समाचार

मेलम्चीको पानी दशैंसम्म पनि काठमाडौं ल्याउन कठीन

Posted: 2018-06-02 05:53:03

 
सुनाखरी न्युज/
काठमाडौं -
वहुचर्चितमेलम्ची खानेपानी  दशैंसम्म काठमाडौं ल्याउन कठीन हुने देखिएको छ । मेलम्ची आयोजनाको ठेकेदार कम्पनीले सरकारको लक्ष्यअनुसार काम नगरेपछि दशैंअघि नै काठमाडौंबासीलाई मेलम्चीको पानी खुवाउने सरकारी लक्ष्य प्रभावित हुने देखिएको हो ।
 
ठेकेदार कम्पनीका प्रतिनिधिले काम गर्न आफ्नो इटालीस्थित केन्द्रीय कार्यालयबाट पैसा नभएको बाहाना बनाएका छन् । जसले समयमै काम सक्न मुस्किल पर्ने देखिएको छ ।
 
 
 
 
सुरुङमार्गमा ब्रेक(थ्रु भए पनि सिमेन्ट लगाएर फिनिसिङ गर्ने काम बाँकी नै छ । हेडवर्क्सको काम पनि बाँकी नै छ । मेलम्चीलाई बाँध बनाएर थनेर टनेलमा हाल्ने संरचना बनाउन पनि बाँकी छ ।
 
यही अवस्थामा इटालियन ठेकेदार कम्पनी सिएमसी दि रेभेनाले विभिन्न समस्या देखाउँदै काम गर्न आनाकानी गरेपछि मेलम्ची आयोजनाको म्याद अझै पछि धकेलिने लगभग तय भएको हो ।
 
ठेकेदारको लापरवाही र बार्गे्निङले हद नाघेपछि शुक्रबार खानेपमानी मन्त्रालयले ठेकेदार कम्पनीलाई कारबाही चेतावनी दिएको छ ।
 
आयोजनामा तीव्र गतिमा काम नभएपछि खानेपानी मन्त्रालयले सुरुङ फिनिसिङको काम दु्रत गतिमा अघि बढाउन, हेडवर्क्सबाट सुरुङमा पानी पठाउने काम प्राथमिकताका साथ गर्न, सुरुङको कामको बारेमा सूचना प्रदान गर्न, सुरुङको भेन्टिलेसन निर्माण चाँडै पुरा गर्न र पानी सुरुङमा पठाउन गरी तीव्र गतिमा काम गर्न निर्देशन दिएको छ ।
 
खानेपानी मन्त्रालयका सचिव कृष्णराम बिसीले कम्पनीले निर्धा्रित समयमै काम सक्ने भनेपनि काम भने त्यस्तो गतिमा नगरेको बताए । अब कम्पनीका मुख्यालयबाटै प्रतिनिधि बोलाएर छलफल गर्न लागिएको उनले जानकारी दिए ।
 
समस्या समाधान नभए कडा किसिमको कदम चाल्न पनि पछि नहट्ने बिसीले बताए । काममा आटटाल भइरहे आलटाल गरे ठेक्का रद्द समेत गर्न सक्ने सरकारको संकेत छ ।
 
अहिले मेलम्चीको सुरुङमा ढलानसहित फिनिसिङ (लाइनिङ)को काम भइरहेको छ । तर, यसको गति निकै सुस्त छ । अडिट टनेलहरु थुल्ले काम पनि बाँकी नै छ ।
 
 
 
ठेकेदार प्रतिनिधिले कम्पनीभित्र आन्तरिक विवाद भएको र आफ्नो केन्द्रीय कार्यालयले असहयोग गरेको जवाफ दिएको जानकारी मन्त्रालयले दिएको छ । ठेकेदार कम्पनीले सम्झौताभन्दा करि १ अर्ब ६५ करोड बढी अतिरिक्त भुक्तानी सरकारसँग मागेको छ । विभिन्न कारण देखाएर ठेकेदारले अतिरिक्त भुक्तानी मागेको हो । जसमध्ये २८ करोड रूपैयाँ कम्पनीले पाइसकेको छ । हरू रकमको पनि भुक्तानी लिनका लागि दबाव बनाउन कम्पनीले मेलम्चीको काम सुस्त गतिमा गरेको अनुमान  छ।
कम्पनीले वैशाख साउनसम्मसुरुङ फिनिसिङको काम टुंग्याउने बताए पनि काम भने नगरेकाले आफूहरु आश्चर्यमा परेको सचिव बिसीले बताए । उनकाअनुसार महिना दिनमा ६ किलोमिटर सुरुङ फिनिसिङ भएमात्र लक्ष्य अनुसार काठमाडौंमा पानी आउन सक्छ । तर, अहिले महिनामा मुस्किकले १ किलोमिटर सुरुङको फिनिसिङ भइरहेको छ ।



More News



हिन्दुराष्ट्र पुनस्थापना हुन्छ : कमल थापा

Posted: 2018-08-31 11:29:19

सुनाखरी न्युज/ विराटनगर - राष्ट्रिय प्रजातन्त्र पार्टीका अध्यक्ष कमल थापाले हिन्दुराष्ट्र पुनःस्थापना हुने ठोकुवा गरेका छन । प्रदेश १ स्तरीय ‘हिन्दुराष्ट्र पुनःस्थापना राष्ट्रिय जागरण अभियान’को शुभारम्भ गर्दै अध्यक्ष थापाले ...


बिम्स्टेकको चौथो शिखर सम्मेलन आज सकिँदै

Posted: 2018-08-31 09:48:24

सुनाखरी न्युज/ काठमाडौं - बिहीबारदेखि शुरु भएको बहुक्षेत्रीय प्राविधिक तथा आर्थिक सहयोगका लागि बंगालको खाडी राष्ट्रको प्रयास (बिम्स्टेक) को चौथो शिखर सम्मेलन आज सकिँदैछ । काठमाडौं घोषणापत्र जारी गर्दै सम्मेलनको समापन हुनेछ ।


विमस्टेक सम्मेलनमा सहभागी हुन सदस्य राष्ट्रका सबै राष्ट्रप्रमुख काठमाडौंमा

Posted: 2018-08-30 12:13:20

सुनाखरी न्युज/ काठमाडौं - बिमस्टेकको चौथो शिखर सम्मेलनमा सहभागी हुन भारतीय प्रधानमन्त्री नरेन्द्र मोदी र बंगलादेशकी प्रधानमन्त्री शेख हसिना बाजेद नेपाल आइपुगेका छन् । भारतीय प्रधानमन्त्री मोदी बिहान नौ बजे तिर त्रिभुवन ...


थाइल्यान्डका प्रधानमन्त्री प्रयुत चानओचा पनि काठमाडौंमा

Posted: 2018-08-30 10:58:14

सुनाखरी न्युज/ काठमाडौं - बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेकको) चौथो शिखर सम्मेलनमा सहभागी हुन थाइल्यान्डका प्रधानमन्त्री प्रयुत चानओचा काठमाडौं आइपुगेका छन । उनलाई उपप्रधान एवं रक्षामन्त्री ईश्वर ...


बंगलादेशकी प्रधानमन्त्री शेख हसिना काठमाडौंमा

Posted: 2018-08-30 10:32:08

सुनाखरी न्युज/ काठमाडौं - बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक)को चौथो शिखर सम्मेलनमा सहभागी हुन बंगलादेशकी प्रधानमन्त्री शेख हसिना काठमाडौं आइपुगेकी छिन् । भारतीय प्रधानमन्त्री नरेन्द्र मोदी आएको केही समयपछि ...


Advertisements