समाचार

कलंकीदेखि महाराजगञ्ज सम्म मापदण्ड मिचेर बनाइएका घर टहरा लगायत संरचना भत्काउन अटेरी

Posted: 2018-06-14 11:59:16

सुनाखरी न्युज/ काठमाडौं - कलंकीदेखि महाराजगञ्ज सम्मको सडक किनारका वासिन्दाले मापदण्ड मिचेर बनाइएका घर टहरा लगायत संरचना भत्काउन अटेरी गरेका छन । सडक विभागले चक्रपथ विस्तारका लागि घर टहरा लगायत संरचना भत्काउन १५ दिनको समय दिएकामा म्याद गुज्रिएको एक साता वित्दा पनि सडक किनारका संरचना यथावत नै रहेका छन । विभागले मापदण्ड मिचेर बनाइएका संरचना अब डोजर र एक्साभेटर प्रयोग गरी आफैं भत्काउने बताएको छ । कोटेश्वर–कलंकी सडक विस्तारको काम अन्तिम चरणमा पुगेसँगै कलंकीदेखि महाराजगञ्ज सम्मको सडक विस्तारको प्रक्रिया अगाडि बढाइएको छ । सडक विभागले कलंकीदेखि महाराजगञ्ज सम्मको सडक विस्तारका लागि जेठ ८ गते १५ दिनको समय दिइ मापदण्ड मिचेर सडक किनारमा बनाइएका संरचना हटाउन स्थानीयवासी सँग आग्रह गर्यो । तर विभागको आग्रहलाई स्थानीयवासीले बेवास्ता गरेका छन । 
 
 
१५ दिने सूचनाको म्याद सकिएको एक साता वित्दा पनि सडक किनारका संरचना यथावत छन् । सडकको बीचबाट ३१र३१ मिटर दायाँबायाँ सडक विस्तारका लागि कतिपय संरचना भत्काउनुपर्ने हुन्छ । सडक विभागले अब मापदण्ड मिचेर बनाइएका संरचना आफैं भत्काउने र भत्काउन लाग्ने खर्च घरधनीसँग असुल गर्ने बताएको छ । विभागले कलंकीदेखि महाराजगञ्जसम्मको ८ किलोमिटर सडक चीनको सहयोगमा ८ लेनमा विस्तार गर्न लागेको हो । विभागले विस्तारको काम अगाडि बढाउन १५ दिनभित्र सडक किनारका सबै संरचना भत्काउने बताएको छ । अढाइ महिनापछि सडक विस्तारको काम सुरु गर्ने योजना रहेका कारण १५ दिनभित्र सडक किनारका संरचना भत्काउने विभागको भनाइ छ । तर स्थानीयवासीले असहयोग गरेका कारण विभागलाई बोले अनुसार काम गर्न भने सजिलो छैन । अर्थात चक्रपथ विस्तारको दोस्रो चरणको काममा ढिलाइ हुने देखिएको छ । 
 
 
त्यसो त चक्रपथ विस्तारका लागि विभागले नै खडा गरेको चक्रपथ सुधार आयोजनाले समेत सडक किनारका संरचना हटाउने तयारीबारे आफूलाई केही जानकारी नभएको बताउनुले पनि विस्तारको काम समयमै सुरु हुन्छ भनेर पत्याउन सकिने अवस्था छैन ।



More News



पर्वत प्रहरिको सवारी साधन चेक जाँचमा तिव्रता

Posted: 2018-10-16 10:04:54

सुनाखरी न्युज/ पर्वत - पर्वत प्रहरिले सवारी चेकजाँच तिव्रता दिएको छ । हिन्दुहरुको महान पर्व विजया दशमीको अवसरमा जिल्ला भित्रने र वाहिरिने सार्वजनिक सवारी साधनहरुमा कायम भएको भाडादर भन्दा वढी भाडा असुल्ने, क्षमता भन्दा वढी यात्रु राख्ने तथा सवारी ऐन विपरित ...


फूलपातीदेखि एकादशी सम्म राजधानीको फोहोर नउठाइने

Posted: 2018-10-15 09:49:35

सुनाखरी न्युज/ काठमाडौं - सिसडोल ल्यान्डफिल साइट दशैँको पाँच दिन बन्द हुने भएको छ । स्थानीय जनताको आग्रह र काठमाडौं महानगरपालिकाका फोहोर व्यवस्थापन कार्यमा काम गर्ने कर्मचारीसमेत बिदामा बस्ने भएकाले पाँच ...


बिजया दशमीका दिन सेनाले उपत्यकामा निःशुल्क बस सञ्चालन गर्ने, यी रुटमा चल्छन् सेनाका बस

Posted: 2018-10-15 09:34:48

सुनाखरी न्युज/ काठमाडौं - नेपाली सेनाले दशैंको टीकाका दिन निशुल्क बस सञ्चालन गर्ने भएको छ। सेनाले काठमाडौँ उपत्यकाका आठवटा रुटमा सञ्चालन हुने गरि बिहान सातदेखि दिउँसो ३ बजेसम्म बस सञ्चालनमा ल्याउन थालेको हो। ...


यसरी सिमाइन्छ खाद्यान्नमा अखाद्य वस्तु, कुन खाद्य वस्तुमा के मिसाएर बेच्छन् कालोबजारीयाले ?

Posted: 2018-10-14 07:06:41

सुनाखरी न्युज/ काठमाडौं -व्यापारी तथा उद्योगीहरुले मानव स्वास्थमा खेलवाड गर्दै खाद्य वस्तुमा अखाद्य वस्तु मिसावट गर्ने गरेका छन् । दसैं तिहारजस्ता चाडबाडमा झनै बढी उपभोक्ताहरु ठगिन सक्छन् ।


दशैं बिदालाई यसरी उपयोग गर्न सकिन्छ

Posted: 2018-10-13 07:11:52

सुनाखरी न्युज/ काठमाडौं- दशैं आयो । दशैँमा थुप्रै दिन बिदा हुन्छ, कसैलाई त घटस्थापनादेखि तिहारसम्मै एक एक महिना । बिदाको समय दशैंको नित्य कर्म पूजापाठ र टीकाबाहेकका समय ब्यतित गर्न गाह्रो हुन सक्छ । यहाँ समयलाई दिक्क नलाग्ने गरी कसरी बिताउने भन्ने बिषयमा छलफल गरिन्छ । सबैजानाले एउटै कुरा वा एकै जनाले उल्लेखित सबैकुरा गर्नुपर्छ भन्ने छैन, एकजनाले कम्तिमा कुनै एक कुरा गरे काफी हुन्छ ।...


Advertisements