समाचार

नेदरल्याण्डस्मा हुने एक दिवसीय खेल लगत्तै क्रिकेटर शक्ति गौचनद्वारा संन्यासको घोषणा

Posted: 2018-07-18 14:24:49

सुनाखरी न्युज/ काठमाडौँ - नेपाली राष्ट्रिय टीमका स्पीनर शक्ति गौचनले क्रिकेट खेलबाट सन्यासको घोषणा गरेका छन । उनले नेदरल्याण्डस्मा हुने एक दिवसीय खेल लगत्तै क्रिकेट खेलबाट सन्सास लिने घोषणा गरेका हुन्। नेपाली टीमले साउन १३ मा बेलायतको लर्डसमा एमसीसी र नेदरल्याण्ड्ससँग टि ट्वान्टी क्रिकेट खेल्ने छ। त्यसपछि नेपाली टीम लगत्तै नेदरल्याण्ड्समा जानेछ। नेदरल्याण्ड्समा साउन १६ र १८ गते एक दिवसीय खेल हुने छ। सोही एक दिवसीय खेलपछि शक्ति क्रिकेट खेल्ने छैनन्। तर उनले नेपाल फर्किएर एक पटक नेपाली समर्थकको सम्मानका लागि खेल्ने सोच बनाएका छन्। युरोप जानु अघि आयोजना गरिएको पत्रकार सम्मेलनमा उनले यो समय नै आफ्ना लागि सबैभन्दा उत्तम समय भएको बताए। ‘सन्दीप लामिछाने जस्ता खेलाडि आइसकेको अवस्थामा यो नै मेरो लागि सन्यासको उत्तम समय हो,’ गौचनले भने। 
 
 
नेपाली टिममा को - को
पारस खड्का (कप्तान), अनिलकुमार साह, बसन्त रेग्मी, दीपेन्द्रसिंह ऐरी, ज्ञानेन्द्र मल्ल, करण केसी, ललित भण्डारी, ललित राजवंशी, आरिफ शेख, रोहितकुमार पौडेल, सन्दीप लामिछाने, शक्तिप्रसाद गौचन, शरद भेषवाकर, सोमपाल कामी, सुवास खकुरेल 
 
वैकल्पिक खेलाडी : विनोद भण्डारी, प्रदीप ऐरी, सुनील धमला र सुसन भारी
 
 
शक्ति गौचन नेपाली राष्ट्रिय क्रिकेट टिमबाट निरन्तर लामो समय खेल्ने खेलाडी हुन । सन् २००२ मा राष्ट्रिय टोलीमा डेब्यु गरेका ३४ वर्षीय उनी नेपालका सबैभन्दा फिट खेलाडीमा पर्छन । राष्ट्रिय टिमबाट १६ वर्ष खेल्दा उनी चोटबाट टाढै रहे। टिमका सिनियर क्रिकेटर रहेका उनी सामान्य बिरामी पर्नुबाहेक अस्पताल भर्ना हुनुपरेको छैन। उनी हाल न्यु होराइजन स्कुलका प्रशिक्षक हुन्। ३ सय ६५ दिनमा ३ सय दिन मेरो हातमा ब्याट र बल नै हुन्छ। ब्याट र बल हातमा भएपछि म ग्राउन्डमै हुन्छु उनी सुनाउँछन । खेल भएको बेला मात्र प्रशिक्षण लिने अरु बेला वास्ता नगर्ने अनि घरमा सुतेर मनोरन्जन गर्नाले फिटनेसमा समस्या आउने उनले अनुभव सुनाए ।
 
 
नेपाली टिमबाट खेल्दा अहिले सम्म चोटको समस्या भोग्नु परेको छैन। तर बाल्यकालमा भारतमा रहँदा औंलामा चोट लागेको थियो त्यो चोटले डेढ वर्ष क्रिकेटबाट टाढा हुनुपरेको भन्दै उनी सुनाउँछन् त्यो बेला ब्याटिङ गरे पनि बलिङ गर्न मिल्दैन थियो।
 



More News



झन् ‘पावरफुल’ प्रधानमन्त्री कार्यालय, ‘पावरफुल’ निकाय तानियो

Posted: 2018-03-01 21:21:31

सुनाखरी न्युज- प्रधानमन्त्री केपी ओलीले आफ्नो कार्यालयलाई सर्वा्धिकार सम्पन्न बनाउन गृह, अर्थ र समाज कल्याण मन्त्रालयअन्तर्गत रहेका ‘पावरफुल’ निकाय आफूमातहत ल्याएका छन् । ओलीले मन्त्रिपरिषदको बैठकबाट सरकारको कार्य्विभाजन नियमावली संशोधन गरी अर्थ मन्त्रालयअन्तर्गतका सम्पत्ति शुद्धीकरण अनुसन्धान विभाग र राजस्व अनुसन्धान विभाग... ...


