्पनीले अन्तर्रा्ष्ट्रिय उडानको तयारी गरेका हुन्। पर्यटन मन्त्रालयका अनुसार हाल बीबी एयरवेज र अल्पाइन एयरले लाइसेन्स नवीकरणको लागि आवेदन दिएका छन्। त्यस्तै आन्तरिक उडानमा रहेको श्री एयरलाइन्सले अन्तर्रा्ष्ट्रिय फिक्स्ड उडान लाइसेन्सको लागि आवेदन दिएको छ।...


Advertisements