समाचार

५० करोडका खानेपानी आयोजना २५ करोड अनियमितता !

Posted: 2018-07-12 07:23:00

 
सुनाखरी न्युज/
राप्ती-
 
दुई खानेपानी आयोजनाका लागि ५० करोडको पाइप खरिद गर्दा नेपाल खानेपानी संस्थानबाटै २५ करोड घोटाला भएको छ ।
 
संस्थानद्वारा सञ्चालित बुटवल खानेपानी आयोजना र राप्ती खानेपानी आयोजनाका लागि पाइप खरिदमा अनियमितता भएको हो ।
 
अनियमितता भएको उजुरीका आधारमा गरिएको छानबिनमा २५ करोड घोटाला भएको पाइएको हो ।
 
खानेपानी तथा सरसफाइमन्त्री विना मगरको निर्देशनमा मन्त्रालयले कानुनका उपसचिव गुणराज श्रेष्ठको संयोजकत्वमा छानबिन समिति गठन गरेको थियो ।
 
छानबिन समितिले संस्थानले पाइप खरिदका लागि लागत अनुमानदेखि नै अनियमितता सुरु भएको प्रतिवेदन तयार पारेको छ ।
 
कम्पनी छनोटका लागि मापदण्ड तोक्दा नै मिलेमतोमा दुईवटा कम्पनीलाई ठेक्का पारेर आर्थिक हिनामिना गरिएको प्रतिवेदनमा दाबी गरिएको छ ।
 
‘संस्थानले एकै प्रकृतिको कामलाई दुई टुक्रा पारेको छ, दुई ठेकेदार कम्पनीसँगको मिलेमतोमा इस्टिमेट तयार पारी सोही रेटमा टेन्डर आह्वान गरेको र ठेकेदार कम्पनीले पूरा गर्नुपर्ने मापदण्ड पनि दुई कम्पनीसँग मिल्ने गरी मात्र बनाएको पाइयो,’ छानबिन समितिको प्रतिवेदनमा भनिएको छ, ‘त्यसरी मिलेमतोमा ठेक्का पाएको कम्पनीले ५० करोड लागतमा किन्नुपर्ने पाइपको भन्सार पास गरेको प्रज्ञानपत्र हेर्दा जम्मा २५ करोडमा खरिद भएको देखिन्छ ।’, यो खबर आजकोनयाँ पत्रिकामा छ । 



More News



माइक्रोबसका चालक र सहचालकले पोशाक अनिवार्य लगाउनुपर्ने

Posted: 2018-11-16 16:39:32

सुनाखरी न्युज/ काठमाडौं - उपत्यकाका माइक्रो बसका चालक तथा सहचालकले अनिवार्य रूपमा पोशाक लगाउनु पर्ने भएको छ।यातायात व्यवसायी महासङ्घ, ट्राफिक प्रहरी महाशाखा र माइक्रो बस व्यवसायीबीच आज बसेको बठैकले मङ्सिर ...


छुट्टाछुट्टै सवारी दुर्घटनामा परी ८ जनाको मृत्यु

Posted: 2018-11-16 12:04:25

सुनाखरी न्युज/ काठमाडौं - धनुषा, सर्लाही, धादिङ, रुपन्देही, नवलपरासी (सुस्ता पश्चिम), मोरङ र महोत्तरीमा भएका छुट्टाछुट्टै सवारी दुर्घटनामा परी ८ जनाको मृत्यु भएको छ । धनुषा मिथिला नगरपालिका १० स्थित सडकमा बा.४ ख ४१९० नम्बरको ...


संरक्षित वन्यजन्तुको छाला सहित २ जना पक्राउ

Posted: 2018-11-16 11:47:16

सुनाखरी न्युज/ काठमाडौं - संरक्षित वन्यजन्तुको छाला १ थान सहित रुकुम आठबिसकोट नगरपालिका ५ बस्ने २३ वर्षीय बिकास बस्नेत र सल्यान बाघचौर नगरपालिका ९ बस्ने २२ वर्षीय शेरबहादुर डिसीलाई बुधबार प्रहरीले पक्राउ गरेको ...


पर्वतमा समुदाय - प्रहरी साझेदारी कार्यक्रम प्रभाबकारी बन्दै

Posted: 2018-11-15 17:44:40

सुनाखरी न्युज/ काठमाडौं - पर्वतमा समुदाय - प्रहरी साझेदारी कार्यक्रम प्रभाबकारी बन्दै । समुदाय - प्रहरी साझेदारी कार्यक्रम अन्तर्गत लागूऔषध ओसारपसार, बेचबिखन तथा प्रयोगलाई नियन्त्रण गर्न जिल्ला प्रहरी कार्यालय पर्वतमा ...


चोरी भएका मोटरसाइकल सहित ४ जना पक्राउ

Posted: 2018-11-15 14:27:52

सुनाखरी न्युज - काठमाडौं - प्रहरीले चोरीका मोटरसाइकलसहित काठमाडौँबाट चार जनालाई पक्राउ गरेको छ। बुधबार दिउँसो प्रहरीले चोरीको बा९८प ७७९९ नम्बरको मोटरसाइकल चलाईरहेको अवस्थामा काठमाडौं नागार्जुन नगरपालिका ...


Advertisements