आज फागु पूर्णिमा मनाइँदै, हिमाली तथा पहाडी जिल्लामा फागुको रौनक

Posted: 2018-03-01 09:10:56

सुनाखरी न्युज- फागु अर्थात् होली पर्व बिहीबार हिमाली एवम् पहाडी जिल्लामा हर्षोल्लासका साथ मनाइँदैछ । वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व फागुन शुक्ल पूर्णिमाका दिन मनाइने परम्परागत रूपमा विभिन्न रङ र लोला खेली मनाउने परम्परा छ । केही वर्ष अघिसम्म उपत्यकामा उत्ताउलो रुपमा मनाइने यो पर्व प्रहरीको सक्रियताका कारण पछिल्लो समय सभ्य बन्न थालेको छ ।...


विकासोन्मुख मुलुकमा स्तरोन्नति नहुने मन्त्रिपरिषद्को निर्णय , हाल विश्वभर करिब ४९ मुलुक अतिकम विकसित सूचीमा

Posted: 2018-02-28 21:18:57

सुनाखरी न्युज- सरकारले तत्काल अतिकम विकसित मुलुकबाट माथि नजाने औपचारिक निर्णय गरेको छ । संयुक्त राष्ट्रसंघमा आयोजना हुने अतिकम विकसित मुलुकहरूको सम्मेलनअघि उक्त निर्णय मन्त्रिपरिषदबाट भएको हो । राष्ट्रसंघले प्रतिव्यक्ति आम्दानी, शिक्षा, स्वास्थ्यको अवस्था र आर्थिक क्षेत्रको जोखिमका आधारमा मुलुकहरूलाई अतिकम विकसित (एलडीसी)का रूपमा वर्गीकरण गर्ने गरेको छ। हाल विश्वभर करिब ४९ मुलुक अतिकम विकसित सूचीमा छन्। ...


३१ मन्त्रालयलाई १८ मा झार्ने सरकारको निर्णयपछि अहिले ११ मन्त्रालयका सचिव उब्रिए

Posted: 2018-02-27 15:36:15

सुनाखरी न्युज- ३१ मन्त्रालयलाई १८ मा झार्ने सरकारको निर्णयपछि अहिले ११ मन्त्रालयका सचिव उब्रिएका छन्। मन्त्रालय गाभ्ने निर्णय भए पनि सरकारले सचिवको विषयमा कुनै निर्णय लिएको छैन। सचिवहरूसमेत मन्त्रालयका विषयमा अन्यौलमा परेका छन्। प्रधानमन्त्री कार्यालयमा मुख्यसचिवबाहेक ५ सचिवको दरबन्दी छ। हाल मन्त्रालयमा खटिएका सचिवलाई संविधान अनुसार गठन भएका आयोगहरुमा पठाउने सरकारी तयारी छ। नयाँ संविधान अनुसार केही आयोगहरू गठन हुन बाँकी रहेको छ। ती आयोगमा अहिले उब्रिएका सचिवलाई पदस्थापन गर्ने तयारी सरकारले गरेको छ।...


नबिल, मेगा, सेञ्चुरीका र माछापुच्छ्रे बैंक प्रमुख कार्यकारी अधिकृतबिहिन

Posted: 2018-02-25 14:19:59

सुनाखरी न्युज- सञ्चालनमारहेका २८ मध्ये चार बाणिज्य बैंकहरुमा प्रमुख कार्यकारी अधिकृत पद रिक्त भएसँगै नयाँ प्रमुख कार्यकारीका रुपमा केही पुराना र केही नयाँको नाम चर्चामा आएको छ। अहिले नबिल, मेगा, सेञ्चुरीका साथै माछापुच्छ्रे बैंक पनि प्रमुख कार्यकारी अधिकृतविहिन भएको छ। राष्ट्र बैंकको नयाा ब्यवस्था सँगै भएकै प्रमुख कार्यकारीलाई अर्को बैंकमा नेतृत्व लिन अब छ महिना कुर्नु पर्छ भने बैंकहरुले तीन महिनाभन्दा बढि प्रमुख कार्यकारी अधिकृत पद रिक्त राख्न पाउँदैनन्।...


Advertisements